2ጳዉሎሲ ካሴይሳዳ ያ ጌሊስ። ያን ሄꬑ ሳሚንታ ፆሳ ቃላፔ ኣሳስ ኦዲስ።
3ኪሪስቶሲ ዋዬ ኤካናዉኔ ሃይቆፔ ዴንዳናው ቤሴይሳ ኤንታው ቆንጪሲዲ ኦዲሼ፥ «ዬሱሲ ሃ ታኒ ሂንቴው ኦዴይሲ ኪሪስቶሳ» ያጊስ።
4ኤንታፌ ኢሶቲ ኢሶቲ ኦዳይ ቱማ ጊዴይሳ ማዒዲ ጳዉሎሳራኔ ሲላሴራ ኢሲፊዶሶና። ሄሳዳካ፥ ፆሳ ጎይኒያ ዳሮ ጊሪኬ ኣሳይኔ ዳሮ ቦንቼቲዳ ማጫሳቲካ ኤንታራ ኢሲፊዶሶና።
5ሺን ኣይሁዴቲ ቃናቲዲ ኢሲ ኢሲ ኦሶይ ባይና ኢታ ኣሳታ ኦጌፔ ሺሺዶሶና። ካታማን ቡቄꬂ ኬሲዶሶና፤ ጳዉሎሳኔ ሲላሴ ኣሳስ ኣꬂ ኢማናው ኮዪዲ ያሶና ኬꬃ ቴቂዶሶና።
6ጳዉሎሲኔ ሲላሲ ኤንታው ቤንቶና ኢፂን፥ ያሶናኔ ኢሲ ኢሲ ኣማኔይሳታ ካታማ ሃላቃታኮ ጎቺ ኤፊዲ፥ «ሃይሳቲ ቢታ ኡባ ቡቄይሳቲ ሃዒ ኑኮ ዪዶሶና።
7ያሶኒ ኤንታ ባ ሶን ዎꬂስ። ሃይሳቲ፥ ‹ዬሱሳ ጊያ ሃራ ካዎይ ዴዔስ› ጊዲ ቄሳሬ ኪታ ሜንꬆሶና» ያጊዲ ꬎቁ ጊዳ ቃላን ኦዲዶሶና።
8ሺቂዳ ኣሳይኔ ካታማ ሃላቃቲ ሄሳ ሲዒዲ ሃናናባ ꬋዪዶሶና።
9ሃላቃቲ ያሶናኔ ሃራታ ዋሴን ቢርሺዶሶና።