ዮሃኒሳ 8:41-49

⁴¹ሂንቴንቱ፥ ሂንቴንቱ ኣዉ ኦꬄዳዋ ኦꬂታ» ያጌዳ። ኡንቱንቱ ዛሪዴ፥ «ኑኒ ዎሹማን ዲቃላቴꬃ ዬሌቲቤይኮ፤ ኑሲ ኢቲ ኣዉ፥ ፆሳ ፃላላይ ዴዔ» ያጌዲኖ።

⁴²ዬሱሲ ኡንቱንታ፥ «ሂንቴንቱ ፆሳ ናና ቱሙ ጊዴዴንቶ፥ ታና ሲቃና፤ ኣዪሲ ጎፔ፥ ታኒ ፆሳ ማታፔ ያዴ ሃዋን ዴዓይ። ታና ኢ ኪቴዳዋፔ ኣቲን፥ ታኒ ታ ሼኒያን ያቤይኬ።

⁴³ታኒ ታማሪሲያዋ ሂንቴንቱ ኣኬኬናዌ ኣያሴ? ታኒ ታማሪሲያዋ ሂንቴንቱ ኣኬና ዲራሳ።

⁴⁴ሂንቴንቱ፥ ሂንቴንቱ ኣዉዋ ኢታ ኣያና ናና፤ ቃሲ ሂንቴንቱ፥ ሂንቴንቱ ኣዉ ኣሞቲያዋ ኦꬃናው ኮዪታ። ኢ ካሴፔ ዶሚዴ፥ ሼምፑዋ ዎꬌዳዋ፤ ቱማቴꬃይ ኣኒ ባይና ዲራው፥ ቱማቴꬃኮ ሺቂ ኤሬና። ኢ ዎርዱዋ ሃሳዪያ ዎዴ፥ ባሬፔ ሃሳዬ፤ ኣዪሲ ጎፔ፥ ኢ ዎርዳንቻኔ ቃሲ ዎርዶካ ኣዉዋ።

⁴⁵ሺን ታኒ ቱሙዋ ሃሳዪያ ዲራው፥ ሂንቴንቱ ታና ኣማኒኪታ።

⁴⁶ሂንቴፔ ታና ናጋራ ኦꬂሺን ቤዓዲ ጋናው ዳንዳዪያዌ ኦኔ? ታኒ ቱሙዋ ሃሳዪያዋ ጊዶፔ፥ ታና ኣዪሲ ኣማኒኪቴ?

⁴⁷ፆሳ ኣሳ ጊዴዳ ኡራይ ፆሳይ ጊያዋ ሲሴ፤ ሂንቴንቱ ፆሳ ኣሳ ጊዴና ዲራው፥ ፆሳይ ጊያዋ ሲሲኪታ» ያጌዳ።

⁴⁸ኣዪሁዳቱ ዛሪዴ፥ «ኑኒ ኔና፥ ‹ኔኒ ሳማሪያ ኣሳ፤ ኔናን ኢታ ኣያናይ ዴዔ› ጊዴ ባዪዜዶ?» ያጌዲኖ።

⁴⁹ዬሱሲ ኡንቱንታ፥ «ታ ቦላ ኢታ ኣያናይ ባዋ። ታኒ ታ ኣባ ቦንቻይ፤ ሺን ሂንቴንቱ ታና ካዉሺታ።