ዬሱሲ ኪቴዳዋንቱ ኦሱዋ 19:22-27

²²ቃሲ ባሬና ማዲያዋንቱፔ ላዓቱዋ ፂሞቶሳኔ ኤራስፆሳ ማቂዶኒያ ኪቲዴ፥ ባሬው ኢሲያን ኣማሬዳ ዎዲያ ጋሚዔዳ።

²³ጎዳ ኦጊያ ዲራው፥ ሄ ዎዴ ዳሮ ዋላሳይ ኬሴዳ።

²⁴ኣዪሲ ጎፔ፥ ፃጋራ ቢራ ሙሺሲዴ ቲጊ ሜꬊያ ዲሜፂሮሳ ጊያ ኢቲ ቢታኒ ኣርፄሚሲ ጌሻ ጎሊያ ሚሲሊያ ቢራፔ ቲጊ ቲጊዴ፥ ኦሳንቻቱዋሲ ዳሮ ዎꬊያ ዴሜ።

²⁵ሄዋንታኔ ኡንቱንቱዋ ማላ ኦሱዋ ኦꬂያዋንታ ኢቲፔ ሺሺዴ፥ ሃዋዳን ያጌዳ፤ «ኣሳው፥ ኑ ዱሬቴꬃይ ሃ ኦሱዋና ጊዲያዋ ሂንቴ ኤሪታ።

²⁶ሄዌ ጳዉሎሲ፥ ‹ኣሳ ኩሺ ሜꬌዳዋንቱ ፆሳቱዋ ጊዲኪኖ› ያጊዴ፥ ኤፌሶኔ ፃላላን ጊዴናን ኣማሬዳ ጋዳቱዋፔ ኣቲን፥ ኢሲያን ኡባን ጮራ ኣሳሲ ኦዲ ኣማንꬄዳዋ ሂንቴንቱ ቤዔዲታኔ ሲሴዲታ።

²⁷ሎዔናባይ፥ ኑ ኦሱ ካꬌታናዋ ፃላላ ጊዴና፤ ሺን ኢሲያን ዴዒያ ኡባቱኔ ሳዓ ኡባን ዴዒያዋንቱ ጎዪኒያ ዎልቃማ ፆሳቶ ጌቴቲያ ኣርፄሚሲ ጌሻ ጎሊ ቦንቼቴናን ኣታናዋኔ፥ ኢዚ ዳሮቴꬃይ ኩንዳናዋ» ያጌዳ።