པྲེརིཏཱཿ 22:15-30

¹⁵ཡཏོ ཡདྱད྄ ཨདྲཱཀྵཱིརཤྲཽཥཱིཤྩ སཪྻྭེཥཱཾ མཱནཝཱནཱཾ སམཱིཔེ ཏྭཾ ཏེཥཱཾ སཱཀྵཱི བྷཝིཥྱསི།

¹⁶ཨཏཨེཝ ཀུཏོ ཝིལམྦསེ? པྲབྷོ རྣཱམྣཱ པྲཱརྠྱ ནིཛཔཱཔཔྲཀྵཱལནཱརྠཾ མཛྫནཱཡ སམུཏྟིཥྛ།

¹⁷ཏཏཿ པརཾ ཡིརཱུཤཱལམྣགརཾ པྲཏྱཱགཏྱ མནྡིརེ྅ཧམ྄ ཨེཀདཱ པྲཱརྠཡེ, ཏསྨིན྄ སམཡེ྅ཧམ྄ ཨབྷིབྷཱུཏཿ སན྄ པྲབྷཱུཾ སཱཀྵཱཏ྄ པཤྱན྄,

¹⁸ཏྭཾ ཏྭརཡཱ ཡིརཱུཤཱལམཿ པྲཏིཥྛསྭ ཡཏོ ལོཀཱམཡི ཏཝ སཱཀྵྱཾ ན གྲཧཱིཥྱནྟི, མཱམྤྲཏྱུདིཏཾ ཏསྱེདཾ ཝཱཀྱམ྄ ཨཤྲཽཥམ྄།

¹⁹ཏཏོཧཾ པྲཏྱཝཱདིཥམ྄ ཧེ པྲབྷོ པྲཏིབྷཛནབྷཝནཾ ཏྭཡི ཝིཤྭཱསིནོ ལོཀཱན྄ བདྡྷྭཱ པྲཧྲྀཏཝཱན྄,

²⁰ཏཐཱ ཏཝ སཱཀྵིཎཿ སྟིཕཱནསྱ རཀྟཔཱཏནསམཡེ ཏསྱ ཝིནཱཤཾ སམྨནྱ སནྣིདྷཽ ཏིཥྛན྄ ཧནྟྲྀལོཀཱནཱཾ ཝཱསཱཾསི རཀྵིཏཝཱན྄, ཨེཏཏ྄ ཏེ ཝིདུཿ།

²¹ཏཏཿ སོ྅ཀཐཡཏ྄ པྲཏིཥྛསྭ ཏྭཱཾ དཱུརསྠབྷིནྣདེཤཱིཡཱནཱཾ སམཱིཔཾ པྲེཥཡིཥྱེ།

²²ཏདཱ ལོཀཱ ཨེཏཱཝཏྤཪྻྱནྟཱཾ ཏདཱིཡཱཾ ཀཐཱཾ ཤྲུཏྭཱ པྲོཙྩཻརཀཐཡན྄, ཨེནཾ བྷཱུམཎྜལཱད྄ དཱུརཱིཀུརུཏ, ཨེཏཱདྲྀཤཛནསྱ ཛཱིཝནཾ ནོཙིཏམ྄།

²³ཨིཏྱུཙྩཻཿ ཀཐཡིཏྭཱ ཝསནཱནི པརིཏྱཛྱ གགཎཾ པྲཏི དྷཱུལཱིརཀྵིཔན྄

²⁴ཏཏཿ སཧསྲསེནཱཔཏིཿ པཽལཾ དུརྒཱབྷྱནྟར ནེཏུཾ སམཱདིཤཏ྄། ཨེཏསྱ པྲཏིཀཱུལཱཿ སནྟོ ལོཀཱཿ ཀིནྣིམིཏྟམ྄ ཨེཏཱཝདུཙྩཻཿསྭརམ྄ ཨཀུཪྻྭན྄, ཨེཏད྄ ཝེཏྟུཾ ཏཾ ཀཤཡཱ པྲཧྲྀཏྱ ཏསྱ པརཱིཀྵཱཾ ཀརྟྟུམཱདིཤཏ྄།

²⁵པདཱཏཡཤྩརྨྨནིརྨྨིཏརཛྫུབྷིསྟསྱ བནྡྷནཾ ཀརྟྟུམུདྱཏཱསྟཱསྟདཱནཱིཾ པཽལཿ སམྨུཁསྠིཏཾ ཤཏསེནཱཔཏིམ྄ ཨུཀྟཝཱན྄ དཎྜཱཛྙཱཡཱམ྄ ཨཔྲཱཔྟཱཡཱཾ ཀིཾ རོམིལོཀཾ པྲཧརྟྟུཾ ཡུཥྨཱཀམ྄ ཨདྷིཀཱརོསྟི?

²⁶ཨེནཱཾ ཀཐཱཾ ཤྲུཏྭཱ ས སཧསྲསེནཱཔཏེཿ སནྣིདྷིཾ གཏྭཱ ཏཱཾ ཝཱརྟྟཱམཝདཏ྄ ས རོམིལོཀ ཨེཏསྨཱཏ྄ སཱཝདྷཱནཿ སན྄ ཀརྨྨ ཀུརུ།

²⁷ཏསྨཱཏ྄ སཧསྲསེནཱཔཏི རྒཏྭཱ ཏམཔྲཱཀྵཱིཏ྄ ཏྭཾ ཀིཾ རོམིལོཀཿ? ཨིཏི མཱཾ བྲཱུཧི། སོ྅ཀཐཡཏ྄ སཏྱམ྄།

²⁸ཏཏཿ སཧསྲསེནཱཔཏིཿ ཀཐིཏཝཱན྄ བཧུདྲཝིཎཾ དཏྟྭཱཧཾ ཏཏ྄ པཽརསཁྱཾ པྲཱཔྟཝཱན྄; ཀིནྟུ པཽལཿ ཀཐིཏཝཱན྄ ཨཧཾ ཛནུནཱ ཏཏ྄ པྲཱཔྟོ྅སྨི།

²⁹ཨིཏྠཾ སཏི ཡེ པྲཧཱརེཎ ཏཾ པརཱིཀྵིཏུཾ སམུདྱཏཱ ཨཱསན྄ ཏེ ཏསྱ སམཱིཔཱཏ྄ པྲཱཏིཥྛནྟ; སཧསྲསེནཱཔཏིསྟཾ རོམིལོཀཾ ཝིཛྙཱཡ སྭཡཾ ཡཏ྄ ཏསྱ བནྡྷནམ྄ ཨཀཱརྵཱིཏ྄ ཏཏྐཱརཎཱད྄ ཨབིབྷེཏ྄།

³⁰ཡིཧཱུདཱིཡལོཀཱཿ པཽལཾ ཀུཏོ྅པཝདནྟེ ཏསྱ ཝྲྀཏྟཱནྟཾ ཛྙཱཏུཾ ཝཱཉྪན྄ སཧསྲསེནཱཔཏིཿ པརེ྅ཧནི པཽལཾ བནྡྷནཱཏ྄ མོཙཡིཏྭཱ པྲདྷཱནཡཱཛཀཱན྄ མཧཱསབྷཱཡཱཿ སཪྻྭལོཀཱཤྩ སམུཔསྠཱཏུམ྄ ཨཱདིཤྱ ཏེཥཱཾ སནྣིདྷཽ པཽལམ྄ ཨཝརོཧྱ སྠཱཔིཏཝཱན྄།