ప్రేరితాః 5:35-41

³⁵హే ఇస్రాయేల్వంశీయాః సర్వ్వే యూయమ్ ఏతాన్ మానుషాన్ ప్రతి యత్ కర్త్తుమ్ ఉద్యతాస్తస్మిన్ సావధానా భవత|

³⁶ఇతః పూర్వ్వం థూదానామైకో జన ఉపస్థాయ స్వం కమపి మహాపురుషమ్ అవదత్, తతః ప్రాయేణ చతుఃశతలోకాస్తస్య మతగ్రాహిణోభవన్ పశ్చాత్ స హతోభవత్ తస్యాజ్ఞాగ్రాహిణో యావన్తో లోకాస్తే సర్వ్వే విర్కీర్ణాః సన్తో ఽకృతకార్య్యా అభవన్|

³⁷తస్మాజ్జనాత్ పరం నామలేఖనసమయే గాలీలీయయిహూదానామైకో జన ఉపస్థాయ బహూల్లోకాన్ స్వమతం గ్రాహీతవాన్ తతః సోపి వ్యనశ్యత్ తస్యాజ్ఞాగ్రాహిణో యావన్తో లోకా ఆసన్ తే సర్వ్వే వికీర్ణా అభవన్|

³⁸అధునా వదామి, యూయమ్ ఏతాన్ మనుష్యాన్ ప్రతి కిమపి న కృత్వా క్షాన్తా భవత, యత ఏష సఙ్కల్ప ఏతత్ కర్మ్మ చ యది మనుష్యాదభవత్ తర్హి విఫలం భవిష్యతి|

³⁹యదీశ్వరాదభవత్ తర్హి యూయం తస్యాన్యథా కర్త్తుం న శక్ష్యథ, వరమ్ ఈశ్వరరోధకా భవిష్యథ|

⁴⁰తదా తస్య మన్త్రణాం స్వీకృత్య తే ప్రేరితాన్ ఆహూయ ప్రహృత్య యీశో ర్నామ్నా కామపి కథాం కథయితుం నిషిధ్య వ్యసర్జన్|

⁴¹కిన్తు తస్య నామార్థం వయం లజ్జాభోగస్య యోగ్యత్వేన గణితా ఇత్యత్ర తే సానన్దాః సన్తః సభాస్థానాం సాక్షాద్ అగచ్ఛన్|