Text copied!
CopyCompare
Ooratha Caaquwaa - ዮሃኒሳ - ዮሃኒሳ 20

ዮሃኒሳ 20:20-30

Help us?
Click on verse(s) to share them!
20ሄዋ ጌዳዋፔ ጉዪያን፥ ባሬ ኩሺያኔ ባሬ ሚዪያ ኡንቱንታ ቤሴዳ፤ ካሊያዋንቱ ጎዳ ቤዔዳ ዎዴ ሎይꬂ ናሼቴዲኖ።
21ዬሱሲ ላዔንꬁዋ ኡንቱንቱሲ፥ «ሳሮቴꬃይ ሂንቴንቱሲ ጊዶ፤ ታ ኣቡ ታና ኪቴዳዋዳን፥ ታኒካ ሂንቴንታ ኪታይ» ያጌዳ።
22ሄዋ ጌዳዋፔ ጉዪያን፥ ኡንቱንቱ ቦላ ኡፉ ጊዴ ሼምፔዳ፤ ቃሲ፥ «ጌሻ ኣያና ኣኪቴ።
23ሂንቴንቱ ኣቶ ጌዳ ኣሳ ናጋራይ ኣቶ ጌቴታናዋ፤ ሂንቴንቱ ኣቶ ጌናዋንቱ ናጋራይ ኣቶ ጌቴቴና» ያጌዳ።
24ሺን ታማኔ ላዑ ካሊያዋንቱፔ ኢቱ፥ ማንቲያ ጊያ ቶማሲ፥ ዬሱሲ ዬዳ ዎዴ ኡንቱንቱና ባዋ።
25ሄዋ ዲራው፥ ዮኮ ካሊያዋንቱ ቶማሳው፥ «ኑኒ ጎዳ ቤዔዶ!» ያጌዲኖ። ሺን ቶማሲ ኡንቱንቱሲ፥ «ሚሲማሪያን ኢ ጫዴቴዳ ኣ ኩሺያን ዴዒያ ማላ ቤዔናኒኔ ሄ ማላ ታ ቢራꬊያን ቦቼናን፥ ቃሲ ታ ኩሺያ ኣ ሚዪያን ዬዳ ቤዔናን ታኒ ኣማኒኬ» ያጌዳ።
26ሳሚንታፔ ጉዪያን፥ ዬሱሳ ካሊያዋንቱ ቃሲካ ጎሌን ሺቂ ኡቴዲኖ፤ ቶማሲካ ኡንቱንቱና ዴዔ። ፔንጊ ቃሼቲ ኡቲ ዴዒሺን፥ ዬሱሲ ዪዴ፥ ኡንቱንቱ ጊዱዋን ኤቂዴ፥ «ሳሮቴꬃይ ሂንቴንቱሲ ጊዶ» ያጌዳ።
27ሄዋፔ ጉዪያን፥ ዬሱሲ ቶማሳ፥ «ኔ ኩሺያ ሃ ኣሃዴ፥ ታ ኩሺያ ቤዓ፥ ቃሲ ኔ ኩሺያ ሃ ኣሃዴ፥ ታ ሚዪያን ዬዳ ቤዓ፥ ኔኒ ኣማኒያዋ ጊዳፔ ኣቲን፥ ኣማኔናዋ ጊዶፓ!» ያጌዳ።
28ቶማሲ ዛሪዴ፥ «ታ ጎዳው፥ ታ ፆሳው!» ያጌዳ።
29ዬሱሲ፥ «ኔኒ ታና ቤዔዳ ዲራው ኣማናዳ፤ ቤዔናን ኣማኔዳዋንቱ ኣንጄቴዳዋንታ» ያጌዳ።
30ዬሱሲ ሃ ማፃፋን ፃፌቲቤና ሃራ ዳሮ ማላታቱዋ ባሬና ካሊያዋንቱ ሲንꬃን ኦꬄዳ።

Read ዮሃኒሳ 20ዮሃኒሳ 20
Compare ዮሃኒሳ 20:20-30ዮሃኒሳ 20:20-30