ᤕᤢᤜᤢᤴᤏᤠ 20:3-10

³ᤐᤋᤪᤢᤛ ᤏᤢ ᤂᤧᤴ ᤘᤣ᤹ ᤜᤢ᤹ᤛᤠᤶᤒᤠᤴ ᤀᤡ᤺ᤵᤐᤢᤱ ᤗᤧᤵᤔᤠᤱ ᤌᤠ᤺ᤏᤧᤳᤇᤡ॥

⁴ᤂᤧᤴ ᤏᤧᤵᤔᤠᤱ ᤗᤥ᤺ᤰᤋᤧᤳᤇᤡ. ᤁᤖ ᤂᤧᤴ ᤘᤣ᤹ ᤜᤢ᤹ᤛᤠᤶᤒᤠᤸᤗᤧ ᤐᤋᤪᤢᤛᤧᤴ ᤗᤠᤶᤒᤠᤰᤋᤢᤀᤠᤱ ᤀᤡᤵᤐᤢᤱᤅᤥ ᤋᤃᤡ ᤁᤧᤖᤧᤖᤥ॥

⁵ᤂᤧᤴ ᤀ᤺ᤰᤂᤢᤶ ᤑᤴᤇᤡᤱᤅᤠᤱ ᤛᤡᤃᤠᤱ ᤀᤥᤔᤧᤳᤋᤢᤸᤗᤧ ᤆᤣᤍᤣ᤺ᤳᤋᤡᤴ ᤂᤧᤵᤔᤥ ᤏᤧᤛ᤻ᤛᤧᤒᤠ ᤏᤡ᤺ᤛᤢ. ᤁᤖ ᤛᤡᤃᤠᤱᤃ ᤔᤧᤗᤠ᤺ᤛᤧᤴᤗᤥ॥

⁶ᤁᤢᤀᤣ᤺ᤰ ᤁᤢᤀᤣ᤺ᤰ ᤛᤡᤔᤥᤏ ᤐᤋᤪᤢᤛᤧᤴ ᤂᤧᤵᤔᤥ ᤁᤧᤖᤧᤀᤠᤱ ᤛᤡᤃᤠᤱ ᤗᤠ᤺ᤛᤧ॥ ᤂᤧᤸᤗᤧ ᤆᤣᤍᤣ᤺ᤳᤋᤡᤴ ᤏᤢ

⁷ᤕᤧᤛᤢᤖᤧ ᤁᤢᤏᤠᤖᤠ ᤔᤧᤍᤧᤵᤋᤢᤒᤠ ᤋᤣ᤺ᤳᤋᤡᤴ ᤂᤧᤵᤔᤥ ᤏᤧᤛ᤻ᤛᤧᤒᤠ ᤏᤡ᤺ᤛᤢ॥ ᤂᤧᤴ ᤏᤠᤍᤧᤵᤔᤠ ᤋᤣ᤺ᤳᤋᤡᤴ ᤆᤣᤍᤣ᤺ᤳᤋᤡᤸᤗᤧ ᤁᤢᤒᤣᤛᤠᤱ ᤔᤧᤓᤠᤰᤋᤢᤀᤠᤱ ᤏᤧᤛ᤻ᤛᤧᤒᤠ ᤏᤡ᤺ᤛᤢᤖᤥ॥

⁸ᤜᤧᤰᤁᤩᤠᤱ ᤋᤃᤡ ᤀᤡᤵᤐᤢᤱᤅᤥ ᤁᤧᤃᤧᤵᤐᤠ ᤜᤢ᤹ᤛᤠᤶᤒᤧᤴᤏᤠᤱ ᤛᤡᤃᤠᤱ ᤗᤠ᤺ᤛᤧ॥ ᤂᤧᤸᤗᤧ ᤂᤧᤴ ᤏᤡ᤺ᤛᤢᤀᤠᤱ ᤏᤛᤠ᤺ᤴ ᤆᤥᤃᤢᤖᤥ॥

⁹(ᤂᤧᤱᤜᤠ᤹ᤖᤧ ᤀᤠᤸᤗᤛᤠᤱ ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶ ᤜᤡᤱ ᤗ᤹ᤖᤡᤰ ᤛᤠᤶᤕᤥᤛᤠᤵᤗᤠᤀᤥ ᤁᤧᤒᤵᤐᤧᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤔᤧᤘᤕᤧᤖᤥ॥)

¹⁰ᤜᤧᤰᤁᤩᤠᤱ ᤂᤧᤴ ᤜᤢ᤹ᤛᤠᤶᤒᤠᤜᤠ᤹ ᤏᤧᤵᤔᤠᤱ ᤜᤡᤶᤔᤥ ᤏᤢ᤺ᤰᤂᤧᤳᤇᤡᤖᤥ॥