லூக​: 6:3-22

³யீஸு²​: ப்ரத்யுவாச தா³யூத்³ தஸ்ய ஸங்கி³நஸ்²ச க்ஷுதா⁴ர்த்தா​: கிம்ʼ சக்ரு​: ஸ கத²ம் ஈஸ்²வரஸ்ய மந்தி³ரம்ʼ ப்ரவிஸ்²ய

⁴யே த³ர்ஸ²நீயா​: பூபா யாஜகாந் விநாந்யஸ்ய கஸ்யாப்யபோ⁴ஜநீயாஸ்தாநாநீய ஸ்வயம்ʼ பு³ப⁴ஜே ஸங்கி³ப்⁴யோபி த³தௌ³ தத் கிம்ʼ யுஷ்மாபி⁴​: கதா³பி நாபாடி²?

⁵பஸ்²சாத் ஸ தாநவத³த் மநுஜஸுதோ விஸ்²ராமவாரஸ்யாபி ப்ரபு⁴ ர்ப⁴வதி|

⁶அநந்தரம் அந்யவிஸ்²ராமவாரே ஸ ப⁴ஜநகே³ஹம்ʼ ப்ரவிஸ்²ய ஸமுபதி³ஸ²தி| ததா³ தத்ஸ்தா²நே ஸு²ஷ்கத³க்ஷிணகர ஏக​: புமாந் உபதஸ்தி²வாந்|

⁷தஸ்மாத்³ அத்⁴யாபகா​: பி²ரூஸி²நஸ்²ச தஸ்மிந் தோ³ஷமாரோபயிதும்ʼ ஸ விஸ்²ராமவாரே தஸ்ய ஸ்வாஸ்த்²யம்ʼ கரோதி நவேதி ப்ரதீக்ஷிதுமாரேபி⁴ரே|

⁸ததா³ யீஸு²ஸ்தேஷாம்ʼ சிந்தாம்ʼ விதி³த்வா தம்ʼ ஸு²ஷ்ககரம்ʼ புமாம்ʼஸம்ʼ ப்ரோவாச, த்வமுத்தா²ய மத்⁴யஸ்தா²நே திஷ்ட²|

⁹தஸ்மாத் தஸ்மிந் உத்தி²தவதி யீஸு²ஸ்தாந் வ்யாஜஹார, யுஷ்மாந் இமாம்ʼ கதா²ம்ʼ ப்ருʼச்சா²மி, விஸ்²ராமவாரே ஹிதம் அஹிதம்ʼ வா, ப்ராணரக்ஷணம்ʼ ப்ராணநாஸ²நம்ʼ வா, ஏதேஷாம்ʼ கிம்ʼ கர்ம்மகரணீயம்?

¹⁰பஸ்²சாத் சதுர்தி³க்ஷு ஸர்வ்வாந் விலோக்ய தம்ʼ மாநவம்ʼ ப³பா⁴ஷே, நிஜகரம்ʼ ப்ரஸாரய; ததஸ்தேந ததா² க்ருʼத இதரகரவத் தஸ்ய ஹஸ்த​: ஸ்வஸ்தோ²ப⁴வத்|

¹¹தஸ்மாத் தே ப்ரசண்ட³கோபாந்விதா யீஸு²ம்ʼ கிம்ʼ கரிஷ்யந்தீதி பரஸ்பரம்ʼ ப்ரமந்த்ரிதா​:|

¹²தத​: பரம்ʼ ஸ பர்வ்வதமாருஹ்யேஸ்²வரமுத்³தி³ஸ்²ய ப்ரார்த²யமாந​: க்ருʼத்ஸ்நாம்ʼ ராத்ரிம்ʼ யாபிதவாந்|

¹³அத² தி³நே ஸதி ஸ ஸர்வ்வாந் ஸி²ஷ்யாந் ஆஹூதவாந் தேஷாம்ʼ மத்⁴யே

¹⁴பிதரநாம்நா க்²யாத​: ஸி²மோந் தஸ்ய ப்⁴ராதா ஆந்த்³ரியஸ்²ச யாகூப்³ யோஹந் ச பி²லிப் ப³ர்த²லமயஸ்²ச

¹⁵மதி²​: தோ²மா ஆல்பீ²யஸ்ய புத்ரோ யாகூப்³ ஜ்வலந்தநாம்நா க்²யாத​: ஸி²மோந்

¹⁶ச யாகூபோ³ ப்⁴ராதா யிஹூதா³ஸ்²ச தம்ʼ ய​: பரகரேஷு ஸமர்பயிஷ்யதி ஸ ஈஷ்கரீயோதீயயிஹூதா³ஸ்²சைதாந் த்³வாத³ஸ² ஜநாந் மநோநீதாந் க்ருʼத்வா ஸ ஜக்³ராஹ ததா² ப்ரேரித இதி தேஷாம்ʼ நாம சகார|

¹⁷தத​: பரம்ʼ ஸ தை​: ஸஹ பர்வ்வதாத³வருஹ்ய உபத்யகாயாம்ʼ தஸ்தௌ² ததஸ்தஸ்ய ஸி²ஷ்யஸங்கோ⁴ யிஹூதா³தே³ஸா²த்³ யிரூஸா²லமஸ்²ச ஸோர​: ஸீதோ³நஸ்²ச ஜலதே⁴ ரோத⁴ஸோ ஜநநிஹாஸ்²ச ஏத்ய தஸ்ய கதா²ஸ்²ரவணார்த²ம்ʼ ரோக³முக்த்யர்த²ஞ்ச தஸ்ய ஸமீபே தஸ்து²​:|

¹⁸அமேத்⁴யபூ⁴தக்³ரஸ்தாஸ்²ச தந்நிகடமாக³த்ய ஸ்வாஸ்த்²யம்ʼ ப்ராபு​:|

¹⁹ஸர்வ்வேஷாம்ʼ ஸ்வாஸ்த்²யகரணப்ரபா⁴வஸ்ய ப்ரகாஸி²தத்வாத் ஸர்வ்வே லோகா ஏத்ய தம்ʼ ஸ்ப்ரஷ்டும்ʼ யேதிரே|

²⁰பஸ்²சாத் ஸ ஸி²ஷ்யாந் ப்ரதி த்³ருʼஷ்டிம்ʼ குத்வா ஜகா³த³, ஹே த³ரித்³ரா யூயம்ʼ த⁴ந்யா யத ஈஸ்²வரீயே ராஜ்யே வோ(அ)தி⁴காரோஸ்தி|

²¹ஹே அது⁴நா க்ஷுதி⁴தலோகா யூயம்ʼ த⁴ந்யா யதோ யூயம்ʼ தர்ப்ஸ்யத²; ஹே இஹ ரோதி³நோ ஜநா யூயம்ʼ த⁴ந்யா யதோ யூயம்ʼ ஹஸிஷ்யத²|

²²யதா³ லோகா மநுஷ்யஸூநோ ர்நாமஹேதோ ர்யுஷ்மாந் ருʼृதீயிஷ்யந்தே ப்ருʼத²க் க்ருʼத்வா நிந்தி³ஷ்யந்தி, அத⁴மாநிவ யுஷ்மாந் ஸ்வஸமீபாத்³ தூ³ரீகரிஷ்யந்தி ச ததா³ யூயம்ʼ த⁴ந்யா​:|