ᤕᤢᤜᤢᤴᤏᤠ 6:33-48

³³ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤧᤰᤂᤠᤒᤠ ᤁᤢᤄᤖᤧ᤺ᤱᤅᤡᤱᤃ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤁᤧᤕᤢ᤺ᤒᤠᤀᤠᤱ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤏᤧᤳᤋᤡᤃᤧᤴ ᤜᤡᤱᤔᤴ ᤁᤧᤒᤡᤒᤠᤴᤏᤣᤖᤥ”

³⁴ᤂᤧᤱᤜᤠ᤹ᤖᤧ ᤔᤧᤔᤧᤳᤋᤢ. “ᤀᤠᤍᤠᤱᤒᤣ. ᤂᤧᤴ ᤂᤖᤧ᤺ᤱᤅᤡᤴ ᤛᤍᤠᤍᤡᤱ ᤕᤠᤵᤔᤡ ᤀᤠᤒᤡᤖᤧ᤹ᤀᤥ॥”

³⁵ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤛᤧᤰᤂᤠᤒᤠ ᤜᤡᤱᤔᤴ ᤁᤧᤒᤡᤒᤠ ᤂᤖᤧ᤺ᤱᤀᤠᤖᤥ. ᤀᤡᤱᤃᤠ᤹ᤀᤥ ᤁᤧᤍᤠ᤺ᤒᤠᤴ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤁᤢᤛᤧᤳᤔᤧᤗᤠ᤺ᤰᤏᤧᤴ. ᤜᤧᤰᤁᤩᤠᤱ ᤀᤡᤱᤃᤠ᤹ ᤕᤠᤵᤔᤡ ᤏᤛᤠ᤺ᤴ ᤁᤧᤈᤥ᤺ᤰᤐᤧᤴ ᤕᤠᤶᤔᤥ ᤀᤠᤵᤑᤠᤸᤗᤧᤀᤠᤱ ᤁᤢᤘᤠᤔᤧᤔᤡ᤺ᤰᤏᤧᤴᤗᤥ॥

³⁶ᤁᤖ ᤀᤡᤱᤃᤠ᤹ ᤕᤠᤵᤔᤡ ᤀᤠᤃᤧᤏᤡ᤺ᤛᤡᤛᤠᤱ ᤏᤛᤠ᤺ᤴ ᤀᤠᤃᤧᤴᤈᤥᤃᤡᤴ ᤑᤠ᤹ᤀᤠᤱ ᤛᤧᤰᤂᤠᤀᤣ ᤔᤧᤳᤏᤡᤱᤅᤠᤱ ᤘᤠ᤹ᤖᤥ॥

³⁷ᤐᤠᤏᤢᤍᤡᤱ ᤐᤠ᤺ᤸᤗᤧ ᤐᤡᤀᤠᤒᤠᤜᤠ᤹ ᤁᤧᤖᤧᤰ ᤀᤡᤱᤃᤠ᤹ᤀᤥ ᤔᤧᤍᤠ᤹᤺. ᤜᤧᤰᤁᤩᤠᤱ ᤀᤠᤳᤋᤡᤴ ᤀᤡᤱᤃᤠ᤹ᤀᤥ ᤋᤠ᤺ ᤂᤧᤴ ᤀᤠᤵᤑᤠᤸᤗᤧᤀᤠᤱ ᤔᤧᤗᤧᤖᤢᤱᤅᤡᤴᤗᤥ॥

³⁸ᤀᤡᤱᤃᤠ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤀᤠᤏᤡᤱᤘᤠ᤹ ᤜᤧᤰᤁᤣ ᤆᤥ᤺ᤰᤛᤧ ᤔᤧᤴᤍᤠᤒᤧᤴᤗᤥ ᤁᤖ ᤐᤠᤏᤢᤍᤡᤱ ᤀᤠᤶᤒᤠᤖᤧ ᤁᤢᤏᤡᤱᤘᤠ᤹ ᤁᤢᤀᤡᤛᤡ᤺ᤰ ᤆᤥ᤺ᤰᤛᤧ ᤐᤠᤱᤄᤠᤱᤅᤠᤱ ᤋᤩᤠᤱᤒᤠᤖᤥ॥

³⁹ᤜᤧᤰᤁᤩᤠᤱ ᤕᤠᤵᤔᤡ ᤁᤧᤒᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤃᤠ᤹ ᤐᤡᤖᤠᤱᤒᤠ ᤗᤳᤌᤡᤰᤁᤠᤱ ᤔᤧᤶᤔᤠᤀᤣ ᤁᤳᤋᤢᤱᤛᤡᤱᤗ ᤜᤧᤰᤁᤩᤠᤱ ᤁᤢᤏᤢᤵᤔᤠ ᤕᤧᤴᤏᤥ ᤁᤢᤜᤡᤱᤘᤧᤳ ᤆᤥᤃᤢᤱᤛᤡᤱᤗ ᤁᤧᤗ᤹ᤒᤠ ᤂᤢᤏᤧ᤹ ᤁᤢᤏᤡᤱᤘᤠ᤹ ᤘᤠ᤹ᤖᤥ॥

⁴⁰ᤌᤣᤀᤠᤱᤓᤧᤸᤗᤧ ᤁᤢᤛ᤻ᤛᤠ᤺ᤴ ᤁᤧᤏᤡ᤺ᤒᤠᤀᤠᤱ ᤏᤛᤠ᤺ᤴ ᤁᤧᤈᤥ᤺ᤰᤐᤠ ᤁᤧᤖᤧᤰᤗᤧ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤔᤧᤄᤥ᤺ᤛᤢᤖ ᤁᤧᤗ᤹ᤒᤠ ᤐᤠᤏᤢᤍᤡᤱ ᤀᤠᤶᤒᤠᤖᤧ ᤁᤢᤏᤡᤱᤘᤠ᤹ ᤘᤠ᤹ᤖᤥ॥ ᤜᤧᤰᤁᤩᤠᤱ ᤁᤢᤏᤢᤵᤔᤠ ᤕᤧᤴᤏᤥ ᤂᤧᤱᤜᤠ᤹ ᤁᤢᤜᤡᤱᤘᤧᤳ ᤆᤥᤃᤢᤱᤛᤡᤱᤗᤥ॥”

⁴¹ᤜᤧᤰᤁᤩᤠᤱ ᤕᤜᤢᤍᤡᤜᤠ᤹ᤖᤧ “‘ᤕᤧᤛᤢᤖᤧ ᤀᤡᤱᤃᤠ᤹ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤁᤧᤕᤢ᤺ᤒᤠ ᤂᤖᤧ᤺ᤱᤀᤠ’” ᤐᤠ᤺ᤳᤋᤢᤒᤠ ᤐᤠ᤺ᤴᤏᤥ ᤂᤢᤏᤡ᤹ ᤏᤡᤱᤘᤠ᤹ ᤔᤧᤍᤩᤧᤏᤧᤴᤏᤠᤱ ᤔᤢᤏᤢᤰᤏᤢᤰ ᤗ᤹ᤔᤠ ᤔᤧᤜᤣ᤺ᤰᤋᤧᤖᤥ॥

⁴²ᤂᤧᤱᤜᤠ᤹ ᤀᤰᤂᤣ ᤔᤧᤔᤧᤳᤇᤡᤱ. “ᤁᤴ ᤕᤢᤛᤢᤑᤖᤧ ᤁᤢᤛ᤻ᤛᤠ᤺ ᤕᤧᤛᤢ᤺ᤴ ᤔᤧ᤺ᤶᤒᤡ᥅ ᤁᤸᤗᤧ ᤁᤢᤶᤒᤠ ᤁᤢᤶᤔᤠᤛᤡ ᤀᤠᤏᤡ᤹ ᤁᤢᤛᤡᤱ ᤀᤠᤴᤏᤡ᤺ᤳᤋᤢᤶᤛᤡᤶᤔᤡᤶᤒᤡ᥅ ᤜᤧᤰᤁᤣ᤺ᤸᤗᤧ ᤀᤠᤰᤂᤣᤀᤠᤱ ᤂᤧᤸᤗᤧ ‘ᤀᤡᤱᤃᤠ᤹ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤋᤩᤠᤱᤒᤠ’ ᤐᤠ᤺ᤵᤔᤠ ᤛᤢᤰᤋᤢᤒᤠᤒᤣ᥅”

⁴³ᤁᤖ ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤂᤡᤏᤡ᤹ ᤔᤢᤏᤢᤰᤏᤢᤰ ᤔᤧᤗ᤹ᤖᤧᤶᤔᤡᤴᤏᤧ᤹.

⁴⁴ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤕᤠᤵᤔᤡ ᤁᤧᤒᤠᤱᤒᤠ ᤐᤠᤏᤢᤍᤡᤱ ᤐᤠ᤺ᤸᤗᤧ ᤔᤏᤠᤜᤠ᤹ ᤀᤡᤱᤃᤠ᤹ᤀᤥ ᤋᤠ᤺ᤔᤠ ᤏᤡᤱᤘᤠ᤹ ᤔᤧᤒᤡᤖᤢᤴᤛᤡᤴᤗ ᤌᤠᤖᤡᤰ ᤀᤠᤳᤋᤡᤴᤏᤠᤱ ᤀᤡᤱᤃᤠ᤹ᤀᤥ ᤋᤠ᤺ᤔᤠ ᤔᤧᤴᤇᤢᤰᤏᤧᤴᤗᤥ॥ ᤂᤧᤱᤜᤠ᤹ ᤔᤧᤍᤠᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤁᤢᤏᤢᤵᤔᤠ ᤕᤧᤴᤏᤥ ᤁᤢᤜᤡᤱᤘᤧᤳ ᤆᤥᤃᤢᤱᤛᤡᤱᤗᤥ॥

⁴⁵ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤂᤢᤏᤡ᤹ ᤛᤠᤵᤐᤴᤏᤥ ᤀᤰᤂᤣᤗ᤹ᤖᤡᤰ ᤔᤧᤛᤠᤵᤋᤢᤀᤠᤱ ᤐᤳ. ‘ᤂᤧᤱᤜᤠ᤹ᤃ ᤁᤧᤖᤧᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤜᤢ᤹ᤖᤢᤛᤡᤒᤠ ᤔᤧᤒᤥ᤺ᤱᤗᤥ॥’ ᤐᤠᤏᤢᤍᤡᤱ ᤐᤠ᤺ᤸᤗᤧ ᤁᤢᤒᤠ᤺ᤴ ᤁᤧᤄᤧᤶᤒᤠᤜᤠ᤹ ᤏᤢ ᤂᤢᤏᤧ᤹ᤗᤠᤶᤒᤠ ᤁᤧᤜᤢ᤹ᤛᤡᤱᤒᤠᤜᤠ᤹ ᤁᤧᤖᤧᤰ ᤀᤡᤱᤃᤠ᤹ᤀᤥ ᤔᤧᤍᤠᤖᤥ॥

⁴⁶ᤀᤠᤳᤋᤡᤸᤗᤧᤀᤠᤱ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤴᤏᤡᤀᤣ ᤘᤠ᤹ᤖᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤁᤧᤍᤠ᤺ᤒᤠᤸᤗᤧᤖᤰ ᤏᤡ᤺ᤛᤢᤀᤠᤱ ᤘᤠ᤹ᤖᤥ॥

⁴⁷ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤀᤡᤱᤃᤠ᤹ ᤏᤛᤠ᤺ᤴ ᤁᤧᤈᤥ᤺ᤰᤐᤧᤴᤏᤢ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤘᤠ᤹ᤖᤥ॥

⁴⁸ᤀᤡᤱᤃᤠ᤹ᤀᤣ ᤛᤧᤰᤂᤠᤒᤠ ᤜᤡᤱᤔᤴ ᤁᤧᤒᤡᤒᤠ ᤂᤖᤧ᤺ᤱᤀᤠᤖᤥ॥