8པཽལོ བྷཛནབྷཝནཾ གཏྭཱ པྲཱཡེཎ མཱསཏྲཡམ྄ ཨཱིཤྭརསྱ རཱཛྱསྱ ཝིཙཱརཾ ཀྲྀཏྭཱ ལོཀཱན྄ པྲཝརྟྱ སཱཧསེན ཀཐཱམཀཐཡཏ྄།
9ཀིནྟུ ཀཋིནཱནྟཿཀརཎཏྭཱཏ྄ ཀིཡནྟོ ཛནཱ ན ཝིཤྭསྱ སཪྻྭེཥཱཾ སམཀྵམ྄ ཨེཏཏྤཐསྱ ནིནྡཱཾ ཀརྟྟུཾ པྲཝྲྀཏྟཱཿ, ཨཏཿ པཽལསྟེཥཱཾ སམཱིཔཱཏ྄ པྲསྠཱཡ ཤིཥྱགཎཾ པྲྀཐཀྐྲྀཏྭཱ པྲཏྱཧཾ ཏུརཱནྣནཱམྣཿ ཀསྱཙིཏ྄ ཛནསྱ པཱཋཤཱལཱཡཱཾ ཝིཙཱརཾ ཀྲྀཏཝཱན྄།
10ཨིཏྠཾ ཝཏྶརདྭཡཾ གཏཾ ཏསྨཱད྄ ཨཱཤིཡཱདེཤནིཝཱསིནཿ སཪྻྭེ ཡིཧཱུདཱིཡཱ ཨནྱདེཤཱིཡལོཀཱཤྩ པྲབྷོ ཪྻཱིཤོཿ ཀཐཱམ྄ ཨཤྲཽཥན྄།
11པཽལེན ཙ ཨཱིཤྭར ཨེཏཱདྲྀཤཱནྱདྦྷུཏཱནི ཀརྨྨཱཎི ཀྲྀཏཝཱན྄
12ཡཏ྄ པརིདྷེཡེ གཱཏྲམཱརྫནཝསྟྲེ ཝཱ ཏསྱ དེཧཱཏ྄ པཱིཌིཏལོཀཱནཱམ྄ སམཱིཔམ྄ ཨཱནཱིཏེ ཏེ ནིརཱམཡཱ ཛཱཏཱ ཨཔཝིཏྲཱ བྷཱུཏཱཤྩ ཏེབྷྱོ བཧིརྒཏཝནྟཿ།
13ཏདཱ དེཤཱཊནཀཱརིཎཿ ཀིཡནྟོ ཡིཧཱུདཱིཡཱ བྷཱུཏཱཔསཱརིཎོ བྷཱུཏགྲསྟནོཀཱནཱཾ སནྣིདྷཽ པྲབྷེ ཪྻཱིཤོ རྣཱམ ཛཔྟྭཱ ཝཱཀྱམིདམ྄ ཨཝདན྄, ཡསྱ ཀཐཱཾ པཽལཿ པྲཙཱརཡཏི ཏསྱ ཡཱིཤོ རྣཱམྣཱ ཡུཥྨཱན྄ ཨཱཛྙཱཔཡཱམཿ།