མཐིཿ 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹ཨནནྟརཾ ས ཛནནིཝཧཾ ནིརཱིཀྵྱ བྷཱུདྷརོཔརི ཝྲཛིཏྭཱ སམུཔཝིཝེཤ།

²ཏདཱནཱིཾ ཤིཥྱེཥུ ཏསྱ སམཱིཔམཱགཏེཥུ ཏེན ཏེབྷྱ ཨེཥཱ ཀཐཱ ཀཐྱཱཉྩཀྲེ།

³ཨབྷིམཱནཧཱིནཱ ཛནཱ དྷནྱཱཿ, ཡཏསྟེ སྭརྒཱིཡརཱཛྱམ྄ ཨདྷིཀརིཥྱནྟི།

⁴ཁིདྱམཱནཱ མནུཛཱ དྷནྱཱཿ, ཡསྨཱཏ྄ ཏེ སཱནྟྭནཱཾ པྲཱཔྶནྟི།

⁵ནམྲཱ མཱནཝཱཤྩ དྷནྱཱཿ, ཡསྨཱཏ྄ ཏེ མེདིནཱིམ྄ ཨདྷིཀརིཥྱནྟི།

⁶དྷརྨྨཱཡ བུབྷུཀྵིཏཱཿ ཏྲྀཥཱརྟྟཱཤྩ མནུཛཱ དྷནྱཱཿ, ཡསྨཱཏ྄ ཏེ པརིཏརྤྶྱནྟི།

⁷ཀྲྀཔཱལཝོ མཱནཝཱ དྷནྱཱཿ, ཡསྨཱཏ྄ ཏེ ཀྲྀཔཱཾ པྲཱཔྶྱནྟི།

⁸ནིརྨྨལཧྲྀདཡཱ མནུཛཱཤྩ དྷནྱཱཿ, ཡསྨཱཏ྄ ཏ ཨཱིཤྩརཾ དྲཀྵྱནྟི།

⁹མེལཡིཏཱརོ མཱནཝཱ དྷནྱཱཿ, ཡསྨཱཏ྄ ཏ ཨཱིཤྩརསྱ སནྟཱནཏྭེན ཝིཁྱཱསྱནྟི།

¹⁰དྷརྨྨཀཱརཎཱཏ྄ ཏཱཌིཏཱ མནུཛཱ དྷནྱཱ, ཡསྨཱཏ྄ སྭརྒཱིཡརཱཛྱེ ཏེཥཱམདྷིཀརོ ཝིདྱཏེ།

¹¹ཡདཱ མནུཛཱ མམ ནཱམཀྲྀཏེ ཡུཥྨཱན྄ ནིནྡནྟི ཏཱཌཡནྟི མྲྀཥཱ ནཱནཱདུཪྻྭཱཀྱཱནི ཝདནྟི ཙ, ཏདཱ ཡུཡཾ དྷནྱཱཿ།

¹²ཏདཱ ཨཱནནྡཏ, ཏཐཱ བྷྲྀཤཾ ཧླཱདདྷྭཉྩ, ཡཏཿ སྭརྒེ བྷཱུཡཱཾསི ཕལཱནི ལཔྶྱདྷྭེ; ཏེ ཡུཥྨཱཀཾ པུརཱཏནཱན྄ བྷཝིཥྱདྭཱདིནོ྅པི ཏཱདྲྀག྄ ཨཏཱཌཡན྄།

¹³ཡུཡཾ མེདིནྱཱཾ ལཝཎརཱུཔཱཿ, ཀིནྟུ ཡདི ལཝཎསྱ ལཝཎཏྭམ྄ ཨཔཡཱཏི, ཏརྷི ཏཏ྄ ཀེན པྲཀཱརེཎ སྭཱདུཡུཀྟཾ བྷཝིཥྱཏི? ཏཏ྄ ཀསྱཱཔི ཀཱཪྻྱསྱཱཡོགྱཏྭཱཏ྄ ཀེཝལཾ བཧིཿ པྲཀྵེཔྟུཾ ནརཱཎཱཾ པདཏལེན དལཡིཏུཉྩ ཡོགྱཾ བྷཝཏི།

¹⁴ཡཱུཡཾ ཛགཏི དཱིཔྟིརཱུཔཱཿ, བྷཱུདྷརོཔརི སྠིཏཾ ནགརཾ གུཔྟཾ བྷཝིཏུཾ ནཧི ཤཀྵྱཏི།

¹⁵ཨཔརཾ མནུཛཱཿ པྲདཱིཔཱན྄ པྲཛྭཱལྱ དྲོཎཱདྷོ ན སྠཱཔཡནྟི, ཀིནྟུ དཱིཔཱདྷཱརོཔཪྻྱེཝ སྠཱཔཡནྟི, ཏེན ཏེ དཱིཔཱ གེཧསྠིཏཱན྄ སཀལཱན྄ པྲཀཱཤཡནྟི།

¹⁶ཡེན མཱནཝཱ ཡུཥྨཱཀཾ སཏྐརྨྨཱཎི ཝིལོཀྱ ཡུཥྨཱཀཾ སྭརྒསྠཾ པིཏརཾ དྷནྱཾ ཝདནྟི, ཏེཥཱཾ སམཀྵཾ ཡུཥྨཱཀཾ དཱིཔྟིསྟཱདྲྀཀ྄ པྲཀཱཤཏཱམ྄།

¹⁷ཨཧཾ ཝྱཝསྠཱཾ བྷཝིཥྱདྭཱཀྱཉྩ ལོཔྟུམ྄ ཨཱགཏཝཱན྄, ཨིཏྠཾ མཱནུབྷཝཏ, ཏེ དྭེ ལོཔྟུཾ ནཱགཏཝཱན྄, ཀིནྟུ སཕལེ ཀརྟྟུམ྄ ཨཱགཏོསྨི།

¹⁸ཨཔརཾ ཡུཥྨཱན྄ ཨཧཾ ཏཐྱཾ ཝདཱམི ཡཱཝཏ྄ ཝྱོམམེདིནྱོ རྡྷྭཾསོ ན བྷཝིཥྱཏི, ཏཱཝཏ྄ སཪྻྭསྨིན྄ སཕལེ ན ཛཱཏེ ཝྱཝསྠཱཡཱ ཨེཀཱ མཱཏྲཱ བིནྡུརེཀོཔི ཝཱ ན ལོཔྶྱཏེ།

¹⁹ཏསྨཱཏ྄ ཡོ ཛན ཨེཏཱསཱམ྄ ཨཱཛྙཱནཱམ྄ ཨཏིཀྵུདྲཱམ྄ ཨེཀཱཛྙཱམཔཱི ལཾགྷཏེ མནུཛཱཾཉྩ ཏཐཻཝ ཤིཀྵཡཏི, ས སྭརྒཱིཡརཱཛྱེ སཪྻྭེབྷྱཿ ཀྵུདྲཏྭེན ཝིཁྱཱསྱཏེ, ཀིནྟུ ཡོ ཛནསྟཱཾ པཱལཡཏི, ཏཐཻཝ ཤིཀྵཡཏི ཙ, ས སྭརྒཱིཡརཱཛྱེ པྲདྷཱནཏྭེན ཝིཁྱཱསྱཏེ།

²⁰ཨཔརཾ ཡུཥྨཱན྄ ཨཧཾ ཝདཱམི, ཨདྷྱཱཔཀཕིརཱུཤིམཱནཝཱནཱཾ དྷརྨྨཱནུཥྛཱནཱཏ྄ ཡུཥྨཱཀཾ དྷརྨྨཱནུཥྛཱནེ ནོཏྟམེ ཛཱཏེ ཡཱུཡམ྄ ཨཱིཤྭརཱིཡརཱཛྱཾ པྲཝེཥྚུཾ ན ཤཀྵྱཐ།

²¹ཨཔརཉྩ ཏྭཾ ནརཾ མཱ ཝདྷཱིཿ, ཡསྨཱཏ྄ ཡོ ནརཾ ཧནྟི, ས ཝིཙཱརསབྷཱཡཱཾ དཎྜཱརྷོ བྷཝིཥྱཏི, པཱུཪྻྭཀཱལཱིནཛནེབྷྱ ཨིཏི ཀཐིཏམཱསཱིཏ྄, ཡུཥྨཱབྷིརཤྲཱཝི།

²²ཀིནྟྭཧཾ ཡུཥྨཱན྄ ཝདཱམི, ཡཿ ཀཤྩིཏ྄ ཀཱརཎཾ ཝིནཱ ནིཛབྷྲཱཏྲེ ཀུཔྱཏི, ས ཝིཙཱརསབྷཱཡཱཾ དཎྜཱརྷོ བྷཝིཥྱཏི; ཡཿ ཀཤྩིཙྩ སྭཱིཡསཧཛཾ ནིརྦྦོདྷཾ ཝདཏི, ས མཧཱསབྷཱཡཱཾ དཎྜཱརྷོ བྷཝིཥྱཏི; པུནཤྩ ཏྭཾ མཱུཌྷ ཨིཏི ཝཱཀྱཾ ཡདི ཀཤྩིཏ྄ སྭཱིཡབྷྲཱཏརཾ ཝཀྟི, ཏརྷི ནརཀཱགྣཽ ས དཎྜཱརྷོ བྷཝིཥྱཏི།

²³ཨཏོ ཝེདྱཱཿ སམཱིཔཾ ནིཛནཻཝེདྱེ སམཱནཱིཏེ྅པི ནིཛབྷྲཱཏརཾ པྲཏི ཀསྨཱཙྩིཏ྄ ཀཱརཎཱཏ྄ ཏྭཾ ཡདི དོཥཱི ཝིདྱསེ, ཏདཱནཱིཾ ཏཝ ཏསྱ སྨྲྀཏི རྫཱཡཏེ ཙ,

²⁴ཏརྷི ཏསྱཱ ཝེདྱཱཿ སམཱིཔེ ནིཛནཻཝཻདྱཾ ནིདྷཱཡ ཏདཻཝ གཏྭཱ པཱུཪྻྭཾ ཏེན སཱརྡྡྷཾ མིལ, པཤྩཱཏ྄ ཨཱགཏྱ ནིཛནཻཝེདྱཾ ནིཝེདཡ།

²⁵ཨནྱཉྩ ཡཱཝཏ྄ ཝིཝཱདིནཱ སཱརྡྡྷཾ ཝརྟྨནི ཏིཥྛསི, ཏཱཝཏ྄ ཏེན སཱརྡྡྷཾ མེལནཾ ཀུརུ; ནོ ཙེཏ྄ ཝིཝཱདཱི ཝིཙཱརཡིཏུཿ སམཱིཔེ ཏྭཱཾ སམརྤཡཏི ཝིཙཱརཡིཏཱ ཙ རཀྵིཎཿ སནྣིདྷཽ སམརྤཡཏི ཏདཱ ཏྭཾ ཀཱརཱཡཱཾ བདྷྱེཐཱཿ།

²⁶ཏརྷི ཏྭཱམཧཾ ཏཐྠཾ བྲཝཱིམི, ཤེཥཀཔརྡཀེ྅པི ན པརིཤོདྷིཏེ ཏསྨཱཏ྄ སྠཱནཱཏ྄ ཀདཱཔི བཧིརཱགནྟུཾ ན ཤཀྵྱསི།

²⁷ཨཔརཾ ཏྭཾ མཱ ཝྱབྷིཙར, ཡདེཏད྄ ཝཙནཾ པཱུཪྻྭཀཱལཱིནལོཀེབྷྱཿ ཀཐིཏམཱསཱིཏ྄, ཏད྄ ཡཱུཡཾ ཤྲུཏཝནྟཿ;

²⁸ཀིནྟྭཧཾ ཡུཥྨཱན྄ ཝདཱམི, ཡདི ཀཤྩིཏ྄ ཀཱམཏཿ ཀཱཉྩན ཡོཥིཏཾ པཤྱཏི, ཏརྷི ས མནསཱ ཏདཻཝ ཝྱབྷིཙརིཏཝཱན྄།

²⁹ཏསྨཱཏ྄ ཏཝ དཀྵིཎཾ ནེཏྲཾ ཡདི ཏྭཱཾ བཱདྷཏེ, ཏརྷི ཏནྣེཏྲམ྄ ཨུཏྤཱཊྱ དཱུརེ ནིཀྵིཔ, ཡསྨཱཏ྄ ཏཝ སཪྻྭཝཔུཥོ ནརཀེ ནིཀྵེཔཱཏ྄ ཏཝཻཀཱངྒསྱ ནཱཤོ ཝརཾ།

³⁰ཡདྭཱ ཏཝ དཀྵིཎཿ ཀརོ ཡདི ཏྭཱཾ བཱདྷཏེ, ཏརྷི ཏཾ ཀརཾ ཚིཏྟྭཱ དཱུརེ ནིཀྵིཔ, ཡཏཿ སཪྻྭཝཔུཥོ ནརཀེ ནིཀྵེཔཱཏ྄ ཨེཀཱངྒསྱ ནཱཤོ ཝརཾ།

³¹ཨུཀྟམཱསྟེ, ཡདི ཀཤྩིན྄ ནིཛཛཱཡཱཾ པརིཏྱཀྟྟུམ྄ ཨིཙྪཏི, ཏརྷི ས ཏསྱཻ ཏྱཱགཔཏྲཾ དདཱཏུ།

³²ཀིནྟྭཧཾ ཡུཥྨཱན྄ ཝྱཱཧརཱམི, ཝྱབྷིཙཱརདོཥེ ན ཛཱཏེ ཡདི ཀཤྩིན྄ ནིཛཛཱཡཱཾ པརིཏྱཛཏི, ཏརྷི ས ཏཱཾ ཝྱབྷིཙཱརཡཏི; ཡཤྩ ཏཱཾ ཏྱཀྟཱཾ སྟྲིཡཾ ཝིཝཧཏི, སོཔི ཝྱབྷིཙརཏི།

³³པུནཤྩ ཏྭཾ མྲྀཥཱ ཤཔཐམ྄ ན ཀུཪྻྭན྄ ཨཱིཤྩརཱཡ ནིཛཤཔཐཾ པཱལཡ, པཱུཪྻྭཀཱལཱིནལོཀེབྷྱོ ཡཻཥཱ ཀཐཱ ཀཐིཏཱ, ཏཱམཔི ཡཱུཡཾ ཤྲུཏཝནྟཿ།

³⁴ཀིནྟྭཧཾ ཡུཥྨཱན྄ ཝདཱམི, ཀམཔི ཤཔཐཾ མཱ ཀཱརྵྚ, ཨརྠཏཿ སྭརྒནཱམྣཱ ན, ཡཏཿ ས ཨཱིཤྭརསྱ སིཾཧཱསནཾ;

³⁵པྲྀཐིཝྱཱ ནཱམྣཱཔི ན, ཡཏཿ སཱ ཏསྱ པཱདཔཱིཋཾ; ཡིརཱུཤཱལམོ ནཱམྣཱཔི ན, ཡཏཿ སཱ མཧཱརཱཛསྱ པུརཱི;

³⁶ནིཛཤིརོནཱམྣཱཔི ན, ཡསྨཱཏ྄ ཏསྱཻཀཾ ཀཙམཔི སིཏམ྄ ཨསིཏཾ ཝཱ ཀརྟྟུཾ ཏྭཡཱ ན ཤཀྱཏེ།

³⁷ཨཔརཾ ཡཱུཡཾ སཾལཱཔསམཡེ ཀེཝལཾ བྷཝཏཱིཏི ན བྷཝཏཱིཏི ཙ ཝདཏ ཡཏ ཨིཏོ྅དྷིཀཾ ཡཏ྄ ཏཏ྄ པཱཔཱཏྨནོ ཛཱཡཏེ།

³⁸ཨཔརཾ ལོཙནསྱ ཝིནིམཡེན ལོཙནཾ དནྟསྱ ཝིནིམཡེན དནྟཿ པཱུཪྻྭཀྟམིདཾ ཝཙནཉྩ ཡུཥྨཱབྷིརཤྲཱུཡཏ།

³⁹ཀིནྟྭཧཾ ཡུཥྨཱན྄ ཝདཱམི ཡཱུཡཾ ཧིཾསཀཾ ནརཾ མཱ ཝྱཱགྷཱཏཡཏ། ཀིནྟུ ཀེནཙིཏ྄ ཏཝ དཀྵིཎཀཔོལེ ཙཔེཊཱགྷཱཏེ ཀྲྀཏེ ཏཾ པྲཏི ཝཱམཾ ཀཔོལཉྩ ཝྱཱགྷོཊཡ།

⁴⁰ཨཔརཾ ཀེནཙིཏ྄ ཏྭཡཱ སཱརྡྷྡཾ ཝིཝཱདཾ ཀྲྀཏྭཱ ཏཝ པརིདྷེཡཝསནེ ཛིགྷྲྀཏིཏེ ཏསྨཱཡུཏྟརཱིཡཝསནམཔི དེཧི།

⁴¹ཡདི ཀཤྩིཏ྄ ཏྭཱཾ ཀྲོཤམེཀཾ ནཡནཱརྠཾ ཨནྱཱཡཏོ དྷརཏི, ཏདཱ ཏེན སཱརྡྷྡཾ ཀྲོཤདྭཡཾ ཡཱཧི།

⁴²ཡཤྩ མཱནཝསྟྭཱཾ ཡཱཙཏེ, ཏསྨཻ དེཧི, ཡདི ཀཤྩིཏ྄ ཏུབྷྱཾ དྷཱརཡིཏུམ྄ ཨིཙྪཏི, ཏརྷི ཏཾ པྲཏི པརཱཾམུཁོ མཱ བྷཱུཿ།

⁴³ནིཛསམཱིཔཝསིནི པྲེམ ཀུརུ, ཀིནྟུ ཤཏྲུཾ པྲཏི དྭེཥཾ ཀུརུ, ཡདེཏཏ྄ པུརོཀྟཾ ཝཙནཾ ཨེཏདཔི ཡཱུཡཾ ཤྲུཏཝནྟཿ།

⁴⁴ཀིནྟྭཧཾ ཡུཥྨཱན྄ ཝདཱམི, ཡཱུཡཾ རིཔུཝྺཔི པྲེམ ཀུརུཏ, ཡེ ཙ ཡུཥྨཱན྄ ཤཔནྟེ, ཏཱན, ཨཱཤིཥཾ ཝདཏ, ཡེ ཙ ཡུཥྨཱན྄ ཨྲྀृཏཱིཡནྟེ, ཏེཥཱཾ མངྒལཾ ཀུརུཏ, ཡེ ཙ ཡུཥྨཱན྄ ནིནྡནྟི, ཏཱཌཡནྟི ཙ, ཏེཥཱཾ ཀྲྀཏེ པྲཱརྠཡདྷྭཾ།

⁴⁵ཏཏྲ ཡཿ སཏཱམསཏཱཉྩོཔརི པྲབྷཱཀརམ྄ ཨུདཱཡཡཏི, ཏཐཱ དྷཱརྨྨིཀཱནཱམདྷཱརྨྨིཀཱནཱཉྩོཔརི ནཱིརཾ ཝརྵཡཏི ཏཱདྲྀཤོ ཡོ ཡུཥྨཱཀཾ སྭརྒསྠཿ པིཏཱ, ཡཱུཡཾ ཏསྱཻཝ སནྟཱནཱ བྷཝིཥྱཐ།

⁴⁶ཡེ ཡུཥྨཱསུ པྲེམ ཀུཪྻྭནྟི, ཡཱུཡཾ ཡདི ཀེཝལཾ ཏེཝྺེཝ པྲེམ ཀུརུཐ, ཏརྷི ཡུཥྨཱཀཾ ཀིཾ ཕལཾ བྷཝིཥྱཏི? ཙཎྜཱལཱ ཨཔི ཏཱདྲྀཤཾ ཀིཾ ན ཀུཪྻྭནྟི?

⁴⁷ཨཔརཾ ཡཱུཡཾ ཡདི ཀེཝལཾ སྭཱིཡབྷྲཱཏྲྀཏྭེན ནམཏ, ཏརྷི ཀིཾ མཧཏ྄ ཀརྨྨ ཀུརུཐ? ཙཎྜཱལཱ ཨཔི ཏཱདྲྀཤཾ ཀིཾ ན ཀུཪྻྭནྟི?

⁴⁸ཏསྨཱཏ྄ ཡུཥྨཱཀཾ སྭརྒསྠཿ པིཏཱ ཡཐཱ པཱུརྞོ བྷཝཏི, ཡཱུཡམཔི ཏཱདྲྀཤཱ བྷཝཏ།