གཱལཱཏིནཿ 6

1

2

3

4

5

6

¹ཧེ བྷྲཱཏརཿ, ཡུཥྨཱཀཾ ཀཤྩིད྄ ཡདི ཀསྨིཾཤྩིཏ྄ པཱཔེ པཏཏི ཏརྷྱཱཏྨིཀབྷཱཝཡུཀྟཻ ཪྻུཥྨཱབྷིསྟིཏིཀྵཱབྷཱཝཾ ཝིདྷཱཡ ས པུནརུཏྠཱཔྱཏཱཾ ཡཱུཡམཔི ཡཐཱ ཏཱདྲྀཀྤརཱིཀྵཱཡཱཾ ན པཏཐ ཏཐཱ སཱཝདྷཱནཱ བྷཝཏ།

²ཡུཥྨཱཀམ྄ ཨེཀཻཀོ ཛནཿ པརསྱ བྷཱརཾ ཝཧཏྭནེན པྲཀཱརེཎ ཁྲཱིཥྚསྱ ཝིདྷིཾ པཱལཡཏ།

³ཡདི ཀཤྩན ཀྵུདྲཿ སན྄ སྭཾ མཧཱནྟཾ མནྱཏེ ཏརྷི ཏསྱཱཏྨཝཉྩནཱ ཛཱཡཏེ།

⁴ཨཏ ཨེཀཻཀེན ཛནེན སྭཀཱིཡཀརྨྨཎཿ པརཱིཀྵཱ ཀྲིཡཏཱཾ ཏེན པརཾ ནཱལོཀྱ ཀེཝལམ྄ ཨཱཏྨཱལོཀནཱཏ྄ ཏསྱ ཤླགྷཱ སམྦྷཝིཥྱཏི།

⁵ཡཏ ཨེཀཻཀོे ཛནཿ སྭཀཱིཡཾ བྷཱརཾ ཝཀྵྱཏི།

⁶ཡོ ཛནོ དྷརྨྨོཔདེཤཾ ལབྷཏེ ས ཨུཔདེཥྚཱརཾ སྭཱིཡསཪྻྭསམྤཏྟེ རྦྷཱགིནཾ ཀརོཏུ།

⁷ཡུཥྨཱཀཾ བྷྲཱནྟི རྣ བྷཝཏུ, ཨཱིཤྭརོ ནོཔཧསིཏཝྱཿ, ཡེན ཡད྄ བཱིཛམ྄ ཨུཔྱཏེ ཏེན ཏཛྫཱཏཾ ཤསྱཾ ཀརྟྟིཥྱཏེ།

⁸སྭཤརཱིརཱརྠཾ ཡེན བཱིཛམ྄ ཨུཔྱཏེ ཏེན ཤརཱིརཱད྄ ཝིནཱཤརཱུཔཾ ཤསྱཾ ལཔྶྱཏེ ཀིནྟྭཱཏྨནཿ ཀྲྀཏེ ཡེན བཱིཛམ྄ ཨུཔྱཏེ ཏེནཱཏྨཏོ྅ནནྟཛཱིཝིཏརཱུཔཾ ཤསྱཾ ལཔྶྱཏེ།

⁹སཏྐརྨྨཀརཎེ྅སྨཱབྷིརཤྲཱནྟཻ རྦྷཝིཏཝྱཾ ཡཏོ྅ཀླཱནྟཽསྟིཥྛདྦྷིརསྨཱབྷིརུཔཡུཀྟསམཡེ ཏཏ྄ ཕལཱནི ལཔྶྱནྟེ།

¹⁰ཨཏོ ཡཱཝཏ྄ སམཡསྟིཥྛཏི ཏཱཝཏ྄ སཪྻྭཱན྄ པྲཏི ཝིཤེཥཏོ ཝིཤྭཱསཝེཤྨཝཱསིནཿ པྲཏྱསྨཱབྷི རྷིཏཱཙཱརཿ ཀརྟྟཝྱཿ།

¹¹ཧེ བྷྲཱཏརཿ, ཨཧཾ སྭཧསྟེན ཡུཥྨཱན྄ པྲཏི ཀིཡདྭྲྀཧཏ྄ པཏྲཾ ལིཁིཏཝཱན྄ ཏད྄ ཡུཥྨཱབྷི རྡྲྀཤྱཏཱཾ།

¹²ཡེ ཤཱརཱིརིཀཝིཥཡེ སུདྲྀཤྱཱ བྷཝིཏུམིཙྪནྟི ཏེ ཡཏ྄ ཁྲཱིཥྚསྱ ཀྲུཤསྱ ཀཱརཎཱདུཔདྲཝསྱ བྷཱགིནོ ན བྷཝནྟི ཀེཝལཾ ཏདརྠཾ ཏྭཀྪེདེ ཡུཥྨཱན྄ པྲཝརྟྟཡནྟི།

¹³ཏེ ཏྭཀྪེདགྲཱཧིཎོ྅པི ཝྱཝསྠཱཾ ན པཱལཡནྟི ཀིནྟུ ཡུཥྨཙྪརཱིརཱཏ྄ ཤླཱགྷཱལཱབྷཱརྠཾ ཡུཥྨཱཀཾ ཏྭཀྪེདམ྄ ཨིཙྪནྟི།

¹⁴ཀིནྟུ ཡེནཱཧཾ སཾསཱརཱཡ ཧཏཿ སཾསཱརོ྅པི མཧྱཾ ཧཏསྟདསྨཏྤྲབྷོ ཪྻཱིཤུཁྲཱིཥྚསྱ ཀྲུཤཾ ཝིནཱནྱཏྲ ཀུཏྲཱཔི མམ ཤླཱགྷནཾ ཀདཱཔི ན བྷཝཏུ།

¹⁵ཁྲཱིཥྚེ ཡཱིཤཽ ཏྭཀྪེདཱཏྭཀྪེདཡོཿ ཀིམཔི གུཎཾ ནཱསྟི ཀིནྟུ ནཝཱིནཱ སྲྀཥྚིརེཝ གུཎཡུཀྟཱ།

¹⁶ཨཔརཾ ཡཱཝནྟོ ལོཀཱ ཨེཏསྨིན྄ མཱརྒེ ཙརནྟི ཏེཥཱམ྄ ཨཱིཤྭརཱིཡསྱ ཀྲྀཏྶྣསྱེསྲཱཡེལཤྩ ཤཱནྟི རྡཡཱལཱབྷཤྩ བྷཱུཡཱཏ྄།

¹⁷ཨིཏཿ པརཾ ཀོ྅པི མཱཾ ན ཀླིཤྣཱཏུ ཡསྨཱད྄ ཨཧཾ སྭགཱཏྲེ པྲབྷོ ཪྻཱིཤུཁྲཱིཥྚསྱ ཙིཧྣཱནི དྷཱརཡེ།

¹⁸ཧེ བྷྲཱཏརཿ ཨསྨཱཀཾ པྲབྷོ ཪྻཱིཤུཁྲཱིཥྚསྱ པྲསཱདོ ཡུཥྨཱཀམ྄ ཨཱཏྨནི སྠེཡཱཏ྄། ཏཐཱསྟུ།