ዬሱሲ ኪቴዳዋንቱ ኦሱዋ 7:1-6

¹ቄሳቱዋ ኡባቱዋ ካፑ ኢስፂፋኖሳ፥ «ሃዌ ቱሜ?» ያጊዴ ኦቼዳ።

²ኢስፂፋኖሲ «ታናዳን ኣማኒያዋንቶ፥ ታ ኣዋቶ፥ ሲሲቴ! ኑ ኣዉዋ ኣብራሃሞ ቢሮ ካራኔ ባናፔ ካሴ ማሲጴፆሚያን ዴዒሺን፥ ቦንቾ ፆሳይ ኣው ቤቲዴ፥

³‹ኔ ቢታፔኔ ኔ ዳባቱዋፔ ሻኬታዴ፥ ታኒ ኔና ቤሲያ ጋዲያ ባ› ያጌዳ።

⁴ሄ ዎዴ ኣብራሃሞ ካላዳዋቱ ጋዲያፔ ኬሲዴ፥ ካራኔን ዴዓናው ቤዳ። ኣ ኣቡ ሃይቄዳዋፔ ጉዪያን፥ ፆሳይ ኣ ሃ ጋዴ ሂንቴ ሃዒ ዴዒያሳ ኣሄዳ።

⁵ኢ ሃ ጋዲያፔ ሃራይ ኣቶ፥ ጌዲያን ዬꬊያ ሳዓካ ኣብራሃሞሲ ኢሚቤና፤ ሺን ኣው ናዓይ ꬋዮፔካ፥ ፆሳይ ኣ፥ ‹ታኒ ኔዉኔ ኔፔ ጉዪያን፥ ኔ ዜሬꬃው ሃ ጋዲያ ላታ ኦꬃዴ ኢማና› ያጌዳ።

⁶ፆሳይ ኣብራሃሞሲ፥ ‹ኔ ዛራቱ ሃራ ጋዲያን ዴዓና፤ ያኒ ኦይዱ ፄቱ ላይꬃው ኡንቱንቱ ኣይሌታናኔ ናቄታና።