ዬሱሲ ኪቴዳዋንቱ ኦሱዋ 17:7-13

⁷ያቲና ያሶኒ ኡንቱንታ ባሬ ሶዪን ዎꬄዳ፤ ሃዋንቱ ኡባይ፥ ‹ዬሱሳ ጊያ ሃራ ካቲ ዴዔ› ጊዴ ቄሳሬ ኣዛዙዋ ሚኒሲኖ» ያጊዴ፥ ኮሻ ꬎቂሲዴ ሃሴዬዲኖ።

⁸ሺቄዳ ኣሳይኔ ካታማ ካፓቱ ሄዋ ሲሲዴ ሜቶቴዲኖ።

⁹ካፓቱ ያሶናኔ ሃራቱዋ ዋሲያን ቢሌዲኖ።

¹⁰ኣማኒያዋንቱ ጳዉሎሳኔ ሲላሳ ሳዓይ ቃሚያዋኒ ኤሌካ ቤሪያ ዬዴዲኖ። ያ ጋኪዴ፥ ኣዪሁዳ ዎሳ ጎሌ ጌሌዲኖ።

¹¹ቤሪያ ኣሳቱ ቴሴሎንቄን ዴዒያ ኣሳቱዋፔካ ኣꬊ ዶዬቶ ዎዛናይ ዴዒያ ዲራው፥ «ጳዉሎሲ ጌዳዌ ቱሜንቶኔ» ያጊዴ፥ ኡባ ጋላሲ ፆሳ ማፃፋቱዋ ታማሪዴ፥ ቃላ ኩሜንꬃ ላሞታን ኣኬዲኖ።

¹²ሄዋ ዲራው፥ ኡንቱንቱፔ ጮራቱ፥ ጊሪካቱዋፔ ቦንቼቴዳ ጮራ ማጫዋንቱኔ ጮራ ኣቱማ ኣሳቱ ኣማኔዲኖ።

¹³ሺን ቴሴሎንቄን ዴዒያ ኣዪሁዳቱ ጳዉሎሲ ፆሳ ቃላ ቤሪያንካ ኦዴዳዋ ሲሴዳ ዎዴ፥ ቤሪያ ዪዴ፥ ኣሳ ኣናና ዋላሴዲኖ።