ዬሱሲ ኪቴዳዋንቱ ኦሱዋ 18:5-9

⁵ሲላሴኔ ፂሞቶሴ ማቂዶኒያፔ ዬዳ ዎዴ፥ ጳዉሎሲ ኣዪሁዳቱዋሲ ዬሱሲ ባሬ ሁጴው ኪሪስቶሳ ጊዴዳዎ ቃላ ኦዱዋ ቶሌዳ።

⁶ሺን ኡንቱንቱ ጳዉሎሳ ሃሳያ ጳልቂናኔ ኣ ቦሪና፥ ጳዉሎሲ ባሬ ማዩዋፔ ባና ቆቆፊዴ፥ «ሂንቴንቱ ኢታቴꬃይ ሂንቴንታ ኦይቆ፤ ታኒ ሄዋን ጌሊኬ፤ ሃዋፔ ሂኒ ባጋን ታኒ ኣዪሁዳ ጊዴና ኣሳኮ ባይ» ያጌዳ።

⁷ሄዋፔ ኬሲዴ፥ ፆሳሲ ጎዪኒያ ዮስፆሳ ጊያ ቢታኒያ ሶይ ቤዳ፤ ዮስፆሳ ጎሊ ኣዪሁዳ ዎሳ ጎሊያ ማታን ዴዔ።

⁸ኣዪሁዳ ዎሳ ጎሌ ካፑ ቃሪሲጶሲ ባሬ ሶይ ኣሳ ኡባና ጎዳ ኣማኔዳ፤ ቆሮንቶሳ ኣሳቱዋፔካ ጮራቱ ፆሳ ቃላ ሲሴዳ ዎዴ፥ ኣማኒዴ ፃማቄቴዲኖ።

⁹ጎዳይ ኢቲ ቃማ ሳፃን ጳዉሎሳ፥ «ያዮፓ፤ ኦዳ፤ ጮዑ ጎፓ። ታኒ ኔናና ዴዒያ ዲራው፥ ኔና ቆሃናው ኢታባን ዬጋና ኣሳይ ኦኒኔ ባዋ፤ ኣዪሲ ጎፔ፥ ታው ሃ ካታማን ጮራ ኣሳይ ዴዔ» ያጌዳ።