པྲེརིཏཱཿ 18:1-14

¹ཏདྒྷཊནཱཏཿ པརཾ པཽལ ཨཱཐཱིནཱིནགརཱད྄ ཡཱཏྲཱཾ ཀྲྀཏྭཱ ཀརིནྠནགརམ྄ ཨཱགཙྪཏ྄།

²ཏསྨིན྄ སམཡེ ཀླཽདིཡཿ སཪྻྭཱན྄ ཡིཧཱུདཱིཡཱན྄ རོམཱནགརཾ ཝིཧཱཡ གནྟུམ྄ ཨཱཛྙཱཔཡཏ྄, ཏསྨཱཏ྄ པྲིསྐིལླཱནཱམྣཱ ཛཱཡཡཱ སཱརྡྡྷམ྄ ཨིཏཱལིཡཱདེཤཱཏ྄ ཀིཉྩིཏྤཱུཪྻྭམ྄ ཨཱགམཏ྄ ཡཿ པནྟདེཤེ ཛཱཏ ཨཱཀྐིལནཱམཱ ཡིཧཱུདཱིཡལོཀཿ པཽལསྟཾ སཱཀྵཱཏ྄ པྲཱཔྱ ཏཡོཿ སམཱིཔམིཏཝཱན྄།

³ཏཽ དཱུཥྱནིརྨྨཱཎཛཱིཝིནཽ, ཏསྨཱཏ྄ པརསྤརམ྄ ཨེཀཝྲྀཏྟིཀཏྭཱཏ྄ ས ཏཱབྷྱཱཾ སཧ ཨུཥིཏྭཱ ཏཏ྄ ཀརྨྨཱཀརོཏ྄།

⁴པཽལཿ པྲཏིཝིཤྲཱམཝཱརཾ བྷཛནབྷཝནཾ གཏྭཱ ཝིཙཱརཾ ཀྲྀཏྭཱ ཡིཧཱུདཱིཡཱན྄ ཨནྱདེཤཱིཡཱཾཤྩ པྲཝྲྀཏྟིཾ གྲཱཧིཏཝཱན྄།

⁵སཱིལཏཱིམཐིཡཡོ རྨཱཀིདནིཡཱདེཤཱཏ྄ སམེཏཡོཿ སཏོཿ པཽལ ཨུཏྟཔྟམནཱ བྷཱུཏྭཱ ཡཱིཤུརཱིཤྭརེཎཱབྷིཥིཀྟོ བྷཝཏཱིཏི པྲམཱཎཾ ཡིཧཱུདཱིཡཱནཱཾ སམཱིཔེ པྲཱདཱཏ྄།

⁶ཀིནྟུ ཏེ ྅ཏཱིཝ ཝིརོདྷཾ ཝིདྷཱཡ པཱཥཎྜཱིཡཀཐཱཾ ཀཐིཏཝནྟསྟཏཿ པཽལོ ཝསྟྲཾ དྷུནྭན྄ ཨེཏཱཾ ཀཐཱཾ ཀཐིཏཝཱན྄, ཡུཥྨཱཀཾ ཤོཎིཏཔཱཏཱཔརཱདྷོ ཡུཥྨཱན྄ པྲཏྱེཝ བྷཝཏུ, ཏེནཱཧཾ ནིརཔརཱདྷོ ྅དྱཱརབྷྱ བྷིནྣདེཤཱིཡཱནཱཾ སམཱིཔཾ ཡཱམི།

⁷ས ཏསྨཱཏ྄ པྲསྠཱཡ བྷཛནབྷཝནསམཱིཔསྠསྱ ཡུསྟནཱམྣ ཨཱིཤྭརབྷཀྟསྱ བྷིནྣདེཤཱིཡསྱ ནིཝེཤནཾ པྲཱཝིཤཏ྄།

⁸ཏཏཿ ཀྲཱིཥྤནཱམཱ བྷཛནབྷཝནཱདྷིཔཏིཿ སཔརིཝཱརཿ པྲབྷཽ ཝྱཤྭསཱིཏ྄, ཀརིནྠནགརཱིཡཱ བཧཝོ ལོཀཱཤྩ སམཱཀརྞྱ ཝིཤྭསྱ མཛྫིཏཱ ཨབྷཝན྄།

⁹ཀྵཎདཱཡཱཾ པྲབྷུཿ པཽལཾ དརྴནཾ དཏྭཱ བྷཱཥིཏཝཱན྄, མཱ བྷཻཥཱིཿ, མཱ ནིརསཱིཿ ཀཐཱཾ པྲཙཱརཡ།

¹⁰ཨཧཾ ཏྭཡཱ སཱརྡྡྷམ྄ ཨཱས ཧིཾསཱརྠཾ ཀོཔི ཏྭཱཾ སྤྲཥྚུཾ ན ཤཀྵྱཏི ནགརེ྅སྨིན྄ མདཱིཡཱ ལོཀཱ བཧཝ ཨཱསཏེ།

¹¹ཏསྨཱཏ྄ པཽལསྟནྣགརེ པྲཱཡེཎ སཱརྡྡྷཝཏྶརཔཪྻྱནྟཾ སཾསྠཱཡེཤྭརསྱ ཀཐཱམ྄ ཨུཔཱདིཤཏ྄།

¹²གཱལླིཡནཱམཱ ཀཤྩིད྄ ཨཱཁཱཡཱདེཤསྱ པྲཱཌྭིཝཱཀཿ སམབྷཝཏ྄, ཏཏོ ཡིཧཱུདཱིཡཱ ཨེཀཝཱཀྱཱཿ སནྟཿ པཽལམ྄ ཨཱཀྲམྱ ཝིཙཱརསྠཱནཾ ནཱིཏྭཱ

¹³མཱནུཥ ཨེཥ ཝྱཝསྠཱཡ ཝིརུདྡྷམ྄ ཨཱིཤྭརབྷཛནཾ ཀརྟྟུཾ ལོཀཱན྄ ཀུཔྲཝྲྀཏྟིཾ གྲཱཧཡཏཱིཏི ནིཝེདིཏཝནྟཿ།

¹⁴ཏཏཿ པཽལེ པྲཏྱུཏྟརཾ དཱཏུམ྄ ཨུདྱཏེ སཏི གཱལླིཡཱ ཡིཧཱུདཱིཡཱན྄ ཝྱཱཧརཏ྄, ཡདི ཀསྱཙིད྄ ཨནྱཱཡསྱ ཝཱཏིཤཡདུཥྚཏཱཙརཎསྱ ཝིཙཱརོ྅བྷཝིཥྱཏ྄ ཏརྷི ཡུཥྨཱཀཾ ཀཐཱ མཡཱ སཧནཱིཡཱབྷཝིཥྱཏ྄།