34ታኒ ሄዋ ሂንቴንታ ኣቲኖ ጋዴ ጊያዋፔ ኣቲን፥ ኣሳ ማርካቴꬃይ ታው ኮሺና ጊዴና።
35ዮሃኒሲ ሙቃዳዳን፥ ኤፄዳኔ ፖዒሴዳ፤ ሂንቴንቱካ ኣማሬዳ ዎዲያ ኣ ፖዑዋን ናሼታናው ኮዬዲታ።
36«ሺን ታው ዮሃኒሳዋፔ ኣꬊያ ማርካቴꬃይ ዴዔ፤ ኣዪሲ ጎፔ፥ ታኒ ዉርሳናው ታ ኣቡ ታው ኢሜዳ ኪታይ፥ ሃ ታኒ ኦꬂያዌ፥ ኢ ታና ኪቴዳዋ ጊዲያዋ ማርካቴ።
37«ቃሲ ታና ኪቴዳ ታ ኣቡ ባሬ ሁጴው ታባ ማርካቴ። ሂንቴንቱ ኣ ኮሻ ኣይኔ ሲሲቤይኪታ፤ ኣ ማላካ ቤዒቤይኪታ።
38ኢ ኪቴዳዋ ኣማኔና ዲራው፥ ኣ ቃላይ ሂንቴንቱ ዎዛናን ባዋ።
39«ፆሳ ማፃፋቱዋፔ ሜꬊና ዴዑዋ ዴሚያዋ ሂንቴው ማላቲና፥ ኡንቱንታ ቢዲታ፤ ኡንቱንቱካ ታባ ማርካቲያዋንታ።
40ሺን ዴዑዋ ዴማናው ታኮ ዪያዋ ሂንቴንቱ ኮዪኪታ።
41«ታኒ ኣሳፔ ቦንቹዋ ኮዪኬ።
42ሺን ታኒ ሂንቴንቱ ዎዛናን ፆሳ ሲቁ ባይናዋ ኤራይ።
43ታኒ ታ ኣቡ ሱንꬃን ያዲ፤ ሺን ታና ኣኪቤይኪታ። ሺን ሃራ ኣሳይ ባሬ ሱንꬃን ዪያ ዎዴ፥ ኣ ኣኪታ።
44ሂንቴንቱ ኢቱ ኢቱዋ ቦንቺታ፤ ሺን ኢቲ ፆሳፔ ዪያ ቦንቹዋ ኮዪኪታ። ያቲና፥ ዋኒዴ ኣማናናው ዳንዳዪቴ?
45«ታኒ ታ ኣቡ ሲንꬃን ሂንቴንታ ሞቲያዋ ሂንቴው ማላቶፖ፤ ሂንቴንታ ሞቲያዌ፥ ሂንቴ ሂዶታ ዎꬂያ ሙሳ።
ዮሃኒሳ 5
ዮሃኒሳ 5:34-45