པྲེརིཏཱཿ 17:7-31

⁷ཨེཥ ཡཱསོན྄ ཨཱཏིཐྱཾ ཀྲྀཏྭཱ ཏཱན྄ གྲྀཧཱིཏཝཱན྄། ཡཱིཤུནཱམཀ ཨེཀོ རཱཛསྟཱིཏི ཀཐཡནྟསྟེ ཀཻསརསྱཱཛྙཱཝིརུདྡྷཾ ཀརྨྨ ཀུཪྻྭཏི།

⁸ཏེཥཱཾ ཀཐཱམིམཱཾ ཤྲུཏྭཱ ལོཀནིཝཧོ ནགརཱདྷིཔཏཡཤྩ སམུདྭིགྣཱ ཨབྷཝན྄།

⁹ཏདཱ ཡཱསོནསྟདནྱེཥཱཉྩ དྷནདཎྜཾ གྲྀཧཱིཏྭཱ ཏཱན྄ པརིཏྱཀྟཝནྟཿ།

¹⁰ཏཏཿ པརཾ བྷྲཱཏྲྀགཎོ རཛནྱཱཾ པཽལསཱིལཽ ཤཱིགྷྲཾ བིརཡཱནགརཾ པྲེཥིཏཝཱན྄ ཏཽ ཏཏྲོཔསྠཱཡ ཡིཧཱུདཱིཡཱནཱཾ བྷཛནབྷཝནཾ གཏཝནྟཽ།

¹¹ཏཏྲསྠཱ ལོཀཱཿ ཐིཥལནཱིཀཱིསྠལོཀེབྷྱོ མཧཱཏྨཱན ཨཱསན྄ ཡཏ ཨིཏྠཾ བྷཝཏི ན ཝེཏི ཛྙཱཏུཾ དིནེ དིནེ དྷརྨྨགྲནྠསྱཱལོཙནཱཾ ཀྲྀཏྭཱ སྭཻརཾ ཀཐཱམ྄ ཨགྲྀཧླན྄།

¹²ཏསྨཱད྄ ཨནེཀེ ཡིཧཱུདཱིཡཱ ཨནྱདེཤཱིཡཱནཱཾ མཱནྱཱ སྟྲིཡཿ པུརུཥཱཤྩཱནེཀེ ཝྱཤྭསན྄།

¹³ཀིནྟུ བིརཡཱནགརེ པཽལེནེཤྭརཱིཡཱ ཀཐཱ པྲཙཱཪྻྱཏ ཨིཏི ཐིཥལནཱིཀཱིསྠཱ ཡིཧཱུདཱིཡཱ ཛྙཱཏྭཱ ཏཏྶྠཱནམཔྱཱགཏྱ ལོཀཱནཱཾ ཀུཔྲཝྲྀཏྟིམ྄ ཨཛནཡན྄།

¹⁴ཨཏཨེཝ ཏསྨཱཏ྄ སྠཱནཱཏ྄ སམུདྲེཎ ཡཱནྟཱིཏི དརྴཡིཏྭཱ བྷྲཱཏརཿ ཀྵིཔྲཾ པཽལཾ པྲཱཧིཎྭན྄ ཀིནྟུ སཱིལཏཱིམཐིཡཽ ཏཏྲ སྠིཏཝནྟཽ།

¹⁵ཏཏཿ པརཾ པཽལསྱ མཱརྒདརྴཀཱསྟམ྄ ཨཱཐཱིནཱིནགར ཨུཔསྠཱཔཡན྄ པཤྩཱད྄ ཡུཝཱཾ ཏཱུརྞམ྄ ཨེཏཏ྄ སྠཱནཾ ཨཱགམིཥྱཐཿ སཱིལཏཱིམཐིཡཽ པྲཏཱིམཱམ྄ ཨཱཛྙཱཾ པྲཱཔྱ ཏེ པྲཏྱཱགཏཱཿ།

¹⁶པཽལ ཨཱཐཱིནཱིནགརེ ཏཱཝཔེཀྵྱ ཏིཥྛན྄ ཏནྣགརཾ པྲཏིམཱབྷིཿ པརིཔཱུརྞཾ དྲྀཥྚྭཱ སནྟཔྟཧྲྀདཡོ ྅བྷཝཏ྄།

¹⁷ཏཏཿ ས བྷཛནབྷཝནེ ཡཱན྄ ཡིཧཱུདཱིཡཱན྄ བྷཀྟལོཀཱཾཤྩ ཧཊྚེ ཙ ཡཱན྄ ཨཔཤྱཏ྄ ཏཻཿ སཧ པྲཏིདིནཾ ཝིཙཱརིཏཝཱན྄།

¹⁸ཀིནྟྭིཔིཀཱུརཱིཡམཏགྲཧིཎཿ སྟོཡིཀཱིཡམཏགྲཱཧིཎཤྩ ཀིཡནྟོ ཛནཱསྟེན སཱརྡྡྷཾ ཝྱཝདནྟ། ཏཏྲ ཀེཙིད྄ ཨཀཐཡན྄ ཨེཥ ཝཱཙཱལཿ ཀིཾ ཝཀྟུམ྄ ཨིཙྪཏི? ཨཔརེ ཀེཙིད྄ ཨེཥ ཛནཿ ཀེཥཱཉྩིད྄ ཝིདེཤཱིཡདེཝཱནཱཾ པྲཙཱརཀ ཨིཏྱནུམཱིཡཏེ ཡཏཿ ས ཡཱིཤུམ྄ ཨུཏྠིཏིཉྩ པྲཙཱརཡཏ྄།

¹⁹ཏེ ཏམ྄ ཨརེཡཔཱགནཱམ ཝིཙཱརསྠཱནམ྄ ཨཱནཱིཡ པྲཱཝོཙན྄ ཨིདཾ ཡནྣཝཱིནཾ མཏཾ ཏྭཾ པྲཱཙཱིཀཤ ཨིདཾ ཀཱིདྲྀཤཾ ཨེཏད྄ ཨསྨཱན྄ ཤྲཱཝཡ;

²⁰ཡཱམིམཱམ྄ ཨསམྦྷཝཀཐཱམ྄ ཨསྨཱཀཾ ཀརྞགོཙརཱིཀྲྀཏཝཱན྄ ཨསྱཱ བྷཱཝཱརྠཿ ཀ ཨིཏི ཝཡཾ ཛྙཱཏུམ྄ ཨིཙྪཱམཿ།

²¹ཏདཱཐཱིནཱིནིཝཱསིནསྟནྣགརཔྲཝཱསིནཤྩ ཀེཝལཾ ཀསྱཱཤྩན ནཝཱིནཀཐཱཡཱཿ ཤྲཝཎེན པྲཙཱརཎེན ཙ ཀཱལམ྄ ཨཡཱཔཡན྄།

²²པཽལོ྅རེཡཔཱགསྱ མདྷྱེ ཏིཥྛན྄ ཨེཏཱཾ ཀཐཱཾ པྲཙཱརིཏཝཱན྄, ཧེ ཨཱཐཱིནཱིཡལོཀཱ ཡཱུཡཾ སཪྻྭཐཱ དེཝཔཱུཛཱཡཱམ྄ ཨཱསཀྟཱ ཨིཏྱཧ པྲཏྱཀྵཾ པཤྱཱམི།

²³ཡཏཿ པཪྻྱཊནཀཱལེ ཡུཥྨཱཀཾ པཱུཛནཱིཡཱནི པཤྱན྄ ‘ཨཝིཛྙཱཏེཤྭརཱཡ’ ཨེཏལླིཔིཡུཀྟཱཾ ཡཛྙཝེདཱིམེཀཱཾ དྲྀཥྚཝཱན྄; ཨཏོ ན ཝིདིཏྭཱ ཡཾ པཱུཛཡདྷྭེ ཏསྱཻཝ ཏཏྭཾ ཡུཥྨཱན྄ པྲཏི པྲཙཱརཡཱམི།

²⁴ཛགཏོ ཛགཏྶྠཱནཱཾ སཪྻྭཝསྟཱུནཱཉྩ སྲཥྚཱ ཡ ཨཱིཤྭརཿ ས སྭརྒཔྲྀཐིཝྱོརེཀཱདྷིཔཏིཿ སན྄ ཀརནིརྨྨིཏམནྡིརེཥུ ན ནིཝསཏི;

²⁵ས ཨེཝ སཪྻྭེབྷྱོ ཛཱིཝནཾ པྲཱཎཱན྄ སཪྻྭསཱམགྲཱིཤྩ པྲདདཱཏི; ཨཏཨེཝ ས ཀསྱཱཤྩིཏ྄ སཱམགྱྲཱ ཨབྷཱཝཧེཏོ རྨནུཥྱཱཎཱཾ ཧསྟཻཿ སེཝིཏོ བྷཝཏཱིཏི ན།

²⁶ས བྷཱུམཎྜལེ ནིཝཱསཱརྠམ྄ ཨེཀསྨཱཏ྄ ཤོཎིཏཱཏ྄ སཪྻྭཱན྄ མནུཥྱཱན྄ སྲྀཥྚྭཱ ཏེཥཱཾ པཱུཪྻྭནིརཱུཔིཏསམཡཾ ཝསཏིསཱིམཱཉྩ ནིརཙིནོཏ྄;

²⁷ཏསྨཱཏ྄ ལོཀཻཿ ཀེནཱཔི པྲཀཱརེཎ མྲྀགཡིཏྭཱ པརམེཤྭརསྱ ཏཏྭཾ པྲཱཔྟུཾ ཏསྱ གཝེཥཎཾ ཀརཎཱིཡམ྄།

²⁸ཀིནྟུ སོ྅སྨཱཀཾ ཀསྨཱཙྩིདཔི དཱུརེ ཏིཥྛཏཱིཏི ནཧི, ཝཡཾ ཏེན ནིཤྭསནཔྲཤྭསནགམནཱགམནཔྲཱཎདྷཱརཎཱནི ཀུརྨྨཿ, པུुནཤྩ ཡུཥྨཱཀམེཝ ཀཏིཔཡཱཿ ཀཝཡཿ ཀཐཡནྟི ‘ཏསྱ ཝཾཤཱ ཝཡཾ སྨོ ཧི’ ཨིཏི།

²⁹ཨཏཨེཝ ཡདི ཝཡམ྄ ཨཱིཤྭརསྱ ཝཾཤཱ བྷཝཱམསྟརྷི མནུཥྱཻ ཪྻིདྱཡཱ ཀཽཤལེན ཙ ཏཀྵིཏཾ སྭརྞཾ རཱུཔྱཾ དྲྀཥད྄ ཝཻཏེཥཱམཱིཤྭརཏྭམ྄ ཨསྨཱབྷི རྣ ཛྙཱཏཝྱཾ།

³⁰ཏེཥཱཾ པཱུཪྻྭཱིཡལོཀཱནཱམ྄ ཨཛྙཱནཏཱཾ པྲཏཱིཤྭརོ ཡདྱཔི ནཱཝཱདྷཏྟ ཏཐཱཔཱིདཱནཱིཾ སཪྻྭཏྲ སཪྻྭཱན྄ མནཿ པརིཝརྟྟཡིཏུམ྄ ཨཱཛྙཱཔཡཏི,

³¹ཡཏཿ སྭནིཡུཀྟེན པུརུཥེཎ ཡདཱ ས པྲྀཐིཝཱིསྠཱནཱཾ སཪྻྭལོཀཱནཱཾ ཝིཙཱརཾ ཀརིཥྱཏི ཏདྡིནཾ ནྱརཱུཔཡཏ྄; ཏསྱ ཤྨཤཱནོཏྠཱཔནེན ཏསྨིན྄ སཪྻྭེབྷྱཿ པྲམཱཎཾ པྲཱདཱཏ྄།