19ඵලතඃ කීදෘශේන මරණේන ස ඊශ්වරස්ය මහිමානං ප්රකාශයිෂ්යති තද් බෝධයිතුං ස ඉති වාක්යං ප්රෝක්තවාන්| ඉත්යුක්තේ සති ස තමවෝචත් මම පශ්චාද් ආගච්ඡ|
20යෝ ජනෝ රාත්රිකාලේ යීශෝ ර්වක්ෂෝ(අ)වලම්බ්ය, හේ ප්රභෝ කෝ භවන්තං පරකරේෂු සමර්පයිෂ්යතීති වාක්යං පෘෂ්ටවාන්, තං යීශෝඃ ප්රියතමශිෂ්යං පශ්චාද් ආගච්ඡන්තං
21පිතරෝ මුඛං පරාවර්ත්ත්ය විලෝක්ය යීශුං පෘෂ්ටවාන්, හේ ප්රභෝ ඒතස්ය මානවස්ය කීදෘශී ගති ර්භවිෂ්යති?
22ස ප්රත්යවදත්, මම පුනරාගමනපර්ය්යන්තං යදි තං ස්ථාපයිතුම් ඉච්ඡාමි තත්ර තව කිං? ත්වං මම පශ්චාද් ආගච්ඡ|
23තස්මාත් ස ශිෂ්යෝ න මරිෂ්යතීති භ්රාතෘගණමධ්යේ කිංවදන්තී ජාතා කින්තු ස න මරිෂ්යතීති වාක්යං යීශු ර්නාවදත් කේවලං මම පුනරාගමනපර්ය්යන්තං යදි තං ස්ථාපයිතුම් ඉච්ඡාමි තත්ර තව කිං? ඉති වාක්යම් උක්තවාන්|