11තදා යීශුඃ ප්රත්යවදද් ඊශ්වරේණාදත්තං මමෝපරි තව කිමප්යධිපතිත්වං න විද්යතේ, තථාපි යෝ ජනෝ මාං තව හස්තේ සමාර්පයත් තස්ය මහාපාතකං ජාතම්|
12තදාරභ්ය පීලාතස්තං මෝචයිතුං චේෂ්ටිතවාන් කින්තු යිහූදීයා රුවන්තෝ ව්යාහරන් යදීමං මානවං ත්යජසි තර්හි ත්වං කෛසරස්ය මිත්රං න භවසි, යෝ ජනඃ ස්වං රාජානං වක්ති සඒව කෛමරස්ය විරුද්ධාං කථාං කථයති|
13ඒතාං කථාං ශ්රුත්වා පීලාතෝ යීශුං බහිරානීය නිස්තාරෝත්සවස්ය ආසාදනදිනස්ය ද්විතීයප්රහරාත් පූර්ව්වං ප්රස්තරබන්ධනනාම්නි ස්ථානේ (අ)ර්ථාත් ඉබ්රීයභාෂයා යද් ගබ්බිථා කථ්යතේ තස්මින් ස්ථානේ විචාරාසන උපාවිශත්|
14අනන්තරං පීලාතෝ යිහූදීයාන් අවදත්, යුෂ්මාකං රාජානං පශ්යත|
15කින්තු ඒනං දූරීකුරු, ඒනං දූරීකුරු, ඒනං ක්රුශේ විධ, ඉති කථාං කථයිත්වා තේ රවිතුම් ආරභන්ත; තදා පීලාතඃ කථිතවාන් යුෂ්මාකං රාජානං කිං ක්රුශේ වේධිෂ්යාමි? ප්රධානයාජකා උත්තරම් අවදන් කෛසරං විනා කෝපි රාජාස්මාකං නාස්ති|
16තතඃ පීලාතෝ යීශුං ක්රුශේ වේධිතුං තේෂාං හස්තේෂු සමාර්පයත්, තතස්තේ තං ධෘත්වා නීතවන්තඃ|
17තතඃ පරං යීශුඃ ක්රුශං වහන් ශිරඃකපාලම් අර්ථාද් යද් ඉබ්රීයභාෂයා ගුල්ගල්තාං වදන්ති තස්මින් ස්ථාන උපස්ථිතඃ|
18තතස්තේ මධ්යස්ථානේ තං තස්යෝභයපාර්ශ්වේ ද්වාවපරෞ ක්රුශේ(අ)විධන්|
19අපරම් ඒෂ යිහූදීයානාං රාජා නාසරතීයයීශුඃ, ඉති විඥාපනං ලිඛිත්වා පීලාතස්තස්ය ක්රුශෝපරි සමයෝජයත්|
20සා ලිපිඃ ඉබ්රීයයූනානීයරෝමීයභාෂාභි ර්ලිඛිතා; යීශෝඃ ක්රුශවේධනස්ථානං නගරස්ය සමීපං, තස්මාද් බහවෝ යිහූදීයාස්තාං පඨිතුම් ආරභන්ත|
21යිහූදීයානාං ප්රධානයාජකාඃ පීලාතමිති න්යවේදයන් යිහූදීයානාං රාජේති වාක්යං න කින්තු ඒෂ ස්වං යිහූදීයානාං රාජානම් අවදද් ඉත්ථං ලිඛතු|
22තතඃ පීලාත උත්තරං දත්තවාන් යල්ලේඛනීයං තල්ලිඛිතවාන්|
23ඉත්ථං සේනාගණෝ යීශුං ක්රුශේ විධිත්වා තස්ය පරිධේයවස්ත්රං චතුරෝ භාගාන් කෘත්වා ඒකෛකසේනා ඒකෛකභාගම් අගෘහ්ලත් තස්යෝත්තරීයවස්ත්රඤ්චාගෘහ්ලත්| කින්තූත්තරීයවස්ත්රං සූචිසේවනං විනා සර්ව්වම් ඌතං|
24තස්මාත්තේ ව්යාහරන් ඒතත් කඃ ප්රාප්ස්යති? තන්න ඛණ්ඩයිත්වා තත්ර ගුටිකාපාතං කරවාම| විභජන්තේ(අ)ධරීයං මේ වසනං තේ පරස්පරං| මමෝත්තරීයවස්ත්රාර්ථං ගුටිකාං පාතයන්ති ච| ඉති යද්වාක්යං ධර්ම්මපුස්තකේ ලිඛිතමාස්තේ තත් සේනාගණේනේත්ථං ව්යවහරණාත් සිද්ධමභවත්|
25තදානීං යීශෝ ර්මාතා මාතු ර්භගිනී ච යා ක්ලියපා භාර්ය්යා මරියම් මග්දලීනී මරියම් ච ඒතාස්තස්ය ක්රුශස්ය සන්නිධෞ සමතිෂ්ඨන්|