ዬሱሲ ኪቴዳዋንቱ ኦሱዋ 2:13-21

¹³ሺን ሃራ ኣሳቱ ኣማኒያዋንቱ ቦላን ቂሊጪዴ፥ «ሃዋንቱ ኡሺዴ ማꬆቴዲኖ» ያጌዲኖ።

¹⁴ሺን ጴፂሮሲ፥ ዬሱሲ ኪቴዳ ሃራ ታማኔ ኢቲ ኪቴቶዋንቱና ዴንዲ ኤቂዴ፥ ባሬ ኮሻ ꬎቁ ኦꬂዴ፥ ኡንቱንቶ ሃዋዳን ያጊ ኦዴዳ፤ «ኣዪሁዳቶ፥ ቃሲ ዬሩሳላሜን ዴዒያ ኡባቶ፥ ታኒ ኦዲያዋ ሲሲቴ። ሃዌ ሂንቴንቶ ኤሬቶ፤ ሂንቴንቱ ቆፒያዋዳን፥ ሃዋንቱ ማꬆቲቤይኪኖ።

¹⁵ኣዪሲ ጎፔ፥ ዎንታፔ ቢሮ ሄዙ ሳቴ ጊዴ።

¹⁶ሺን ሃዌ ናቢያ ኢዩዔል ሃሳዬዳዋ።

¹⁷«ኢ ሃሳዪዴ፥ ‹ፆሳይ ሃዋዳን ያጌዳ፤ ዎዲያ ዉርሴꬃን ሃዋዳን ሃናናዋ። ታኒ ኣሳ ኡባ ቦላን ታ ኣያና ጉሳና። ሂንቴንቱ ኣቱማ ናናይኔ ሂንቴንቱ ማጫ ናናይ ቲምቢቲያ ኦዳናዋንታ። ሂንቴንቱ ዎዳላ ናናይካ ሳፃ ቤዓናዋንታ፤ ሂንቴንቱ ጪማቱካ ኣኩሙዋ ኣኩሜታናዋንታ።

¹⁸ሄ ጋላሳቱን ታ ኣቱማ ቆማቱዋ ቦላኒኔ ታ ማጫ ኣሺካራቱዋ ቦላን ታኒ ታ ኣያና ጉሳና። ሄዋፔ ጉዬ ኡንቱንቱ ቲምቢቲያ ኦዳናዋንታ።

¹⁹ቃሲ ታኒ ቦላ ሳሉዋን ኦራꬃባ፥ ጋርሳ ሳዓንካ ማላታ ቤሳና። ሱꬃይ፥ ታማይኔ ሻሪያዳን ካሜዳ ጩዋይ ዴዓና።

²⁰ዎልቃማኔ ቦንቾ ጊዴዳ ጎዳ ጋላሳይ ጋካናፔ ካሴ ኣዋይ ꬉማና፤ ኣጌናይካ ሱꬃ ማላታና።

²¹ሄ ዎዴ ሃዋዳን ሃናናዋ፤ ጎዳ ሱንꬃ ፄሲያ ኦኒኔ ኣታና› ያጌዳ።