ዬሱሲ ኪቴዳዋንቱ ኦሱዋ 14:11-19

¹¹ጳዉሎሲ ኦꬄዳዋ ኣሳይ ቤዒዴ፥ ባሬ ኮሻ ሊቃዖኒያ ቃላን ꬎቁ ኦꬂዴ፥ «ፆሳቱ ኣሳ ማላቲዴ ኑኮ ዎꬌዲኖ» ያጌዳ።

¹²ኣሳይ ባርናባሳ፥ «ዲያ» ጊዴ፥ ጳዉሎሲ ሃሳያሲ ዋናቲያ ዲራው፥ ኣ፥ «ሄርሜሳ» ጊዴ ሱንꬄዳ።

¹³ጌሻ ጎሊ ካታማ ማታን ዴዒያ ዲያ ቄሳይኔ ኣሳይ ኮሩማቱዋኔ ዳሪ ሎዒያ ጪሻቱዋ ዬሱሲ ኪቴዳዋንቱሲ ያርሹዋ ያርሻናው ኮዪዴ፥ ፔንጊያ ኣሄዲኖ።

¹⁴ሺን ዬሱሲ ኪቴዳ ባርናባሲኔ ጳዉሎሲ ሄዋ ሲሴዳ ዎዴ ባሬንቱ ማዩዋ ፔꬊዴ፥ ኣሳ ጊዶ ዎፂዴ፥

¹⁵ባሬንቱ ኮሻ ꬎቁ ኦꬂዴ፥ ሃዋዳን ያጌዲኖ፤ «ኣሳው፥ ሃዋ ኣዪሲ ኦꬂቴ? ኑኒካ ሂንቴንቱዋዳን ሜꬌቴዳ ኣሳ፤ ሃ ፓꬄና ዬዉዋፔ ሳሉዋኔ ሳዓ፥ ኣባኔ ኡንቱንቱ ጊዶን ዴዒያ ኡባባ ሜꬌዳ ዴዑዋ ፆሳኮ ሂንቴ ሲማና ማላ፥ ሂንቴንቶ ኑኒ ዎንጋላ ሚሺራቹዋ ኦዴቶ።

¹⁶ኢ ቤኒ ኣሳ ዜሬꬃይ ኡባይ ባሬንቱ ኦጊያ ባና ማላ ዬዲ ኣጌዳ።

¹⁷ሂንቴንቶ ኢራ ሳሉዋፔ ቡኪሴዳ፤ ካꬃካ ኢ ዎዲያን ኢሜዳ፤ ቃሲ ቁማ ኢሚዴ፥ ሂንቴንታ ሎይꬂ ናሼቼ፤ ያቲዴ ሂንቴንቶ ሎዖባ ኦꬂዴ፥ ኡባ ዎዴካ ባሬው ማርካ ꬋዪቤና» ያጌዲኖ።

¹⁸ዬሱሲ ኪቴዳዋንቱ ሄዋ ጊዴ፥ ባሬንቶ ኣሳይ ያርሼና ማላ፥ ሜቶቲዴ ዲጌዲኖ።

¹⁹ኣንፆኪያፔኔ ኢቆኒዮኔፔ ዬዳ ኣዪሁዳቱ ኣሳ ባሬንቱ ባጋ ዛሪዴ፥ ሹቻን ጳዉሎሳ ጫዴዲኖ፤ ኡንቱንቶ ሃይቄዳዋ ማላቲና፥ ካታማፔ ካሬው ኣ ጎቺ ኬሴዲኖ።