ᤕᤢᤜᤢᤴᤏᤠ 19:12-14

¹²ᤜᤧᤰᤁᤣ᤺ᤸᤗᤧᤃ ᤐᤡᤗᤠᤋᤛᤖᤧ ᤕᤧᤛᤢ᤺ᤴ ᤗᤧᤵᤔᤠᤍᤣ᤺ᤔᤠ ᤏᤡᤱᤘᤠ᤹ ᤆᤥᤃᤢ. ᤁᤖ ᤕᤜᤢᤍᤡᤜᤠ᤹ᤖᤧ ᤆᤰᤔᤧᤸᤗ᤹ᤀᤣ ᤀᤰᤂᤣ ᤔᤧᤒᤠ᤺ᤳᤋᤢᤖ ᤔᤧᤀ᤺ᤰᤋᤧᤖᤥ. “ᤁᤴ ᤔᤏᤠ᤺ᤴ ᤁᤧᤗᤧᤖᤢ ᤁᤧᤍᤣ᤺ᤛᤢᤏᤧ ᤑᤠ᤹ᤃᤪ ᤂᤧᤏᤧ᤹ᤃ ᤛᤡᤈᤖᤗᤧ ᤁᤢᤴᤍᤣ᤺ᤱᤒᤠ ᤁᤧᤶᤒᤥ᤺ᤱᤏᤧᤴᤗᤥ॥ ᤀᤠᤳᤋᤡᤸᤗᤧ ᤀᤠᤒᤠᤅᤣ ᤜᤠᤱ ᤐᤥ᤺ᤱᤔᤠ ᤏᤡᤱᤘᤠ᤹ ᤆᤥᤃᤢ᤹ ᤂᤧᤴ ᤛᤡᤈᤖᤗᤧ ᤁᤢᤍᤰᤗᤧᤱᤘᤠᤀᤥ ᤐᤥ᤺ᤰᤗᤥ॥”

¹³ᤐᤡᤗᤠᤋᤛᤖᤧ ᤂᤧᤴ ᤂᤧᤵᤛᤢᤀᤠᤱ ᤕᤧᤛᤢ᤺ᤴ ᤗᤠ᤺ᤰᤁᤠᤳ ᤗ᤺ᤳᤋᤢ. ᤜᤧᤰᤁᤩᤠᤱ ᤂᤢᤏᤧ᤹ ᤗᤢᤱ ᤑᤧ᤺ᤔᤏᤠᤒᤠ ᤂᤠᤛᤧᤴ ᤕᤢᤰᤏᤠᤀᤥ ᤕᤢᤱᤛᤡᤱᤗᤥ॥ (ᤂᤧᤴ ᤋᤧᤴᤏᤡᤴ ᤜᤡᤒᤪᤢ ᤐᤠ᤺ᤴᤏᤥ ᤃᤒ᤻ᤒᤌᤠ ᤔᤧᤔᤧᤳᤋᤢᤖᤥ॥)

¹⁴ᤜᤧᤰᤁᤩᤠᤱ ᤁᤱᤃ ᤕᤜᤢᤍᤡ ᤆᤥ᤺ᤰᤕᤢᤶᤓᤥ ᤋᤱᤏᤠᤶᤔᤡᤸᤗᤧ ᤌᤡᤰ ᤕᤧᤴ ᤋᤃᤡ ᤗᤧᤴᤍᤡᤰ ᤐᤥ᤺ᤰᤂᤧᤖ ᤐᤳᤇᤧ॥ ᤐᤡᤗᤠᤋᤛᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤜᤠᤱᤅᤡᤴ ᤁᤵᤔᤥ ᤘᤠ᤹ᤖᤥ॥”