1ཀཻསརིཡཱནགར ཨིཏཱལིཡཱཁྱསཻནྱཱནྟརྒཏཿ ཀརྞཱིལིཡནཱམཱ སེནཱཔཏིརཱསཱིཏ྄
2ས སཔརིཝཱརོ བྷཀྟ ཨཱིཤྭརཔརཱཡཎཤྩཱསཱིཏ྄; ལོཀེབྷྱོ བཧཱུནི དཱནཱདཱིནི དཏྭཱ ནིརནྟརམ྄ ཨཱིཤྭརེ པྲཱརྠཡཱཉྩཀྲེ།
3ཨེཀདཱ ཏྲྀཏཱིཡཔྲཧརཝེལཱཡཱཾ ས དྲྀཥྚཝཱན྄ ཨཱིཤྭརསྱཻཀོ དཱུཏཿ སཔྲཀཱཤཾ ཏཏྶམཱིཔམ྄ ཨཱགཏྱ ཀཐིཏཝཱན྄, ཧེ ཀརྞཱིལིཡ།
4ཀིནྟུ ས ཏཾ དྲྀཥྚྭཱ བྷཱིཏོ྅ཀཐཡཏ྄, ཧེ པྲབྷོ ཀིཾ? ཏདཱ ཏམཝདཏ྄ ཏཝ པྲཱརྠནཱ དཱནཱདི ཙ སཱཀྵིསྭརཱུཔཾ བྷཱུཏྭེཤྭརསྱ གོཙརམབྷཝཏ྄།
5ཨིདཱནཱིཾ ཡཱཕོནགརཾ པྲཏི ལོཀཱན྄ པྲེཥྱ སམུདྲཏཱིརེ ཤིམོནྣཱམྣཤྩརྨྨཀཱརསྱ གྲྀཧེ པྲཝཱསཀཱརཱི པིཏརནཱམྣཱ ཝིཁྱཱཏོ ཡཿ ཤིམོན྄ ཏམ྄ ཨཱཧྭཱཡཡ;
6ཏསྨཱཏ྄ ཏྭཡཱ ཡདྱཏ྄ ཀརྟྟཝྱཾ ཏཏྟཏ྄ ས ཝདིཥྱཏི།
7ཨིཏྱུཔདིཤྱ དཱུཏེ པྲསྠིཏེ སཏི ཀརྞཱིལིཡཿ སྭགྲྀཧསྠཱནཱཾ དཱསཱནཱཾ དྭཽ ཛནཽ ནིཏྱཾ སྭསངྒིནཱཾ སཻནྱཱནཱམ྄ ཨེཀཱཾ བྷཀྟསེནཱཉྩཱཧཱུཡ
8སཀལམེཏཾ ཝྲྀཏྟཱནྟཾ ཝིཛྙཱཔྱ ཡཱཕོནགརཾ ཏཱན྄ པྲཱཧིཎོཏ྄།
9པརསྨིན྄ དིནེ ཏེ ཡཱཏྲཱཾ ཀྲྀཏྭཱ ཡདཱ ནགརསྱ སམཱིཔ ཨུཔཱཏིཥྛན྄, ཏདཱ པིཏརོ དྭིཏཱིཡཔྲཧརཝེལཱཡཱཾ པྲཱརྠཡིཏུཾ གྲྀཧཔྲྀཥྛམ྄ ཨཱརོཧཏ྄།
10ཨེཏསྨིན྄ སམཡེ ཀྵུདྷཱརྟྟཿ སན྄ ཀིཉྩིད྄ བྷོཀྟུམ྄ ཨཻཙྪཏ྄ ཀིནྟུ ཏེཥཱམ྄ ཨནྣཱསཱདནསམཡེ ས མཱུརྩྪིཏཿ སནྣཔཏཏ྄།
11ཏཏོ མེགྷདྭཱརཾ མུཀྟཾ ཙཏུརྦྷིཿ ཀོཎཻ རླམྦིཏཾ བྲྀཧདྭསྟྲམིཝ ཀིཉྩན བྷཱཛནམ྄ ཨཱཀཱཤཱཏ྄ པྲྀཐིཝཱིམ྄ ཨཝཱརོཧཏཱིཏི དྲྀཥྚཝཱན྄།
12ཏནྨདྷྱེ ནཱནཔྲཀཱརཱ གྲཱམྱཝནྱཔཤཝཿ ཁེཙརོརོགཱམིཔྲབྷྲྀཏཡོ ཛནྟཝཤྩཱསན྄།
13ཨནནྟརཾ ཧེ པིཏར ཨུཏྠཱཡ ཧཏྭཱ བྷུཾཀྵྭ ཏམྤྲཏཱིཡཾ གགཎཱིཡཱ ཝཱཎཱི ཛཱཏཱ།
14ཏདཱ པིཏརཿ པྲཏྱཝདཏ྄, ཧེ པྲབྷོ ཨཱིདྲྀཤཾ མཱ བྷཝཏུ, ཨཧམ྄ ཨེཏཏ྄ ཀཱལཾ ཡཱཝཏ྄ ནིཥིདྡྷམ྄ ཨཤུཙི ཝཱ དྲཝྱཾ ཀིཉྩིདཔི ན བྷུཀྟཝཱན྄།
15ཏཏཿ པུནརཔི ཏཱདྲྀཤཱི ཝིཧཡསཱིཡཱ ཝཱཎཱི ཛཱཏཱ ཡད྄ ཨཱིཤྭརཿ ཤུཙི ཀྲྀཏཝཱན྄ ཏཏ྄ ཏྭཾ ནིཥིདྡྷཾ ན ཛཱནཱིཧི།
16ཨིཏྠཾ ཏྲིཿ སཏི ཏཏ྄ པཱཏྲཾ པུནརཱཀྲྀཥྚཾ ཨཱཀཱཤམ྄ ཨགཙྪཏ྄།
17ཏཏཿ པརཾ ཡད྄ དརྴནཾ པྲཱཔྟཝཱན྄ ཏསྱ ཀོ བྷཱཝ ཨིཏྱཏྲ པིཏརོ མནསཱ སནྡེགྡྷི, ཨེཏསྨིན྄ སམཡེ ཀརྞཱིལིཡསྱ ཏེ པྲེཥིཏཱ མནུཥྱཱ དྭཱརསྱ སནྣིདྷཱཝུཔསྠཱཡ,
18ཤིམོནོ གྲྀཧམནྭིཙྪནྟཿ སམྤྲྀཚྱཱཧཱུཡ ཀཐིཏཝནྟཿ པིཏརནཱམྣཱ ཝིཁྱཱཏོ ཡཿ ཤིམོན྄ ས ཀིམཏྲ པྲཝསཏི?
19ཡདཱ པིཏརསྟདྡརྴནསྱ བྷཱཝཾ མནསཱནྡོལཡཏི ཏདཱཏྨཱ ཏམཝདཏ྄, པཤྱ ཏྲཡོ ཛནཱསྟྭཱཾ མྲྀགཡནྟེ།
20ཏྭམ྄ ཨུཏྠཱཡཱཝརུཧྱ ནིཿསནྡེཧཾ ཏཻཿ སཧ གཙྪ མཡཻཝ ཏེ པྲེཥིཏཱཿ།
21ཏསྨཱཏ྄ པིཏརོ྅ཝརུཧྱ ཀརྞཱིལིཡཔྲེརིཏལོཀཱནཱཾ ནིཀཊམཱགཏྱ ཀཐིཏཝཱན྄ པཤྱཏ ཡཱུཡཾ ཡཾ མྲྀགཡདྷྭེ ས ཛནོཧཾ, ཡཱུཡཾ ཀིནྣིམིཏྟམ྄ ཨཱགཏཱཿ?