ዬሱሲ ኪቴዳዋንቱ ኦሱዋ 13:37-44

³⁷ሺን ፆሳይ ሃይቁዋፔ ዴንꬄዳዌ ሙሲቤና።

³⁸«ሄዋ ዲራው፥ ታናዳን ኣማኒያዋንቶ፥ ናጋራ ኣቶ ጌቴቴዳዌ ሂንቴንቶ ዬሱሳ ባጋና ኦዴቴዳዌኔ፥ ሙሴ ሂጊያን ፂላናው ሂንቴንቶ ዳንዳዬቴና ኡባባፔ ኣኒ ኣማኒያ ኡባይ ፂላናዌ ሂንቴንቶ ኤሬቶ።

⁴⁰ሄዋ ዲራው፥ ናባቱ ጌዳዌ ሂንቴ ቦላ ጋኬና ማላ ናጌቲቴ፤

⁴¹‹ፆሳይ ጌዳባ ቂሊጪያዋንቶ፥ ቤዒቴ፤ ሃራይ ኣቶ ኢቲ ኡራይ ሂንቴንቶ ኦዲንቶካ፥ ሂንቴ ኣማኔና ኦሱዋ ታኒ ሂንቴንቱ ዎዲያን ኦꬂያ ዲራው፥ ፖራ ጊቴ፤ ሃይቂቴ› ጌዲኖ» ያጌዳ።

⁴²ጳዉሎሲኔ ባርናባሲ ኣዪሁዳ ዎሳ ጎሊያፔ ኬሲሺን፥ ኣሳይ ኡንቱንታ ላዔንꬁዋ ሳምባታንካ ሄዋ ጉጂዴ ኦዳና ማላ ዎሴዲኖ።

⁴³ሺቁ ላሌቴዳዋፔ ጉዪያን፥ ጮራ ኣዪሁዳቱኔ ኣዪሁዳቱዋ ኣማኑዋን ጌሊዴ ፆሳው ያዪያ ጮራቱ፥ ጳዉሎሳኔ ባርናባሳ ካሌዲኖ፤ ዬሱሲ ኪቴዳዋንቱ ፆሳ ኣꬎ ኬካቴꬃን ሚኒ ዴዓና ማላ፥ ኡንቱንቶ ኦዲዴ ሚኒሴዲኖ።

⁴⁴ላዔንꬁዋ ሳምባታን ኣማሬዳ ኣሳቱዋፔ ኣቲን፥ ካታማ ኣሳይ ኡባይ ፆሳ ቃላ ሲሳናው ሺቄዳ።