ዬሱሲ ኪቴዳዋንቱ ኦሱዋ 16:18-25

¹⁸ኡባ ጋላሲ ሄዋዳን ጋው፤ ሺን ጳዉሎሲ ዪሎቲዴ ጉዬ ሲሚ፥ ሄ ኢታ ኣያና፥ «ኔኒ ኢፔ ኬሳና ማላ ዬሱሲ ኪሪስቶሳ ሱንꬃን ኔና ኣዛዛይ» ያጌዳ፤ ሄ ማንዒያንካ ኢታ ኣያናይ ኢፔ ኬሲ ኣጌዳ።

¹⁹ሺን ኢዚ ጎዳቱ ባሬንቱ ሚሻ ዴማና ኦጊ ꬋዬዳዋ ቤዒዴ፥ ጳዉሎሳኔ ሲላሳ ኦይቂዴ፥ ጌያ ሳዓን ዴዒያ ዳናቱዋ ሲንꬃ ጎቺ ኬሴዲኖ።

²⁰ዳናቱዋ ሲንꬃ ኡንቱንታ ኣፊዴ፥ «ሃዋንቱ ኣዪሁዳ ኣሳ ጊዲዴ፥ ኑ ካታማ ኣሳ ሎይꬂ ሜቶꬂኖ።

²¹ኑኒ ሮሜ ጋዲያ ኣሳ ጊዲዴ፥ ኣካናዉኔ ኦꬃናው ዎጋ ጊዴናባ ታማሪሲኖ» ያጌዲኖ።

²²ኣሳይ ኢቲ ባጋ ጊዲዴ፥ ጳዉሎሳ ቦላኒኔ ሲላሳ ቦላ ዴንዴዳ፤ ዳናቱካ ኡንቱንቱ ማዩዋ ቃሪ ኣኪዴ፥ ፃምዓን ኡንቱንታ ሾጫና ማላ ኣዛዜዲኖ።

²³ኡንቱንቱ ዳሪሲ ዋꬌዳዋፔ ጉዪያን፥ ቃሾ ጎሊያን ዬጌዲኖ። ቃሾ ጎሊያ ናጊያዌካ ኡንቱንታ ሚኒሲ ናጋናዳን ኣዛዜዲኖ።

²⁴ቃሾ ጎሊያ ናጊያዌ ሄ ኣዛዙዋ ኣኪዴ፥ ጳዉሎሳኔ ሲላሳ ቃሾ ጎሊያ ቆልዖ ጌሊሴዳ፤ ኡንቱንቱ ጌዲያካ ሚꬃና ጋꬂ ዳራፂዴ ቃቼዳ።

²⁵ሺን ቃማ ቢላሄ ጊዲያ ሄራን ጳዉሎሲኔ ሲላሴ ፆሳ ዎሲዴ፥ ማዚሙሪያ ዬፂዴ ፆሳ ጋላቲኖ፤ ቃሼቶ ኣሳይ ኡንቱንቱ ጊያዋ ሲሴ።