ዬሱሲ ኪቴዳዋንቱ ኦሱዋ 27:19-24

¹⁹ሄዜንꬂያ ጋላሲካ ማርካቢያን ዴዒያ ሚሻ ኡንቱንቱ ባሬንቱ ኩሺያን ኦሌዲኖ።

²⁰ኑኒ ዳሮ ዎዲያ ኣዋኔ ፆሊንቲያ ቤዔናን፥ ዎልቃማ ኡሹ ኑ ቦላ ቡኪሺን፥ ሲንꬃፔ ꬋያናን ኣቶኮ ጊዴ ቆፔዶ።

²¹ኡንቱንቱ ዳሮ ዎዲያ ቁማ ሜናን ጋሚዔዳዋፔ ጉዪያን፥ ጳዉሎሲ ሄ ዎዴ ኡንቱንቱ ጊዶን ዴንዲ ኤቂዴ፥ ሃዋዳን ያጌዳ፤ «ኣሳው፥ ሂንቴንቱ ታ ዞሪያ ኣኬዴንቶኔ ቃርፄሳፔ ዴንዴናን ኣቴዴንቶ፥ ሃዋ ማላ ባዬꬃይኔ ቆሁ ኑና ጋኬና።

²²ሺን ሃዒካ ታኒ ሂንቴንታ ያዮፒቴ ጋዴ ዞራይ፤ ኣዪሲ ጎፔ፥ ሃ ማርካቢ ባያናፔ ኣቲን፥ ሂንቴንቱፔ ኢቲ ኡራ ሼምፑካ ባዬና።

²³ኣዪሲ ጎፔ፥ ፆሳ ኪታንቻይ፥ ታና ሞዴዳ ታኒ ጎዪኒያ ፆሳዌ፥ ዚኖ ቃማ ታ ማታን ኤቂዴ፥

²⁴‹ጳዉሎሳ፥ ያዮፓ፤ ኔኒ ሮሜ ጋዲያ ካቲያ ቄሳራ ሲንꬃን ኤቃናው ቤሴ፤ ቤዓ፥ ፆሳይ ባሬ ኬካቴꬃን ኔናና ቢያ ኣሳ ኡባ ሼምፑዋ ኣሻና› ያጌዳ።