པྲེརིཏཱཿ 17:2-8

²ཏདཱ པཽལཿ སྭཱཙཱརཱནུསཱརེཎ ཏེཥཱཾ སམཱིཔཾ གཏྭཱ ཝིཤྲཱམཝཱརཏྲཡེ ཏཻཿ སཱརྡྡྷཾ དྷརྨྨཔུསྟཀཱིཡཀཐཱཡཱ ཝིཙཱརཾ ཀྲྀཏཝཱན྄།

³ཕལཏཿ ཁྲཱིཥྚེན དུཿཁབྷོགཿ ཀརྟྟཝྱཿ ཤྨཤཱནདུཏྠཱནཉྩ ཀརྟྟཝྱཾ ཡུཥྨཱཀཾ སནྣིདྷཽ ཡསྱ ཡཱིཤོཿ པྲསྟཱཝཾ ཀརོམི ས ཨཱིཤྭརེཎཱབྷིཥིཀྟཿ ས ཨེཏཱཿ ཀཐཱཿ པྲཀཱཤྱ པྲམཱཎཾ དཏྭཱ སྠིརཱིཀྲྀཏཝཱན྄།

⁴ཏསྨཱཏ྄ ཏེཥཱཾ ཀཏིཔཡཛནཱ ཨནྱདེཤཱིཡཱ བཧཝོ བྷཀྟལོཀཱ བཧྱཿ པྲདྷཱནནཱཪྻྱཤྩ ཝིཤྭསྱ པཽལསཱིལཡོཿ པཤྩཱདྒཱམིནོ ཛཱཏཱཿ།

⁵ཀིནྟུ ཝིཤྭཱསཧཱིནཱ ཡིཧཱུདཱིཡལོཀཱ ཨཱིརྵྱཡཱ པརིཔཱུརྞཱཿ སནྟོ ཧཊཊྶྱ ཀཏིནཡལམྤཊལོཀཱན྄ སངྒིནཿ ཀྲྀཏྭཱ ཛནཏཡཱ ནགརམདྷྱེ མཧཱཀལཧཾ ཀྲྀཏྭཱ ཡཱསོནོ གྲྀཧམ྄ ཨཱཀྲམྱ པྲེརིཏཱན྄ དྷྲྀཏྭཱ ལོཀནིཝཧསྱ སམཱིཔམ྄ ཨཱནེཏུཾ ཙེཥྚིཏཝནྟཿ།

⁶ཏེཥཱམུདྡེཤམ྄ ཨཔྲཱཔྱ ཙ ཡཱསོནཾ ཀཏིཔཡཱན྄ བྷྲཱཏྲྀཾཤྩ དྷྲྀཏྭཱ ནགརཱདྷིཔཏཱིནཱཾ ནིཀཊམཱནཱིཡ པྲོཙྩཻཿ ཀཐིཏཝནྟོ ཡེ མནུཥྱཱ ཛགདུདྭཱཊིཏཝནྟསྟེ ྅ཏྲཱཔྱུཔསྠིཏཱཿ སནྟི,

⁷ཨེཥ ཡཱསོན྄ ཨཱཏིཐྱཾ ཀྲྀཏྭཱ ཏཱན྄ གྲྀཧཱིཏཝཱན྄། ཡཱིཤུནཱམཀ ཨེཀོ རཱཛསྟཱིཏི ཀཐཡནྟསྟེ ཀཻསརསྱཱཛྙཱཝིརུདྡྷཾ ཀརྨྨ ཀུཪྻྭཏི།

⁸ཏེཥཱཾ ཀཐཱམིམཱཾ ཤྲུཏྭཱ ལོཀནིཝཧོ ནགརཱདྷིཔཏཡཤྩ སམུདྭིགྣཱ ཨབྷཝན྄།