14ቄሳቱዋ ካፑዋ ኣስቄዋ ጊያ ኢቲ ኣዪሁዳ ቢታኒያሲ ሄዋ ኦꬄዳ ላፑ ናናይ ዴዒኖ።
15ኢታ ኣያናይ ኡንቱንቶ ዛሪዴ፥ «ታኒ ዬሱሳ ኤራይ፤ ጳዉሎሳካ ኤራይ። ሺን ሂንቴንቱ ኦኔ?» ያጌዳ።
16ኢታ ኣያናይ ዴዒያ ቢታኒ ኡንቱንቱ ቦላ ጉፒ ዎꬊና፥ ኡንቱንቱ ማሱንፂዴ፥ ሄ ጎሊያፔ ካሎ ዎፃና ጋካናሲ፥ ዎልቃሚዴ ፆኔዳ።
17ኤፌሶኔን ዴዒያ ኣዪሁዳቱኔ ኣዪሁዳ ጊዴናዋንቱ ኡባይ ሄዋ ሲሲዴ ኡባይ ዳሮ ያዬዲኖ፤ ጎዳ ዬሱሳ ሱንꬃይካ ዳሮ ቦንቼቴዳ።
18ኣማኒያዋንቱፔ ጮራ ኣሳቱ ባሬንቱ ኦꬄዳዋ ፓፂዲኔ ቆንጪያን ኦዲዴ ዪኖ።
19ቢቲያዋንቱፔ ጮራቱ ባሬንቱ ማፃፋቱዋ ሺሺዴ፥ ኣሳ ኡባ ሲንꬃን ጉዴዲኖ፤ ሄ ማፃፋቱዋ ጋቲያ ሄቲያ ዎዴ፥ ኢሻታሙ ሻዓ ቢራ ሳንቲሚያ ጊዴዳ።
20ሄዋ ማላ ዎልቃማ ኦጊያን ፆሳ ቃላይ ዲጬኔ ኣኬ።