༢ པིཏརཿ 2

1

2

3

¹ཨཔརཾ པཱུཪྻྭཀཱལེ ཡཐཱ ལོཀཱནཱཾ མདྷྱེ མིཐྱཱབྷཝིཥྱདྭཱདིན ཨུཔཱཏིཥྛན྄ ཏཐཱ ཡུཥྨཱཀཾ མདྷྱེ྅པི མིཐྱཱཤིཀྵཀཱ ཨུཔསྠཱསྱནྟི, ཏེ སྭེཥཱཾ ཀྲེཏཱརཾ པྲབྷུམ྄ ཨནངྒཱིཀྲྀཏྱ སཏྭརཾ ཝིནཱཤཾ སྭེཥུ ཝརྟྟཡནྟི ཝིནཱཤཀཝཻདྷརྨྨྱཾ གུཔྟཾ ཡུཥྨནྨདྷྱམ྄ ཨཱནེཥྱནྟི།

²ཏཏོ ྅ནེཀེཥུ ཏེཥཱཾ ཝིནཱཤཀམཱརྒཾ གཏེཥུ ཏེབྷྱཿ སཏྱམཱརྒསྱ ནིནྡཱ སམྦྷཝིཥྱཏི།

³ཨཔརཉྩ ཏེ ལོབྷཱཏ྄ ཀཱཔཊྱཝཱཀྱཻ ཪྻུཥྨཏྟོ ལཱབྷཾ ཀརིཥྱནྟེ ཀིནྟུ ཏེཥཱཾ པུརཱཏནདཎྜཱཛྙཱ ན ཝིལམྦཏེ ཏེཥཱཾ ཝིནཱཤཤྩ ན ནིདྲཱཏི།

⁴ཨཱིཤྭརཿ ཀྲྀཏཔཱཔཱན྄ དཱུཏཱན྄ ན ཀྵམིཏྭཱ ཏིམིརཤྲྀངྑལཻཿ པཱཏཱལེ རུདྡྷྭཱ ཝིཙཱརཱརྠཾ སམརྤིཏཝཱན྄།

⁵པུརཱཏནཾ སཾསཱརམཔི ན ཀྵམིཏྭཱ ཏཾ དུཥྚཱནཱཾ སཾསཱརཾ ཛལཱཔླཱཝནེན མཛྫཡིཏྭཱ སཔྟཛནཻཿ སཧིཏཾ དྷརྨྨཔྲཙཱརཀཾ ནོཧཾ རཀྵིཏཝཱན྄།

⁶སིདོམམ྄ ཨམོརཱ ཙེཏིནཱམཀེ ནགརེ བྷཝིཥྱཏཱཾ དུཥྚཱནཱཾ དྲྀཥྚཱནྟཾ ཝིདྷཱཡ བྷསྨཱིཀྲྀཏྱ ཝིནཱཤེན དཎྜིཏཝཱན྄;

⁷ཀིནྟུ ཏཻཿ ཀུཏྶིཏཝྱབྷིཙཱརིབྷི རྡུཥྚཱཏྨབྷིཿ ཀླིཥྚཾ དྷཱརྨྨིཀཾ ལོཊཾ རཀྵིཏཝཱན྄།

⁸ས དྷཱརྨྨིཀོ ཛནསྟེཥཱཾ མདྷྱེ ནིཝསན྄ སྭཱིཡདྲྀཥྚིཤྲོཏྲགོཙརེབྷྱསྟེཥཱམ྄ ཨདྷརྨྨཱཙཱརེབྷྱཿ སྭཀཱིཡདྷཱརྨྨིཀམནསི དིནེ དིནེ ཏཔྟཝཱན྄།

⁹པྲབྷུ རྦྷཀྟཱན྄ པརཱིཀྵཱད྄ ཨུདྡྷརྟྟུཾ ཝིཙཱརདིནཉྩ ཡཱཝད྄ དཎྜྱཱམཱནཱན྄ ཨདྷཱརྨྨིཀཱན྄ རོདྡྷུཾ པཱརཡཏི,

¹⁰ཝིཤེཥཏོ ཡེ ྅མེདྷྱཱབྷིལཱཥཱཏ྄ ཤཱརཱིརིཀསུཁམ྄ ཨནུགཙྪནྟི ཀརྟྲྀཏྭཔདཱནི ཙཱཝཛཱནནྟི ཏཱནེཝ (རོདྡྷུཾ པཱརཡཏི། ) ཏེ དུཿསཱཧསིནཿ པྲགལྦྷཱཤྩ།

¹¹ཨཔརཾ བལགཽརཝཱབྷྱཱཾ ཤྲེཥྛཱ དིཝྱདཱུཏཱཿ པྲབྷོཿ སནྣིདྷཽ ཡེཥཱཾ ཝཻཔརཱིཏྱེན ནིནྡཱསཱུཙཀཾ ཝིཙཱརཾ ན ཀུཪྻྭནྟི ཏེཥཱམ྄ ཨུཙྩཔདསྠཱནཱཾ ནིནྡནཱད྄ ཨིམེ ན བྷཱིཏཱཿ།

¹²ཀིནྟུ ཡེ བུདྡྷིཧཱིནཱཿ པྲཀྲྀཏཱ ཛནྟཝོ དྷརྟྟཝྱཏཱཡཻ ཝིནཱཤྱཏཱཡཻ ཙ ཛཱཡནྟེ ཏཏྶདྲྀཤཱ ཨིམེ ཡནྣ བུདྷྱནྟེ ཏཏ྄ ནིནྡནྟཿ སྭཀཱིཡཝིནཱཤྱཏཡཱ ཝིནཾཀྵྱནྟི སྭཱིཡཱདྷརྨྨསྱ ཕལཾ པྲཱཔྶྱནྟི ཙ།

¹³ཏེ དིཝཱ པྲཀྲྀཥྚབྷོཛནཾ སུཁཾ མནྱནྟེ ནིཛཚལཻཿ སུཁབྷོགིནཿ སནྟོ ཡུཥྨཱབྷིཿ སཱརྡྡྷཾ བྷོཛནཾ ཀུཪྻྭནྟཿ ཀལངྐིནོ དོཥིཎཤྩ བྷཝནྟི།

¹⁴ཏེཥཱཾ ལོཙནཱནི པརདཱརཱཀཱངྐྵཱིཎི པཱཔེ ཙཱཤྲཱནྟཱནི ཏེ ཙཉྩལཱནི མནཱཾསི མོཧཡནྟི ལོབྷེ ཏཏྤརམནསཿ སནྟི ཙ།

¹⁵ཏེ ཤཱཔགྲསྟཱ ཝཾཤཱཿ སརལམཱརྒཾ ཝིཧཱཡ བིཡོརཔུཏྲསྱ བིལིཡམསྱ ཝིཔཐེན ཝྲཛནྟོ བྷྲཱནྟཱ ཨབྷཝན྄། ས བིལིཡམོ ྅པྱདྷརྨྨཱཏ྄ པྲཱཔྱེ པཱརིཏོཥིཀེ྅པྲཱིཡཏ,

¹⁶ཀིནྟུ ནིཛཱཔརཱདྷཱད྄ བྷརྟྶནཱམ྄ ཨལབྷཏ ཡཏོ ཝཙནཤཀྟིཧཱིནཾ ཝཱཧནཾ མཱནུཥིཀགིརམ྄ ཨུཙྩཱཪྻྱ བྷཝིཥྱདྭཱདིན ཨུནྨཏྟཏཱམ྄ ཨབཱདྷཏ།

¹⁷ཨིམེ ནིརྫལཱནི པྲསྲཝཎཱནི པྲཙཎྜཝཱཡུནཱ ཙཱལིཏཱ མེགྷཱཤྩ ཏེཥཱཾ ཀྲྀཏེ ནིཏྱསྠཱཡཱི གྷོརཏརཱནྡྷཀཱརཿ སཉྩིཏོ ྅སྟི།

¹⁸ཡེ ཙ ཛནཱ བྷྲཱནྟྱཱཙཱརིགཎཱཏ྄ ཀྲྀཙྪྲེཎོདྡྷྲྀཏཱསྟཱན྄ ཨིམེ ྅པརིམིཏདརྤཀཐཱ བྷཱཥམཱཎཱཿ ཤཱརཱིརིཀསུཁཱབྷིལཱཥཻཿ ཀཱམཀྲཱིཌཱབྷིཤྩ མོཧཡནྟི།

¹⁹ཏེབྷྱཿ སྭཱདྷཱིནཏཱཾ པྲཏིཛྙཱཡ སྭཡཾ ཝིནཱཤྱཏཱཡཱ དཱསཱ བྷཝནྟི, ཡཏཿ, ཡོ ཡེནཻཝ པརཱཛིགྱེ ས ཛཱཏསྟསྱ ཀིངྐརཿ།

²⁰ཏྲཱཏུཿ པྲབྷོ ཪྻཱིཤུཁྲཱིཥྚསྱ ཛྙཱནེན སཾསཱརསྱ མལེབྷྱ ཨུདྡྷྲྀཏཱ ཡེ པུནསྟེཥུ ནིམཛྫྱ པརཱཛཱིཡནྟེ ཏེཥཱཾ པྲཐམདཤཱཏཿ ཤེཥདཤཱ ཀུཏྶིཏཱ བྷཝཏི།

²¹ཏེཥཱཾ པཀྵེ དྷརྨྨཔཐསྱ ཛྙཱནཱཔྲཱཔྟི ཪྻརཾ ན ཙ ནིརྡྡིཥྚཱཏ྄ པཝིཏྲཝིདྷིམཱརྒཱཏ྄ ཛྙཱནཔྲཱཔྟཱནཱཾ པརཱཝརྟྟནཾ།

²²ཀིནྟུ ཡེཡཾ སཏྱཱ དྲྀཥྚཱནྟཀཐཱ སཻཝ ཏེཥུ ཕལིཏཝཏཱི, ཡཐཱ, ཀུཀྐུརཿ སྭཱིཡཝཱནྟཱཡ ཝྱཱཝརྟྟཏེ པུནཿ པུནཿ། ལུཋིཏུཾ ཀརྡྡམེ ཏདྭཏ྄ ཀྵཱལིཏཤྩཻཝ ཤཱུཀརཿ༎