யோசு 15:14-52

¹⁴அங்கேயிருந்த சேசாய், அகீமான், தல்மாய் என்னும் ஏனாக்கின் மூன்று மகன்களையும் காலேப் துரத்திவிட்டு,

¹⁵அங்கேயிருந்து தெபீரின் குடிகளிடத்திற்குப் போனான்; முற்காலத்திலே தெபீரின் பெயர் கீரியாத்செப்பேர்.

¹⁶கீரியாத்செப்பேரை அழித்துக் கைப்பற்றுகிறவனுக்கு, என் மகளாகிய அக்சாளைத் திருமணம் செய்துகொடுப்பேன் என்று காலேப் சொன்னான்.

¹⁷அப்பொழுது காலேபின் சகோதரனாகிய கேனாசின் மகன் ஒத்னியேல் அதைக் கைப்பற்றினான்; எனவே, தன் மகள் அக்சாளை அவனுக்குத் திருமணம் செய்துகொடுத்தான்.

¹⁸அவள் புறப்படும்போது, என் தகப்பனிடத்தில் ஒரு வயல்வெளியைக் கேட்கவேண்டும் என்று அவனிடம் அனுமதி பெற்றுக்கொண்டு, கழுதையின்மேலிருந்து இறங்கினாள். காலேப் அவளைப் பார்த்து: உனக்கு என்னவேண்டும் என்றான்.

¹⁹அப்பொழுது அவள்: எனக்கு ஒரு ஆசீர்வாதம் தரவேண்டும்; எனக்கு வறட்சியான நிலத்தைத் தந்தீர்; நீர்ப்பாய்ச்சலான நிலத்தையும் எனக்குத் தரவேண்டும் என்றாள்; அப்பொழுது அவளுக்கு மேற்புறத்திலும் கீழ்ப்புறத்திலும் நீர்ப்பாய்ச்சலான நிலங்களைக் கொடுத்தான்.

²⁰யூதா கோத்திரத்தார்களுக்கு அவர்களுடைய வம்சங்களின்படி உண்டான பங்கு என்னவென்றால்:

²¹தென்புறத்தின் கடைசியான ஏதோமின் எல்லைக்கு நேராக, யூதா கோத்திரத்திற்குக் கிடைத்த பட்டணங்களாவன: கப்செயேல், ஏதேர், யாகூர்,

²²கீனா. திமோனா, ஆதாதா,

²³கேதேஸ், ஆத்சோர், இத்னான்,

²⁴சீப், தேலெம், பெயாலோத்,

²⁵ஆத்சோர், அதாத்தா, கீரியோத், எஸ்ரோன் என்னும் ஆத்சோர்,

²⁶ஆமாம், சேமா, மொலாதா,

²⁷ஆத்சார்காதா, எஸ்மோன், பெத்பெலேத்,

²⁸ஆசார்சூவால், பெயர்செபா, பிஸ்யோத்யா,

²⁹பாலா, ஈயிம், ஏத்சேம்,

³⁰எல்தோலாத், கெசீல், ஓர்மா,

³¹சிக்லாக், மத்மன்னா, சன்சன்னா,

³²லெபாயோத், சில்லீம், ஆயீன், ரிம்மோன் என்பவைகள்; எல்லாப் பட்டணங்களும் அவைகளுடைய கிராமங்களும் உட்பட இருபத்தொன்பது.

³³பள்ளத்தாக்கு நாட்டில் எஸ்தாவோல், சோரியா, அஷ்னா,

³⁴சனோகா, என்கன்னீம், தப்புவா, ஏனாம்,

³⁵யர்மூத், அதுல்லாம், சோக்கோ, அசேக்கா,

³⁶சாராயீம், அதித்தாயீம், கெதேரா, கேதெரொத்தாயீம்; இந்தப் பட்டணங்களும் அவைகளுடைய கிராமங்களும் உட்பட பதினான்கு.

³⁷சேனான், அதாஷா, மிக்தால்காத்,

³⁸திலியான், மிஸ்பே, யோக்தெயேல்,

³⁹லாகீஸ், போஸ்காத், எக்லோன்,

⁴⁰காபோன், லகமாம், கித்லீஷ்,

⁴¹கெதெரோத், பெத்டாகோன், நாமா, மக்கெதா; இந்தப் பட்டணங்களும் அவைகளுடைய கிராமங்களும் உட்பட பதினாறு.

⁴²லிப்னா, ஏத்தேர், ஆசான்,

⁴³இப்தா, அஸ்னா, நெசீப்,

⁴⁴கேகிலா, அக்சீப், மரேஷா; இந்தப் பட்டணங்களும் அவைகளுடைய கிராமங்களும் உட்பட ஒன்பது.

⁴⁵எக்ரோனும் அதின் வெளிநிலங்களும் கிராமங்களும்,

⁴⁶எக்ரோன் துவங்கிச் மத்திய தரைக் கடல் வரை, அஸ்தோத்தின் பகுதியில் இருக்கிற எல்லா ஊர்களும், அவைகளின் கிராமங்களும்,

⁴⁷அஸ்தோத்தும், அதின் வெளிநிலங்களும் கிராமங்களும், காசாவும் எகிப்தின் ஆறு வரையிருக்கிற அதின் வெளிநிலங்களும் கிராமங்களுமே; மத்திய தரைக் கடலே எல்லை.

⁴⁸மலைகளில் சாமீர், யாத்தீர், சோக்கோ,

⁴⁹தன்னா, தெபீர் என்னப்பட்ட கீரியாத்சன்னா,

⁵⁰ஆனாப், எஸ்தெமொ, ஆனீம்,

⁵¹கோசேன், ஓலோன், கிலோ; இந்தப் பட்டணங்களும் அவைகளுடைய கிராமங்களும் உட்பட பதினொன்று.

⁵²அராப், தூமா, எஷியான்,