ཨིབྲིཎཿ 6

1

2

3

4

5

6

7

8

9

10

11

12

13

¹ཝཡཾ མྲྀཏིཛནཀཀརྨྨབྷྱོ མནཿཔརཱཝརྟྟནམ྄ ཨཱིཤྭརེ ཝིཤྭཱསོ མཛྫནཤིཀྵཎཾ ཧསྟཱརྤཎཾ མྲྀཏལོཀཱནཱམ྄ ཨུཏྠཱནམ྄

²ཨནནྟཀཱལསྠཱཡིཝིཙཱརཱཛྙཱ ཙཻཏཻཿ པུནརྦྷིཏྟིམཱུལཾ ན སྠཱཔཡནྟཿ ཁྲཱིཥྚཝིཥཡཀཾ པྲཐམོཔདེཤཾ པཤྩཱཏྐྲྀཏྱ སིདྡྷིཾ ཡཱཝད྄ ཨགྲསརཱ བྷཝཱམ།

³ཨཱིཤྭརསྱཱནུམཏྱཱ ཙ ཏད྄ ཨསྨཱབྷིཿ ཀཱརིཥྱཏེ།

⁴ཡ ཨེཀཀྲྀཏྭོ དཱིཔྟིམཡཱ བྷཱུཏྭཱ སྭརྒཱིཡཝརརསམ྄ ཨཱསྭདིཏཝནྟཿ པཝིཏྲསྱཱཏྨནོ྅ཾཤིནོ ཛཱཏཱ

⁵ཨཱིཤྭརསྱ སུཝཱཀྱཾ བྷཱཝིཀཱལསྱ ཤཀྟིཉྩཱསྭདིཏཝནྟཤྩ ཏེ བྷྲཥྚྭཱ ཡདི

⁶སྭམནོབྷིརཱིཤྭརསྱ པུཏྲཾ པུནཿ ཀྲུཤེ གྷྣནྟི ལཛྫཱསྤདཾ ཀུཪྻྭཏེ ཙ ཏརྷི མནཿཔརཱཝརྟྟནཱཡ པུནསྟཱན྄ ནཝཱིནཱིཀརྟྟུཾ ཀོ྅པི ན ཤཀྣོཏི།

⁷ཡཏོ ཡཱ བྷཱུམིཿ སྭོཔརི བྷཱུཡཿ པཏིཏཾ ཝྲྀཥྚིཾ པིཝཏཱི ཏཏྥལཱདྷིཀཱརིཎཱཾ ནིམིཏྟམ྄ ཨིཥྚཱནི ཤཱཀཱདཱིནྱུཏྤཱདཡཏི སཱ ཨཱིཤྭརཱད྄ ཨཱཤིཥཾ པྲཱཔྟཱ།

⁸ཀིནྟུ ཡཱ བྷཱུམི རྒོཀྵུརཀཎྚཀཝྲྀཀྵཱན྄ ཨུཏྤཱདཡཏི སཱ ན གྲཱཧྱཱ ཤཱཔཱརྷཱ ཙ ཤེཥེ ཏསྱཱ དཱཧོ བྷཝིཥྱཏི།

⁹ཧེ པྲིཡཏམཱཿ, ཡདྱཔི ཝཡམ྄ ཨེཏཱདྲྀཤཾ ཝཱཀྱཾ བྷཱཥཱམཧེ ཏཐཱཔི ཡཱུཡཾ ཏཏ ཨུཏྐྲྀཥྚཱཿ པརིཏྲཱཎཔཐསྱ པཐིཀཱཤྩཱདྷྭ ཨིཏི ཝིཤྭསཱམཿ།

¹⁰ཡཏོ ཡུཥྨཱབྷིཿ པཝིཏྲལོཀཱནཱཾ ཡ ཨུཔཀཱརོ ྅ཀཱརི ཀྲིཡཏེ ཙ ཏེནེཤྭརསྱ ནཱམྣེ པྲཀཱཤིཏཾ པྲེམ ཤྲམཉྩ ཝིསྨརྟྟུམ྄ ཨཱིཤྭརོ྅ནྱཱཡཀཱརཱི ན བྷཝཏི།

¹¹ཨཔརཾ ཡུཥྨཱཀམ྄ ཨེཀཻཀོ ཛནོ ཡཏ྄ པྲཏྱཱཤཱཔཱུརཎཱརྠཾ ཤེཥཾ ཡཱཝཏ྄ ཏམེཝ ཡཏྣཾ པྲཀཱཤཡེདིཏྱཧམ྄ ཨིཙྪཱམི།

¹²ཨཏཿ ཤིཐིལཱ ན བྷཝཏ ཀིནྟུ ཡེ ཝིཤྭཱསེན སཧིཥྞུཏཡཱ ཙ པྲཏིཛྙཱནཱཾ ཕལཱདྷིཀཱརིཎོ ཛཱཏཱསྟེཥཱམ྄ ཨནུགཱམིནོ བྷཝཏ།

¹³ཨཱིཤྭརོ ཡདཱ ཨིབྲཱཧཱིམེ པྲཏྱཛཱནཱཏ྄ ཏདཱ ཤྲེཥྛསྱ ཀསྱཱཔྱཔརསྱ ནཱམྣཱ ཤཔཐཾ ཀརྟྟུཾ ནཱཤཀྣོཏ྄, ཨཏོ ཧེཏོཿ སྭནཱམྣཱ ཤཔཐཾ ཀྲྀཏྭཱ ཏེནོཀྟཾ ཡཐཱ,

¹⁴"སཏྱམ྄ ཨཧཾ ཏྭཱམ྄ ཨཱཤིཥཾ གདིཥྱཱམི ཏཝཱནྭཡཾ ཝརྡྡྷཡིཥྱཱམི ཙ། "

¹⁵ཨནེན པྲཀཱརེཎ ས སཧིཥྞུཏཱཾ ཝིདྷཱཡ ཏསྱཱཿ པྲཏྱཱཤཱཡཱཿ ཕལཾ ལབྡྷཝཱན྄།

¹⁶ཨཐ མཱནཝཱཿ ཤྲེཥྛསྱ ཀསྱཙིཏ྄ ནཱམྣཱ ཤཔནྟེ, ཤཔཐཤྩ པྲམཱཎཱརྠཾ ཏེཥཱཾ སཪྻྭཝིཝཱདཱནྟཀོ བྷཝཏི།

¹⁷ཨིཏྱསྨིན྄ ཨཱིཤྭརཿ པྲཏིཛྙཱཡཱཿ ཕལཱདྷིཀཱརིཎཿ སྭཱིཡམནྟྲཎཱཡཱ ཨམོགྷཏཱཾ བཱཧུལྱཏོ དརྴཡིཏུམིཙྪན྄ ཤཔཐེན སྭཔྲཏིཛྙཱཾ སྠིརཱིཀྲྀཏཝཱན྄།

¹⁸ཨཏཨེཝ ཡསྨིན྄ ཨནྲྀཏཀཐནམ྄ ཨཱིཤྭརསྱ ན སཱདྷྱཾ ཏཱདྲྀཤེནཱཙལེན ཝིཥཡདྭཡེན སམྨུཁསྠརཀྵཱསྠལསྱ པྲཱཔྟཡེ པལཱཡིཏཱནཱམ྄ ཨསྨཱཀཾ སུདྲྀཌྷཱ སཱནྟྭནཱ ཛཱཡཏེ།

¹⁹སཱ པྲཏྱཱཤཱསྨཱཀཾ མནོནཽཀཱཡཱ ཨཙལོ ལངྒརོ བྷཱུཏྭཱ ཝིཙྪེདཀཝསྟྲསྱཱབྷྱནྟརཾ པྲཝིཥྚཱ།

²⁰ཏཏྲཻཝཱསྨཱཀམ྄ ཨགྲསརོ ཡཱིཤུཿ པྲཝིཤྱ མལྐཱིཥེདཀཿ ཤྲེཎྱཱཾ ནིཏྱསྠཱཡཱི ཡཱཛཀོ྅བྷཝཏ྄།