པྲེརིཏཱཿ 27:8-38

⁸ཀཥྚེན ཏམུཏྟཱིཪྻྱ ལཱསེཡཱནགརསྱཱདྷཿ སུནྡརནཱམཀཾ ཁཱཏམ྄ ཨུཔཱཏིཥྛཱམ།

⁹ཨིཏྠཾ བཧུཏིཐཿ ཀཱལོ ཡཱཔིཏ ཨུཔཝཱསདིནཉྩཱཏཱིཏཾ, ཏཏྐཱརཎཱཏ྄ ནཽཝརྟྨནི བྷཡངྐརེ སཏི པཽལོ ཝིནཡེན ཀཐིཏཝཱན྄,

¹⁰ཧེ མཧེཙྪཱ ཨཧཾ ནིཤྩཡཾ ཛཱནཱམི ཡཱཏྲཱཡཱམསྱཱམ྄ ཨསྨཱཀཾ ཀླེཤཱ བཧཱུནཱམཔཙཡཱཤྩ བྷཝིཥྱནྟི, ཏེ ཀེཝལཾ པོཏསཱམགྲྱོརིཏི ནཧི, ཀིནྟྭསྨཱཀཾ པྲཱཎཱནཱམཔི།

¹¹ཏདཱ ཤཏསེནཱཔཏིཿ པཽैेལོཀྟཝཱཀྱཏོཔི ཀརྞདྷཱརསྱ པོཏཝཎིཛཤྩ ཝཱཀྱཾ བཧུམཾསྟ།

¹²ཏཏ྄ ཁཱཏཾ ཤཱིཏཀཱལེ ཝཱསཱརྷསྠཱནཾ ན ཏསྨཱད྄ ཨཝཱཙཱིཔྲཏཱིཙོརྡིཤོཿ ཀྲཱིཏྱཱཿ ཕཻནཱིཀིཡཁཱཏཾ ཡཱཏུཾ ཡདི ཤཀྣུཝནྟསྟརྷི ཏཏྲ ཤཱིཏཀཱལཾ ཡཱཔཡིཏུཾ པྲཱཡེཎ སཪྻྭེ མནྟྲཡཱམཱསུཿ།

¹³ཏཏཿ པརཾ དཀྵིཎཝཱཡུ རྨནྡཾ ཝཧཏཱིཏི ཝིལོཀྱ ནིཛཱབྷིཔྲཱཡསྱ སིདྡྷེཿ སུཡོགོ བྷཝཏཱིཏི བུདྡྷྭཱ པོཏཾ མོཙཡིཏྭཱ ཀྲཱིཏྱུཔདྭཱིཔསྱ ཏཱིརསམཱིཔེན ཙལིཏཝནྟཿ།

¹⁴ཀིནྟྭལྤཀྵཎཱཏ྄ པརམེཝ ཨུརཀླུདོནྣཱམཱ པྲཏིཀཱུལཿ པྲཙཎྜོ ཝཱཡུ ཪྻཧན྄ པོཏེ྅ལགཱིཏ྄

¹⁵ཏསྱཱབྷིམུཁཾ གནྟུམ྄ པོཏསྱཱཤཀྟཏྭཱད྄ ཝཡཾ ཝཱཡུནཱ སྭཡཾ ནཱིཏཱཿ།

¹⁶ཨནནྟརཾ ཀླཽདཱིནཱམྣ ཨུཔདྭཱིཔསྱ ཀཱུལསམཱིཔེན པོཏཾ གམཡིཏྭཱ བཧུནཱ ཀཥྚེན ཀྵུདྲནཱཝམ྄ ཨརཀྵཱམ།

¹⁷ཏེ ཏཱམཱརུཧྱ རཛྫྩཱ པོཏསྱཱདྷོབྷཱགམ྄ ཨབདྷྣན྄ ཏདནནྟརཾ ཙེཏ྄ པོཏོ སཻཀཏེ ལགཏཱིཏི བྷཡཱད྄ ཝཱཏཝསནཱནྱམོཙཡན྄ ཏཏཿ པོཏོ ཝཱཡུནཱ ཙཱལིཏཿ།

¹⁸ཀིནྟུ ཀྲམཤོ ཝཱཡོཿ པྲབལཏྭཱཏ྄ པོཏོ དོལཱཡམཱནོ྅བྷཝཏ྄ པརསྨིན྄ དིཝསེ པོཏསྠཱནི ཀཏིཔཡཱནི དྲཝྱཱཎི ཏོཡེ ནིཀྵིཔྟཱནི།

¹⁹ཏྲྀཏཱིཡདིཝསེ ཝཡཾ སྭཧསྟཻཿ པོཏསཛྫནདྲཝྱཱཎི ནིཀྵིཔྟཝནྟཿ།

²⁰ཏཏོ བཧུདིནཱནི ཡཱཝཏ྄ སཱུཪྻྱནཀྵཏྲཱདཱིནི སམཱཙྪནྣཱནི ཏཏོ ྅ཏཱིཝ ཝཱཏྱཱགམཱད྄ ཨསྨཱཀཾ པྲཱཎརཀྵཱཡཱཿ ཀཱཔི པྲཏྱཱཤཱ ནཱཏིཥྛཏ྄།

²¹བཧུདིནེཥུ ལོཀཻརནཱཧཱརེཎ ཡཱཔིཏེཥུ སཪྻྭེཥཱཾ སཱཀྵཏ྄ པཽལསྟིཥྛན྄ ཨཀཐཡཏ྄, ཧེ མཧེཙྪཱཿ ཀྲཱིཏྱུཔདྭཱིཔཱཏ྄ པོཏཾ ན མོཙཡིཏུམ྄ ཨཧཾ པཱུཪྻྭཾ ཡད྄ ཨཝདཾ ཏདྒྲཧཎཾ ཡུཥྨཱཀམ྄ ཨུཙིཏམ྄ ཨཱསཱིཏ྄ ཏཐཱ ཀྲྀཏེ ཡུཥྨཱཀམ྄ ཨེཥཱ ཝིཔད྄ ཨེཥོ྅པཙཡཤྩ ནཱགྷཊིཥྱེཏཱམ྄།

²²ཀིནྟུ སཱམྤྲཏཾ ཡུཥྨཱན྄ ཝིནཱིཡ བྲཝཱིམྱཧཾ, ཡཱུཡཾ ན ཀྵུབྷྱཏ ཡུཥྨཱཀམ྄ ཨེཀསྱཱཔི པྲཱཎིནོ ཧཱནི རྣ བྷཝིཥྱཏི, ཀེཝལསྱ པོཏསྱ ཧཱནི རྦྷཝིཥྱཏི།

²³ཡཏོ ཡསྱེཤྭརསྱ ལོཀོ྅ཧཾ ཡཉྩཱཧཾ པརིཙརཱམི ཏདཱིཡ ཨེཀོ དཱུཏོ ཧྱོ རཱཏྲཽ མམཱནྟིཀེ ཏིཥྛན྄ ཀཐིཏཝཱན྄,

²⁴ཧེ པཽལ མཱ བྷཻཥཱིཿ ཀཻསརསྱ སམྨུཁེ ཏྭཡོཔསྠཱཏཝྱཾ; ཏཝཻཏཱན྄ སངྒིནོ ལོཀཱན྄ ཨཱིཤྭརསྟུབྷྱཾ དཏྟཝཱན྄།

²⁵ཨཏཨེཝ ཧེ མཧེཙྪཱ ཡཱུཡཾ སྠིརམནསོ བྷཝཏ མཧྱཾ ཡཱ ཀཐཱཀཐི སཱཝཤྱཾ གྷཊིཥྱཏེ མམཻཏཱདྲྀཤཱི ཝིཤྭཱས ཨཱིཤྭརེ ཝིདྱཏེ,

²⁶ཀིནྟུ ཀསྱཙིད྄ ཨུཔདྭཱིཔསྱོཔརི པཏིཏཝྱམ྄ ཨསྨཱབྷིཿ།

²⁷ཏཏཿ པརམ྄ ཨཱདྲིཡཱསམུདྲེ པོཏསྟཐཻཝ དོལཱཡམཱནཿ སན྄ ཨིཏསྟཏོ གཙྪན྄ ཙཏུརྡཤདིཝསསྱ རཱཏྲེ རྡྭིཏཱིཡཔྲཧརསམཡེ ཀསྱཙིཏ྄ སྠལསྱ སམཱིཔམུཔཏིཥྛཏཱིཏི པོཏཱིཡལོཀཱ ཨནྭམནྱནྟ།

²⁸ཏཏསྟེ ཛལཾ པརིམཱཡ ཏཏྲ ཝིཾཤཏི ཪྻྱཱམཱ ཛལཱནཱིཏི ཛྙཱཏཝནྟཿ། ཀིཉྩིདྡཱུརཾ གཏྭཱ པུནརཔི ཛལཾ པརིམིཏཝནྟཿ། ཏཏྲ པཉྩདཤ ཝྱཱམཱ ཛལཱནི དྲྀཥྚྭཱ

²⁹ཙེཏ྄ པཱཥཱཎེ ལགཏཱིཏི བྷཡཱཏ྄ པོཏསྱ པཤྩཱདྦྷཱགཏཤྩཏུརོ ལངྒརཱན྄ ནིཀྵིཔྱ དིཝཱཀརམ྄ ཨཔེཀྵྱ སཪྻྭེ སྠིཏཝནྟཿ།

³⁰ཀིནྟུ པོཏཱིཡལོཀཱཿ པོཏཱགྲབྷཱགེ ལངྒརནིཀྵེཔཾ ཚལཾ ཀྲྀཏྭཱ ཛལདྷཽ ཀྵུདྲནཱཝམ྄ ཨཝརོཧྱ པལཱཡིཏུམ྄ ཨཙེཥྚནྟ།

³¹ཏཏཿ པཽལཿ སེནཱཔཏཡེ སཻནྱགཎཱཡ ཙ ཀཐིཏཝཱན྄, ཨེཏེ ཡདི པོཏམདྷྱེ ན ཏིཥྛནྟི ཏརྷི ཡུཥྨཱཀཾ རཀྵཎཾ ན ཤཀྱཾ།

³²ཏདཱ སེནཱགཎོ རཛྫཱུན྄ ཚིཏྭཱ ནཱཝཾ ཛལེ པཏིཏུམ྄ ཨདདཱཏ྄།

³³པྲབྷཱཏསམཡེ པཽལཿ སཪྻྭཱན྄ ཛནཱན྄ བྷོཛནཱརྠཾ པྲཱརྠྱ ཝྱཱཧརཏ྄, ཨདྱ ཙཏུརྡཤདིནཱནི ཡཱཝད྄ ཡཱུཡམ྄ ཨཔེཀྵམཱནཱ ཨནཱཧཱརཱཿ ཀཱལམ྄ ཨཡཱཔཡཏ ཀིམཔི ནཱབྷུཾགྡྷཾ།

³⁴ཨཏོ ཝིནཡེे྅ཧཾ བྷཀྵྱཾ བྷུཛྱཏཱཾ ཏཏོ ཡུཥྨཱཀཾ མངྒལཾ བྷཝིཥྱཏི, ཡུཥྨཱཀཾ ཀསྱཙིཛྫནསྱ ཤིརསཿ ཀེཤཻཀོཔི ན ནཾཀྵྱཏི།

³⁵ཨིཏི ཝྱཱཧྲྀཏྱ པཽལཾ པཱུཔཾ གྲྀཧཱིཏྭེཤྭརཾ དྷནྱཾ བྷཱཥམཱཎསྟཾ བྷཾཀྟྭཱ བྷོཀྟུམ྄ ཨཱརབྡྷཝཱན྄།

³⁶ཨནནྟརཾ སཪྻྭེ ཙ སུསྠིརཱཿ སནྟཿ ཁཱདྱཱནི པརྤྱགྲྀཧླན྄།

³⁷ཨསྨཱཀཾ པོཏེ ཥཊྶཔྟཏྱདྷིཀཤཏདྭཡལོཀཱ ཨཱསན྄།

³⁸སཪྻྭེཥུ ལོཀེཥུ ཡཐེཥྚཾ བྷུཀྟཝཏྶུ པོཏསྠན྄ གོདྷཱུམཱན྄ ཛལདྷཽ ནིཀྵིཔྱ ཏཻཿ པོཏསྱ བྷཱརོ ལགྷཱུཀྲྀཏཿ།