8තත්රෝභයපාදයෝශ්චලනශක්තිහීනෝ ජන්මාරභ්ය ඛඤ්ජඃ කදාපි ගමනං නාකරෝත් ඒතාදෘශ ඒකෝ මානුෂෝ ලුස්ත්රානගර උපවිශ්ය පෞලස්ය කථාං ශ්රුතවාන්|
9ඒතස්මින් සමයේ පෞලස්තම්ප්රති දෘෂ්ටිං කෘත්වා තස්ය ස්වාස්ථ්යේ විශ්වාසං විදිත්වා ප්රෝච්චෛඃ කථිතවාන්
10පද්භ්යාමුත්තිෂ්ඨන් ඍජු ර්භව| තතඃ ස උල්ලම්ඵං කෘත්වා ගමනාගමනේ කුතවාන්|
11තදා ලෝකාඃ පෞලස්ය තත් කාර්ය්යං විලෝක්ය ලුකායනීයභාෂයා ප්රෝච්චෛඃ කථාමේතාං කථිතවන්තඃ, දේවා මනුෂ්යරූපං ධෘත්වාස්මාකං සමීපම් අවාරෝහන්|
12තේ බර්ණබ්බාං යූපිතරම් අවදන් පෞලශ්ච මුඛ්යෝ වක්තා තස්මාත් තං මර්කුරියම් අවදන්|
13තස්ය නගරස්ය සම්මුඛේ ස්ථාපිතස්ය යූපිතරවිග්රහස්ය යාජකෝ වෘෂාන් පුෂ්පමාලාශ්ච ද්වාරසමීපම් ආනීය ලෝකෛඃ සර්ද්ධං තාවුද්දිශ්ය සමුත්සෘජ්ය දාතුම් උද්යතඃ|
14තද්වාර්ත්තාං ශ්රුත්වා බර්ණබ්බාපෞලෞ ස්වීයවස්ත්රාණි ඡිත්වා ලෝකානාං මධ්යං වේගේන ප්රවිශ්ය ප්රෝච්චෛඃ කථිතවන්තෞ,
15හේ මහේච්ඡාඃ කුත ඒතාදෘශං කර්ම්ම කුරුථ? ආවාමපි යුෂ්මාදෘශෞ සුඛදුඃඛභෝගිනෞ මනුෂ්යෞ, යුයම් ඒතාඃ සර්ව්වා වෘථාකල්පනාඃ පරිත්යජ්ය යථා ගගණවසුන්ධරාජලනිධීනාං තන්මධ්යස්ථානාං සර්ව්වේෂාඤ්ච ස්රෂ්ටාරමමරම් ඊශ්වරං ප්රති පරාවර්ත්තධ්වේ තදර්ථම් ආවාං යුෂ්මාකං සන්නිධෞ සුසංවාදං ප්රචාරයාවඃ|
16ස ඊශ්වරඃ පූර්ව්වකාලේ සර්ව්වදේශීයලෝකාන් ස්වස්වමාර්ගේ චලිතුමනුමතිං දත්තවාන්,
17තථාපි ආකාශාත් තෝයවර්ෂණේන නානාප්රකාරශස්යෝත්පත්යා ච යුෂ්මාකං හිතෛෂී සන් භක්ෂ්යෛරානනදේන ච යුෂ්මාකම් අන්තඃකරණානි තර්පයන් තානි දානානි නිජසාක්ෂිස්වරූපාණි ස්ථපිතවාන්|