ዮሓኒሴ 4:25-33

²⁵ላኣሌላኣ፦ «ዓያና ጌኤሺ ካኣቱሞም ዓርቄ፥ ሜሲሔ ሙካንዳሢ ታ ዔራኔ፤ ዒዚ ሙካዖ ቢያ ባኣዚ'' ኑም ኬኤዛንዳኔ» ጌዔኔ።

²⁶ዬሱሴ ዒማ''ና፦ «ሓሢ ሓይ ኔኤና ጌስታሢ፥ ታ ዒዛኬ» ጌዔኔ።

²⁷ዬማና ዒዛኮ ጊንፆ ሃንታዞንሢ ዴንዴ ቤዛፓ ማዒ ሙካንቴ ዬሱሴ ላኣሊና ዎላ'' ጌስታሢሮ ዲቃቲ ሄርሼኔ፤ ማዔቶዋ፦ «ኔኤኒ ዔናኣሬ፥ ዓይጎ ኮዓይ? ሓሣ ዒዞና ዎላ'' ኔ ዓይጋ ጌስታይ?» ጌዒ ዖኦጬ ዓሲ ባኣሴ።

²⁸ዬካፓ ላኣሌላ ዋኣፆ ዱዓኒ ዔኪ ሙኬ ጉዞ ሓሺ''፥ ካታሞ ዴንዲ ዓሶም፦

²⁹«ታ ማዼ ባኮ ቢያ ታኣም ኬኤዜ ዓሲስኬያ ሃኒ ሙኪ ዛጉዋቴ! ጎዖንቴ ዒዚ ሜሲሔ ማዓንዳሞ?» ጌዔኔ።

³⁰ዬያሮ ዓሳ ካታማ''ፓ ኬስኪ ዬሱሴ ዓኣ ቤዞ ባንሢ ዴንዴኔ።

³¹ዒማ''ና ዒዛኮ ጊንፆ ሃንታ ናኣታ'' ዬሱሴ ኮራ፦ «ዔርዛሢዮ! ካሦ ሙዔ» ጌይ ዒዛ ሺኢቄኔ።

³²ዒዚ ጋዓንቴ፦ «ዒንሢ ዔሩዋያ፥ ታኣኒ ሙዓ ሙኡዚ'' ታኣኮ ዓኣኔ» ዔያቶም ጌዔኔ።

³³ዬያሮ ዒዛኮ ጊንፆ ሓንታዞንሢ፦ «ዓሲ ዒዛም ሙኡዚ'' ዔኪ ሙኬያናንዳሞ?» ዎሊ ኮይላ'' ጌዔኔ።