36ස ච මිසරදේශේ සූඵ්නාම්නි සමුද්රේ ච පශ්චාත් චත්වාරිංශද්වත්සරාන් යාවත් මහාප්රාන්තරේ නානාප්රකාරාණ්යද්භුතානි කර්ම්මාණි ලක්ෂණානි ච දර්ශයිත්වා තාන් බහිඃ කෘත්වා සමානිනාය|
37ප්රභුඃ පරමේශ්වරෝ යුෂ්මාකං භ්රාතෘගණස්ය මධ්යේ මාදෘශම් ඒකං භවිෂ්යද්වක්තාරම් උත්පාදයිෂ්යති තස්ය කථායාං යූයං මනෝ නිධාස්යථ, යෝ ජන ඉස්රායේලඃ සන්තානේභ්ය ඒනාං කථාං කථයාමාස ස ඒෂ මූසාඃ|
38මහාප්රාන්තරස්ථමණ්ඩලීමධ්යේ(අ)පි ස ඒව සීනයපර්ව්වතෝපරි තේන සාර්ද්ධං සංලාපිනෝ දූතස්ය චාස්මත්පිතෘගණස්ය මධ්යස්ථඃ සන් අස්මභ්යං දාතව්යනි ජීවනදායකානි වාක්යානි ලේභේ|
39අස්මාකං පූර්ව්වපුරුෂාස්තම් අමාන්යං කත්වා ස්වේභ්යෝ දූරීකෘත්ය මිසරදේශං පරාවෘත්ය ගන්තුං මනෝභිරභිලෂ්ය හාරෝණං ජගදුඃ,
40අස්මාකම් අග්රේ(අ)ග්රේ ගන්තුुම් අස්මදර්ථං දේවගණං නිර්ම්මාහි යතෝ යෝ මූසා අස්මාන් මිසරදේශාද් බහිඃ කෘත්වානීතවාන් තස්ය කිං ජාතං තදස්මාභි ර්න ඥායතේ|
41තස්මින් සමයේ තේ ගෝවත්සාකෘතිං ප්රතිමාං නිර්ම්මාය තාමුද්දිශ්ය නෛවේද්යමුත්මෘජ්ය ස්වහස්තකෘතවස්තුනා ආනන්දිතවන්තඃ|