པྲེརིཏཱཿ 15:1-20

¹ཡིཧཱུདཱདེཤཱཏ྄ ཀིཡནྟོ ཛནཱ ཨཱགཏྱ བྷྲཱཏྲྀགཎམིཏྠཾ ཤིཀྵིཏཝནྟོ མཱུསཱཝྱཝསྠཡཱ ཡདི ཡུཥྨཱཀཾ ཏྭཀྪེདོ ན བྷཝཏི ཏརྷི ཡཱུཡཾ པརིཏྲཱཎཾ པྲཱཔྟུཾ ན ཤཀྵྱཐ།

²པཽལབརྞབྦཽ ཏཻཿ སཧ བཧཱུན྄ ཝིཙཱརཱན྄ ཝིཝཱདཱཾཤྩ ཀྲྀཏཝནྟཽ, ཏཏོ མཎྜལཱིཡནོཀཱ ཨེཏསྱཱཿ ཀཐཱཡཱསྟཏྟྭཾ ཛྙཱཏུཾ ཡིརཱུཤཱལམྣགརསྠཱན྄ པྲེརིཏཱན྄ པྲཱཙཱིནཱཾཤྩ པྲཏི པཽལབརྞབྦཱཔྲབྷྲྀཏཱིན྄ ཀཏིཔཡཛནཱན྄ པྲེཥཡིཏུཾ ནིཤྩཡཾ ཀྲྀཏཝནྟཿ།

³ཏེ མཎྜལྱཱ པྲེརིཏཱཿ སནྟཿ ཕཻཎཱིཀཱིཤོམིརོནྡེཤཱབྷྱཱཾ གཏྭཱ བྷིནྣདེཤཱིཡཱནཱཾ མནཿཔརིཝརྟྟནསྱ ཝཱརྟྟཡཱ བྷྲཱཏྲྀཎཱཾ པརམཱཧླཱདམ྄ ཨཛནཡན྄།

⁴ཡིརཱུཤཱལམྱུཔསྠཱཡ པྲེརིཏགཎེན ལོཀཔྲཱཙཱིནགཎེན སམཱཛེན ཙ སམུཔགྲྀཧཱིཏཱཿ སནྟཿ སྭཻརཱིཤྭརོ ཡཱནི ཀརྨྨཱཎི ཀྲྀཏཝཱན྄ ཏེཥཱཾ སཪྻྭཝྲྀཏྟཱནྟཱན྄ ཏེཥཱཾ སམཀྵམ྄ ཨཀཐཡན྄།

⁵ཀིནྟུ ཝིཤྭཱསིནཿ ཀིཡནྟཿ ཕིརཱུཤིམཏགྲཱཧིཎོ ལོཀཱ ཨུཏྠཱཡ ཀཐཱམེཏཱཾ ཀཐིཏཝནྟོ བྷིནྣདེཤཱིཡཱནཱཾ ཏྭཀྪེདཾ ཀརྟྟུཾ མཱུསཱཝྱཝསྠཱཾ པཱལཡིཏུཉྩ སམཱདེཥྚཝྱམ྄།

⁶ཏཏཿ པྲེརིཏཱ ལོཀཔྲཱཙཱིནཱཤྩ ཏསྱ ཝིཝེཙནཱཾ ཀརྟྟུཾ སབྷཱཡཱཾ སྠིཏཝནྟཿ།

⁷བཧུཝིཙཱརེཥུ ཛཱཏཥུ པིཏར ཨུཏྠཱཡ ཀཐིཏཝཱན྄, ཧེ བྷྲཱཏརོ ཡཐཱ བྷིནྣདེཤཱིཡལོཀཱ མམ མུཁཱཏ྄ སུསཾཝཱདཾ ཤྲུཏྭཱ ཝིཤྭསནྟི ཏདརྠཾ བཧུདིནཱཏ྄ པཱུཪྻྭམ྄ ཨཱིཤྭརོསྨཱཀཾ མདྷྱེ མཱཾ ཝྲྀཏྭཱ ནིཡུཀྟཝཱན྄།

⁸ཨནྟཪྻྱཱམཱིཤྭརོ ཡཐཱསྨབྷྱཾ ཏཐཱ བྷིནྣདེཤཱིཡེབྷྱཿ པཝིཏྲམཱཏྨཱནཾ པྲདཱཡ ཝིཤྭཱསེན ཏེཥཱམ྄ ཨནྟཿཀརཎཱནི པཝིཏྲཱཎི ཀྲྀཏྭཱ

⁹ཏེཥཱམ྄ ཨསྨཱཀཉྩ མདྷྱེ ཀིམཔི ཝིཤེཥཾ ན སྠཱཔཡིཏྭཱ ཏཱནདྷི སྭཡཾ པྲམཱཎཾ དཏྟཝཱན྄ ཨིཏི ཡཱུཡཾ ཛཱནཱིཐ།

¹⁰ཨཏཨེཝཱསྨཱཀཾ པཱུཪྻྭཔུརུཥཱ ཝཡཉྩ སྭཡཾ ཡདྱུགསྱ བྷཱརཾ སོཌྷུཾ ན ཤཀྟཱཿ སམྤྲཏི ཏཾ ཤིཥྱགཎསྱ སྐནྡྷེཥུ ནྱསིཏུཾ ཀུཏ ཨཱིཤྭརསྱ པརཱིཀྵཱཾ ཀརིཥྱཐ?

¹¹པྲབྷོ ཪྻཱིཤུཁྲཱིཥྚསྱཱནུགྲཧེཎ ཏེ ཡཐཱ ཝཡམཔི ཏཐཱ པརིཏྲཱཎཾ པྲཱཔྟུམ྄ ཨཱཤཱཾ ཀུརྨྨཿ།

¹²ཨནནྟརཾ བརྞབྦཱཔཽལཱབྷྱཱམ྄ ཨཱིཤྭརོ བྷིནྣདེཤཱིཡཱནཱཾ མདྷྱེ ཡདྱད྄ ཨཱཤྩཪྻྱམ྄ ཨདྦྷུཏཉྩ ཀརྨྨ ཀྲྀཏཝཱན྄ ཏདྭྲྀཏྟཱནྟཾ ཏཽ སྭམུཁཱབྷྱཱམ྄ ཨཝརྞཡཏཱཾ སབྷཱསྠཱཿ སཪྻྭེ ནཱིརཝཱཿ སནྟཿ ཤྲུཏཝནྟཿ།

¹³ཏཡོཿ ཀཐཱཡཱཾ སམཱཔྟཱཡཱཾ སཏྱཱཾ ཡཱཀཱུབ྄ ཀཐཡིཏུམ྄ ཨཱརབྡྷཝཱན྄

¹⁴ཧེ བྷྲཱཏརོ མམ ཀཐཱཡཱམ྄ མནོ ནིདྷཏྟ། ཨཱིཤྭརཿ སྭནཱམཱརྠཾ བྷིནྣདེཤཱིཡལོཀཱནཱམ྄ མདྷྱཱད྄ ཨེཀཾ ལོཀསཾགྷཾ གྲཧཱིཏུཾ མཏིཾ ཀྲྀཏྭཱ ཡེན པྲཀཱརེཎ པྲཐམཾ ཏཱན྄ པྲཏི ཀྲྀཔཱཝལེཀནཾ ཀྲྀཏཝཱན྄ ཏཾ ཤིམོན྄ ཝརྞིཏཝཱན྄།

¹⁵བྷཝིཥྱདྭཱདིབྷིརུཀྟཱནི ཡཱནི ཝཱཀྱཱནི ཏཻཿ སཱརྡྡྷམ྄ ཨེཏསྱཻཀྱཾ བྷཝཏི ཡཐཱ ལིཁིཏམཱསྟེ།

¹⁶སཪྻྭེཥཱཾ ཀརྨྨཎཱཾ ཡསྟུ སཱདྷཀཿ པརམེཤྭརཿ། ས ཨེཝེདཾ ཝདེདྭཱཀྱཾ ཤེཥཱཿ སཀལམཱནཝཱཿ། བྷིནྣདེཤཱིཡལོཀཱཤྩ ཡཱཝནྟོ མམ ནཱམཏཿ། བྷཝནྟི ཧི སུཝིཁྱཱཏཱསྟེ ཡཐཱ པརམེཤིཏུཿ།

¹⁷ཏཏྭཾ སམྱཀ྄ སམཱིཧནྟེ ཏནྣིམིཏྟམཧཾ ཀིལ། པརཱཝྲྀཏྱ སམཱགཏྱ དཱཡཱུདཿ པཏིཏཾ པུནཿ། དཱུཥྱམུཏྠཱཔཡིཥྱཱམི ཏདཱིཡཾ སཪྻྭཝསྟུ ཙ། པཏིཏཾ པུནརུཐཱཔྱ སཛྫཡིཥྱཱམི སཪྻྭཐཱ༎

¹⁸ཨཱ པྲཐམཱད྄ ཨཱིཤྭརཿ སྭཱིཡཱནི སཪྻྭཀརྨྨཱཎི ཛཱནཱཏི།

¹⁹ཨཏཨེཝ མམ ནིཝེདནམིདཾ བྷིནྣདེཤཱིཡལོཀཱནཱཾ མདྷྱེ ཡེ ཛནཱ ཨཱིཤྭརཾ པྲཏི པརཱཝརྟྟནྟ ཏེཥཱམུཔརི ཨནྱཾ ཀམཔི བྷཱརཾ ན ནྱསྱ

²⁰དེཝཏཱཔྲསཱདཱཤུཙིབྷཀྵྱཾ ཝྱབྷིཙཱརཀརྨྨ ཀཎྛསམྤཱིཌནམཱརིཏཔྲཱཎིབྷཀྵྱཾ རཀྟབྷཀྵྱཉྩ ཨེཏཱནི པརིཏྱཀྟུཾ ལིཁཱམཿ།