Text copied!
CopyCompare
ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤁᤢᤛᤱ ᤔᤠᤱᤜᤢᤵ - ᤕᤢᤜᤢᤴᤏᤠ - ᤕᤢᤜᤢᤴᤏᤠ 4

ᤕᤢᤜᤢᤴᤏᤠ 4:33-41

Help us?
Click on verse(s) to share them!
33ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤀᤰᤂᤣᤗ᤹ᤖᤡᤰ ᤀᤠᤒᤠᤅᤣ ᤛᤣ᤺ᤴᤔᤧᤍᤥ᤺ᤛᤡᤱ. “ᤔᤧ᤺ᤶᤒᤧ. ᤂᤢᤏᤧ᤹ ᤜᤠ᤺ᤳᤗᤧ ᤁᤢᤈᤠ ᤜᤢ᤹ᤖᤢᤒᤣ᥅”
34ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤕᤠᤵᤔᤡ ᤁᤧᤒᤠᤱᤒᤠᤸᤗᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤆᤥ᤺ᤰᤔᤠ ᤏᤢ ᤁᤢᤕᤠ᤺ᤶᤒᤰ ᤆᤥ᤺ᤰᤔᤠ ᤛᤢ᤺ᤵᤔᤠᤴᤏᤣ ᤀᤡᤱᤃᤠ᤹ ᤀᤠᤈᤠᤔᤠ ᤆᤠᤖᤥ॥
35ᤂᤡᤏᤡ᤹ ᤀᤰᤂᤣᤗ᤹ᤖᤡᤰ ᤁᤧᤒᤠ᤺ᤳᤋᤢᤶ. ‘ᤀᤠᤸᤗ ᤗᤠ ᤗᤡᤛᤡ ᤀᤣᤃᤠᤱ ᤆᤠᤛᤢᤶᤔᤠ ᤕᤧᤶᤔᤡᤴ ᤋᤠ᤺ᤖᤥ॥’ ᤁᤖ ᤀᤡᤱᤃᤠ᤹ ᤔᤧᤳᤏᤡᤱ. ‘ᤂᤡᤏᤡ᤹ ᤔᤡᤰ ᤜᤴᤍᤧᤶᤔᤧ᤹ᤀᤠᤱ ᤀᤥᤔ᤺ᤕᤧᤶᤔᤧ᤹. ᤁᤠᤰ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤥ ᤆᤠ ᤋᤢᤶᤛᤧᤀᤠᤱ ᤆᤠᤛᤢᤶᤔᤠ ᤕᤧᤶᤔᤡᤴ ᤋᤩᤧ ᤆᤢᤖᤧᤀᤠᤱ ᤘᤠ᤹ᤖᤥ॥’
36ᤜᤧᤰᤁᤩᤠᤱ ᤁᤧᤛᤢᤶᤒᤠᤸᤗᤧ ᤂᤢᤏᤧ᤹ ᤁᤢᤏᤠᤶᤕᤠᤰ ᤂᤥ᤺ᤛᤢᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤗᤧ ᤗᤠᤃᤡ ᤐᤥᤃᤢᤃᤧᤴ ᤁᤢᤈᤠ᤺ᤴ ᤔᤧᤛᤢᤵᤛᤢᤖᤥ॥ ᤜᤧᤰᤁᤣᤗ᤹ᤖᤡᤰ ᤕᤠ᤹ᤖᤡ᤺ᤶᤒᤠ ᤁᤧᤜᤣ᤹ᤒᤠ ᤏᤢ ᤆᤠ ᤁᤧᤛᤢᤶᤒᤠ ᤏᤧᤵᤔᤠᤱ ᤛ᤺ᤳᤇᤡᤖᤥ॥
37ᤜᤧᤰᤁᤣᤗ᤹ᤖᤡᤰ ‘ᤌᤡᤰᤁᤡᤸᤗᤧ ᤕᤠ᤹ᤖᤡ᤺ᤶᤒᤠᤴ ᤜᤣ᤹ᤖᤢ ᤘᤣ᤹ᤛ᤻ᤔᤠᤸᤗᤧ ᤆᤠ ᤛᤢᤵᤛᤢ᤹’ ᤐᤠ᤺ᤵᤔᤏᤠᤒᤠᤴ ᤛᤧᤰᤂᤠᤀᤣᤖᤥ॥
38ᤀᤡᤱᤃᤠ᤹ᤀᤠᤱ ᤂᤡᤏᤡ᤹ ᤆᤠ ᤁᤧᤴᤜᤣ᤹ᤖᤢᤶᤔᤡᤴᤒᤥ ᤐᤥᤃᤢᤃᤧᤴ ᤁᤢᤈᤠ ᤛᤢᤶᤛᤧ ᤐᤠᤱᤏᤡᤱᤅᤠᤱ ᤘᤠ᤹ᤀᤠᤖᤥ॥ ᤘᤣ᤹ᤜᤠ᤹ᤖᤧ ᤕᤠᤶᤒᤢᤎᤡᤰ ᤔᤧᤈᤥᤃᤢᤀᤠᤱ ᤘᤠ᤹ᤖᤥ ᤜᤧᤰᤁᤩᤠᤱ ᤂᤢᤏᤡ᤹ ᤕᤠᤶᤒᤢᤎᤡᤰᤗᤧᤴ ᤀᤡᤴᤎᤠ᤺ᤱᤅᤡᤴ ᤂᤡᤏᤡ᤹ ᤁᤧᤄᤥ᤺ᤛᤢᤶᤔᤠᤱ ᤘᤠ᤹ᤖᤥ॥”
39ᤂᤧᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤀᤡᤱᤃᤠ᤹ ᤆᤥᤃᤢᤱᤒᤠ ᤁᤠᤰ ᤀᤠᤕᤠ᤺ᤶᤒᤰᤜᤠ᤹ ᤂᤢᤏᤧ᤹ ᤆᤧᤰᤋᤠᤱᤗᤥ ᤗ᤹ᤖᤡᤰ ᤐᤠ᤺ᤳᤋᤢᤒᤠᤸᤗᤧ ᤆᤥᤃᤢᤸᤗᤧ ᤂᤧᤴ ᤐᤠᤱᤈᤢᤶᤗᤠᤶ ᤁᤧᤍᤠ᤺ᤒᤠ ᤕᤖᤡᤰ ᤛᤠᤔᤖᤡᤜᤠ᤹ᤖᤧ ᤕᤧᤛᤢ᤺ᤴ ᤏᤛᤠ᤺ᤴ ᤔᤧᤈᤥᤃᤢᤖᤥ॥
40ᤛᤠᤔᤖᤡᤜᤠ᤹ ᤂᤢᤏᤧ᤹ ᤁᤢᤍᤢᤶᤛᤧ ᤔᤧᤍᤩᤧᤀᤠᤱ ᤀᤠᤏᤡᤃᤧᤏᤢ ᤌᤡᤰᤕᤧᤴ ᤏᤡᤕᤧᤴ ᤌᤠᤖᤡᤰ ᤕᤠ᤺ᤰᤋᤧ᤹ ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢ ᤜᤧᤰᤁᤩᤠᤱ ᤕᤧᤛᤢ᤺ᤴ ᤂᤧᤵᤔᤥ ᤏᤡᤕᤧᤴ ᤌᤠᤖᤡᤰ ᤕᤠ᤺ᤰᤋᤧᤖᤥ॥
41ᤜᤧᤰᤁᤩᤠᤱ ᤂᤢᤏᤧ᤹ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤀᤠᤸᤗᤛᤠᤱ ᤕᤖᤡᤰ ᤏᤛᤠᤏᤡᤒᤠ ᤔᤧᤒᤥ᤺ᤰᤂᤧᤖᤥ॥

Read ᤕᤢᤜᤢᤴᤏᤠ 4ᤕᤢᤜᤢᤴᤏᤠ 4
Compare ᤕᤢᤜᤢᤴᤏᤠ 4:33-41ᤕᤢᤜᤢᤴᤏᤠ 4:33-41