ᤕᤢᤜᤢᤴᤏᤠ 3:22-27

²²ᤂᤧᤴ ᤀᤣᤃᤠᤱ ᤕᤧᤛᤢ᤺ᤴ ᤏᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤕᤖᤢᤛᤗᤧᤔᤗᤠᤶᤒᤠ ᤕᤜᤢᤍᤡᤕᤠ ᤌᤢᤶ ᤁᤒᤪᤡᤱᤒᤠ ᤗᤠᤈᤣ᤹ᤀᤥ ᤔᤧᤒᤣᤀᤠᤱ ᤂᤧᤵᤔᤥ ᤂᤢᤏᤧ᤹ ᤂᤧᤱᤜᤠ᤹ᤏᤢ ᤘᤕᤧᤸᤗᤧ ᤒᤵᤋᤡᤛ᤻ᤔᤠ ᤐᤡᤖᤢᤛᤡᤖᤥ॥

²³ᤂᤧᤴ ᤕᤧᤶᤔᤥ ᤕᤢᤜᤢᤴᤏᤠ᤺ᤴ ᤛᤠᤗᤡᤶ ᤐᤠᤱᤈᤢᤶᤔᤡᤸᤗᤧ ᤁᤢᤒᤣᤛᤠᤱ ᤀᤣᤏᤥᤏ ᤔᤧᤵᤔᤏᤠᤒᤠ ᤋᤧᤴᤏᤥ ᤒᤵᤋᤡᤛ᤻ᤔᤠ ᤐᤡᤖᤢᤛᤡᤖ ᤕᤠᤃᤧ ᤌᤣᤀᤠᤱᤓᤧᤸᤗᤧ ᤂᤧᤵᤔᤥ ᤕᤖᤡᤰ ᤆᤫᤠ᤺ᤳ ᤏᤧᤛ᤻ᤛᤧᤀᤠᤱ ᤔᤏᤠᤜᤠ᤹ ᤒᤵᤋᤡᤛ᤻ᤔᤠ ᤐᤥ᤺ᤱᤛᤧ ᤂᤧᤵᤔᤥ ᤔᤧᤍᤩᤧᤖ ᤔᤧᤘᤕᤧᤖᤥ॥

²⁴(ᤁᤴ ᤒᤵᤋᤡᤛ᤻ᤔᤠ ᤐᤡᤔᤠ ᤕᤠ᤺ᤶᤒᤰᤁᤡᤱᤃ ᤕᤢᤜᤢᤴᤏᤠ᤺ᤴ ᤐᤢᤱᤗᤠᤜᤡᤶᤔᤥ ᤛᤠᤰᤔᤠᤏᤢ᤺ᤸᤗᤧ ᤋᤃᤡᤒᤠ ᤐᤠ᤺ᤴ ᤘᤕᤧᤖᤥ॥)

²⁵ᤕᤢᤜᤢᤴᤏᤠ᤺ᤸᤗᤧ ᤁᤢᤓᤠ ᤁᤢᤜᤢ᤹ᤛᤠᤶᤒᤠᤜᤠ᤹ ᤕᤜᤢᤍᤡᤎᤡᤰᤏᤢ ᤛᤣᤛᤣ ᤆᤥ᤺ᤰᤛᤡᤱᤔᤠ ᤌᤡᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤠ᤺ᤴᤎᤱ ᤐᤥ᤺ᤰᤂᤧᤖᤥ॥

²⁶ᤕᤢᤜᤢᤴᤏᤠᤖᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤔᤧᤍᤩᤧᤀᤠᤱ ᤂᤢᤏᤧ᤹ ᤔᤧᤔᤧᤳᤋᤢ. “ᤛᤡᤰᤛᤠᤶᤒᤣ. ᤕᤷᤍᤏ ᤕᤱᤄᤱᤅᤡᤸᤗᤧ ᤏᤠᤎᤠ᤺ᤶᤒᤡ ᤂᤧᤏᤧ᤹ᤏᤢ ᤁᤧᤘᤠ᤹ᤒᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤧᤏᤧ᤹ ᤋᤥ᤺ᤴᤍᤡ ᤁᤧᤒᤡᤖᤢᤒᤠ ᤔᤏᤠ᤺ᤸᤗᤧ ᤒᤵᤋᤡᤛ᤻ᤔᤠ ᤐᤡᤖᤢᤛᤡᤖ ᤕᤠᤰᤗᤥ॥ ᤀᤠᤏᤡ᤹ᤀᤥ ᤁᤧᤖᤧᤰ ᤔᤏᤠᤜᤠ᤹ ᤋᤠᤔᤠᤖᤧ ᤁᤢᤗᤧᤰᤘᤠ ᤂᤢᤏᤧ᤹ᤀᤥ ᤔᤧᤒᤣ᤺ᤰᤗ ᤔᤧᤒᤳᤗᤥ॥”

²⁷ᤕᤢᤜᤢᤴᤏᤠᤖᤧ ᤂᤧᤴ ᤏᤥᤃᤵ ᤐᤡᤖᤢ. “ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤶᤒᤡᤀᤣᤃ ᤔᤏᤠ᤺ᤸᤗᤧ ᤌᤧᤔᤠᤀᤠᤱ ᤂᤥ᤺ᤔᤠ ᤔᤧᤛᤢᤰᤋᤢᤴᤗᤥ॥