ᤕᤢᤜᤢᤴᤏᤠ 20:3-14

³ᤐᤋᤪᤢᤛ ᤏᤢ ᤂᤧᤴ ᤘᤣ᤹ ᤜᤢ᤹ᤛᤠᤶᤒᤠᤴ ᤀᤡ᤺ᤵᤐᤢᤱ ᤗᤧᤵᤔᤠᤱ ᤌᤠ᤺ᤏᤧᤳᤇᤡ॥

⁴ᤂᤧᤴ ᤏᤧᤵᤔᤠᤱ ᤗᤥ᤺ᤰᤋᤧᤳᤇᤡ. ᤁᤖ ᤂᤧᤴ ᤘᤣ᤹ ᤜᤢ᤹ᤛᤠᤶᤒᤠᤸᤗᤧ ᤐᤋᤪᤢᤛᤧᤴ ᤗᤠᤶᤒᤠᤰᤋᤢᤀᤠᤱ ᤀᤡᤵᤐᤢᤱᤅᤥ ᤋᤃᤡ ᤁᤧᤖᤧᤖᤥ॥

⁵ᤂᤧᤴ ᤀ᤺ᤰᤂᤢᤶ ᤑᤴᤇᤡᤱᤅᤠᤱ ᤛᤡᤃᤠᤱ ᤀᤥᤔᤧᤳᤋᤢᤸᤗᤧ ᤆᤣᤍᤣ᤺ᤳᤋᤡᤴ ᤂᤧᤵᤔᤥ ᤏᤧᤛ᤻ᤛᤧᤒᤠ ᤏᤡ᤺ᤛᤢ. ᤁᤖ ᤛᤡᤃᤠᤱᤃ ᤔᤧᤗᤠ᤺ᤛᤧᤴᤗᤥ॥

⁶ᤁᤢᤀᤣ᤺ᤰ ᤁᤢᤀᤣ᤺ᤰ ᤛᤡᤔᤥᤏ ᤐᤋᤪᤢᤛᤧᤴ ᤂᤧᤵᤔᤥ ᤁᤧᤖᤧᤀᤠᤱ ᤛᤡᤃᤠᤱ ᤗᤠ᤺ᤛᤧ॥ ᤂᤧᤸᤗᤧ ᤆᤣᤍᤣ᤺ᤳᤋᤡᤴ ᤏᤢ

⁷ᤕᤧᤛᤢᤖᤧ ᤁᤢᤏᤠᤖᤠ ᤔᤧᤍᤧᤵᤋᤢᤒᤠ ᤋᤣ᤺ᤳᤋᤡᤴ ᤂᤧᤵᤔᤥ ᤏᤧᤛ᤻ᤛᤧᤒᤠ ᤏᤡ᤺ᤛᤢ॥ ᤂᤧᤴ ᤏᤠᤍᤧᤵᤔᤠ ᤋᤣ᤺ᤳᤋᤡᤴ ᤆᤣᤍᤣ᤺ᤳᤋᤡᤸᤗᤧ ᤁᤢᤒᤣᤛᤠᤱ ᤔᤧᤓᤠᤰᤋᤢᤀᤠᤱ ᤏᤧᤛ᤻ᤛᤧᤒᤠ ᤏᤡ᤺ᤛᤢᤖᤥ॥

⁸ᤜᤧᤰᤁᤩᤠᤱ ᤋᤃᤡ ᤀᤡᤵᤐᤢᤱᤅᤥ ᤁᤧᤃᤧᤵᤐᤠ ᤜᤢ᤹ᤛᤠᤶᤒᤧᤴᤏᤠᤱ ᤛᤡᤃᤠᤱ ᤗᤠ᤺ᤛᤧ॥ ᤂᤧᤸᤗᤧ ᤂᤧᤴ ᤏᤡ᤺ᤛᤢᤀᤠᤱ ᤏᤛᤠ᤺ᤴ ᤆᤥᤃᤢᤖᤥ॥

⁹(ᤂᤧᤱᤜᤠ᤹ᤖᤧ ᤀᤠᤸᤗᤛᤠᤱ ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶ ᤜᤡᤱ ᤗ᤹ᤖᤡᤰ ᤛᤠᤶᤕᤥᤛᤠᤵᤗᤠᤀᤥ ᤁᤧᤒᤵᤐᤧᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤔᤧᤘᤕᤧᤖᤥ॥)

¹⁰ᤜᤧᤰᤁᤩᤠᤱ ᤂᤧᤴ ᤜᤢ᤹ᤛᤠᤶᤒᤠᤜᤠ᤹ ᤏᤧᤵᤔᤠᤱ ᤜᤡᤶᤔᤥ ᤏᤢ᤺ᤰᤂᤧᤳᤇᤡᤖᤥ॥

¹¹ᤁᤖ ᤔᤖᤡᤕᤶᤔᤡᤴ ᤀᤡ᤺ᤵᤐᤢᤱ ᤗᤠ᤺ᤰᤁᤠᤳ ᤜᤠᤒᤧᤖ ᤕᤧᤒᤧᤖᤥ॥ ᤂᤧᤴ ᤜᤠᤒᤧᤖ ᤀ᤺ᤰᤂᤢᤶ ᤑᤴᤇᤡᤱᤅᤠᤱ ᤀᤡ᤺ᤵᤐᤢᤱ ᤛᤡᤃᤠᤱ ᤀᤥᤔᤧᤳᤋᤢᤸᤗᤧ.

¹²ᤑ᤺ᤃᤧᤗ᤹ᤒᤠ ᤋᤣ᤺ᤳ ᤁᤧᤈᤠᤱᤒᤠ ᤏᤧᤵᤑᤢ ᤔᤠᤱᤗᤠᤀᤡᤱᤒᤠᤜᤠ᤹ ᤕᤧᤛᤢᤖᤧ ᤁᤢᤎᤰ ᤔᤧᤏᤧᤛ᤻ᤛᤢᤀᤠᤱ ᤏᤧᤛ᤻ᤛᤧᤒᤠ ᤋᤧᤴᤏᤥ ᤌᤡᤰᤁᤡᤴ ᤁᤢᤎᤧᤃᤣ᤺ᤰ ᤗᤧᤵᤔᤠᤱ ᤏᤢ ᤘᤧᤛ᤻ᤔᤠᤴ ᤁᤢᤗᤠᤱ ᤗᤧᤵᤔᤠᤱ ᤕᤢᤅᤧᤳᤇᤡᤒᤠ ᤏᤡ᤺ᤛᤢᤛᤡᤖᤥ॥

¹³ᤂᤧᤴ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤧ᤹ ᤛᤣ᤺ᤴᤍᤥ᤺ᤛᤧᤳᤇᤢ. “ᤂᤧᤏᤧ᤹ ᤌᤣᤀᤠᤱ ᤁᤧᤜᤠ᤺ᤵᤐᤠᤒᤣ᥅” ᤂᤧᤸᤗᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤀᤠᤍᤠᤱᤒᤠᤸᤗᤧ ᤁᤢᤎᤰᤁᤡᤴ ᤁᤵᤔᤥᤗᤠᤶ ᤂᤧᤱᤜᤠ᤹ᤖᤧ ᤔᤧᤍᤣ᤹ᤖᤢᤖᤥ ᤜᤧᤰᤁᤩᤠᤱ ᤀᤠᤳᤋᤠᤴ ᤔᤧᤏᤧᤛ᤻ᤛᤢᤀᤠᤱ ᤏᤧᤀᤡ ᤀᤡᤱᤃᤠ᤹ ᤔᤧᤏᤡᤀᤠᤴᤗᤥ॥”

¹⁴ᤜᤧᤰᤁᤣ ᤐᤠ᤺ᤳᤋᤢᤖ ᤔᤖᤡᤕᤶᤔᤡᤴ ᤂᤡᤖᤡ ᤜᤡᤛᤡᤱᤅᤡᤸᤗᤧ ᤕᤧᤛᤢ᤺ᤴ ᤂᤧᤵᤔᤥ ᤕᤧᤒᤧᤒᤠ ᤏᤡ᤺ᤛᤢ. ᤁᤖ ᤂᤢᤏᤧ᤹ ᤕᤧᤛᤢ᤺ᤴᤏᤣᤖᤥ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤵᤔᤠ ᤔᤧᤛᤢᤰᤋᤢᤴᤗᤥ॥