ப்ரேரிதா​: 5:11-41

¹¹தஸ்மாத் மண்ட³ல்யா​: ஸர்வ்வே லோகா அந்யலோகாஸ்²ச தாம்ʼ வார்த்தாம்ʼ ஸ்²ருத்வா ஸாத்⁴வஸம்ʼ க³தா​:|

¹²தத​: பரம்ʼ ப்ரேரிதாநாம்ʼ ஹஸ்தை ர்லோகாநாம்ʼ மத்⁴யே ப³ஹ்வாஸ்²சர்ய்யாண்யத்³பு⁴தாநி கர்ம்மாண்யக்ரியந்த; ததா³ ஸி²ஷ்யா​: ஸர்வ்வ ஏகசித்தீபூ⁴ய ஸுலேமாநோ (அ)லிந்தே³ ஸம்பூ⁴யாஸந்|

¹³தேஷாம்ʼ ஸங்கா⁴ந்தர்கோ³ ப⁴விதும்ʼ கோபி ப்ரக³ல்ப⁴தாம்ʼ நாக³மத் கிந்து லோகாஸ்தாந் ஸமாத்³ரியந்த|

¹⁴ஸ்த்ரிய​: புருஷாஸ்²ச ப³ஹவோ லோகா விஸ்²வாஸ்ய ப்ரபு⁴ம்ʼ ஸ²ரணமாபந்நா​:|

¹⁵பிதரஸ்ய க³மநாக³மநாப்⁴யாம்ʼ கேநாபி ப்ரகாரேண தஸ்ய சா²யா கஸ்மிம்ʼஸ்²சிஜ்ஜநே லகி³ஷ்யதீத்யாஸ²யா லோகா ரோகி³ண​: ஸி²விகயா க²ட்வயா சாநீய பதி² பதி² ஸ்தா²பிதவந்த​:|

¹⁶சதுர்தி³க்ஸ்த²நக³ரேப்⁴யோ ப³ஹவோ லோகா​: ஸம்பூ⁴ய ரோகி³ணோ(அ)பவித்ரபு⁴தக்³ரஸ்தாம்ʼஸ்²ச யிரூஸா²லமம் ஆநயந் தத​: ஸர்வ்வே ஸ்வஸ்தா² அக்ரியந்த|

¹⁷அநந்தரம்ʼ மஹாயாஜக​: ஸிதூ³கிநாம்ʼ மதக்³ராஹிணஸ்தேஷாம்ʼ ஸஹசராஸ்²ச

¹⁸மஹாக்ரோதா⁴ந்த்விதா​: ஸந்த​: ப்ரேரிதாந் த்⁴ருʼத்வா நீசலோகாநாம்ʼ காராயாம்ʼ ப³த்³த்⁴வா ஸ்தா²பிதவந்த​:|

¹⁹கிந்து ராத்ரௌ பரமேஸ்²வரஸ்ய தூ³த​: காராயா த்³வாரம்ʼ மோசயித்வா தாந் ப³ஹிராநீயாகத²யத்,

²⁰யூயம்ʼ க³த்வா மந்தி³ரே த³ண்டா³யமாநா​: ஸந்தோ லோகாந் ப்ரதீமாம்ʼ ஜீவநதா³யிகாம்ʼ ஸர்வ்வாம்ʼ கதா²ம்ʼ ப்ரசாரயத|

²¹இதி ஸ்²ருத்வா தே ப்ரத்யூஷே மந்தி³ர உபஸ்தா²ய உபதி³ஷ்டவந்த​:| ததா³ ஸஹசரக³ணேந ஸஹிதோ மஹாயாஜக ஆக³த்ய மந்த்ரிக³ணம் இஸ்ராயேல்வம்ʼஸ²ஸ்ய ஸர்வ்வாந் ராஜஸபா⁴ஸத³​: ஸபா⁴ஸ்தா²ந் க்ருʼத்வா காராயாஸ்தாந் ஆபயிதும்ʼ பதா³திக³ணம்ʼ ப்ரேரிதவாந்|

²²ததஸ்தே க³த்வா காராயாம்ʼ தாந் அப்ராப்ய ப்ரத்யாக³த்ய இதி வார்த்தாம் அவாதி³ஷு​:,

²³வயம்ʼ தத்ர க³த்வா நிர்வ்விக்⁴நம்ʼ காராயா த்³வாரம்ʼ ருத்³த⁴ம்ʼ ரக்ஷகாம்ʼஸ்²ச த்³வாரஸ்ய ப³ஹிர்த³ண்டா³யமாநாந் அத³ர்ஸா²ம ஏவ கிந்து த்³வாரம்ʼ மோசயித்வா தந்மத்⁴யே கமபி த்³ரஷ்டும்ʼ ந ப்ராப்தா​:|

²⁴ஏதாம்ʼ கதா²ம்ʼ ஸ்²ருத்வா மஹாயாஜகோ மந்தி³ரஸ்ய ஸேநாபதி​: ப்ரதா⁴நயாஜகாஸ்²ச, இத பரம்ʼ கிமபரம்ʼ ப⁴விஷ்யதீதி சிந்தயித்வா ஸந்தி³க்³த⁴சித்தா அப⁴வந்|

²⁵ஏதஸ்மிந்நேவ ஸமயே கஸ்²சித் ஜந ஆக³த்ய வார்த்தாமேதாம் அவத³த் பஸ்²யத யூயம்ʼ யாந் மாநவாந் காராயாம் அஸ்தா²பயத தே மந்தி³ரே திஷ்ட²ந்தோ லோகாந் உபதி³ஸ²ந்தி|

²⁶ததா³ மந்தி³ரஸ்ய ஸேநாபதி​: பதா³தயஸ்²ச தத்ர க³த்வா சேல்லோகா​: பாஷாணாந் நிக்ஷிப்யாஸ்மாந் மாரயந்தீதி பி⁴யா விநத்யாசாரம்ʼ தாந் ஆநயந்|

²⁷தே மஹாஸபா⁴யா மத்⁴யே தாந் அஸ்தா²பயந் தத​: பரம்ʼ மஹாயாஜகஸ்தாந் அப்ருʼச்ச²த்,

²⁸அநேந நாம்நா ஸமுபதே³ஷ்டும்ʼ வயம்ʼ கிம்ʼ த்³ருʼட⁴ம்ʼ ந ந்யஷேதா⁴ம? ததா²பி பஸ்²யத யூயம்ʼ ஸ்வேஷாம்ʼ தேநோபதே³ஸே²நே யிரூஸா²லமம்ʼ பரிபூர்ணம்ʼ க்ருʼத்வா தஸ்ய ஜநஸ்ய ரக்தபாதஜநிதாபராத⁴ம் அஸ்மாந் ப்ரத்யாநேதும்ʼ சேஷ்டத்⁴வே|

²⁹தத​: பிதரோந்யப்ரேரிதாஸ்²ச ப்ரத்யவத³ந் மாநுஷஸ்யாஜ்ஞாக்³ரஹணாத்³ ஈஸ்²வரஸ்யாஜ்ஞாக்³ரஹணம் அஸ்மாகமுசிதம்|

³⁰யம்ʼ யீஸு²ம்ʼ யூயம்ʼ க்ருஸே² வேதி⁴த்வாஹத தம் அஸ்மாகம்ʼ பைத்ருʼக ஈஸ்²வர உத்தா²ப்ய

³¹இஸ்ராயேல்வம்ʼஸா²நாம்ʼ மந​:பரிவர்த்தநம்ʼ பாபக்ஷமாஞ்ச கர்த்தும்ʼ ராஜாநம்ʼ பரித்ராதாரஞ்ச க்ருʼத்வா ஸ்வத³க்ஷிணபார்ஸ்²வே தஸ்யாந்நதிம் அகரோத்|

³²ஏதஸ்மிந் வயமபி ஸாக்ஷிண ஆஸ்மஹே, தத் கேவலம்ʼ நஹி, ஈஸ்²வர ஆஜ்ஞாக்³ராஹிப்⁴யோ யம்ʼ பவித்ரம் ஆத்மநம்ʼ த³த்தவாந் ஸோபி ஸாக்ஷ்யஸ்தி|

³³ஏதத்³வாக்யே ஸ்²ருதே தேஷாம்ʼ ஹ்ருʼத³யாநி வித்³தா⁴ந்யப⁴வந் ததஸ்தே தாந் ஹந்தும்ʼ மந்த்ரிதவந்த​:|

³⁴ஏதஸ்மிந்நேவ ஸமயே தத்ஸபா⁴ஸ்தா²நாம்ʼ ஸர்வ்வலோகாநாம்ʼ மத்⁴யே ஸுக்²யாதோ க³மிலீயேல்நாமக ஏகோ ஜநோ வ்யவஸ்தா²பக​: பி²ரூஸி²லோக உத்தா²ய ப்ரேரிதாந் க்ஷணார்த²ம்ʼ ஸ்தா²நாந்தரம்ʼ க³ந்தும் ஆதி³ஸ்²ய கதி²தவாந்,

³⁵ஹே இஸ்ராயேல்வம்ʼஸீ²யா​: ஸர்வ்வே யூயம் ஏதாந் மாநுஷாந் ப்ரதி யத் கர்த்தும் உத்³யதாஸ்தஸ்மிந் ஸாவதா⁴நா ப⁴வத|

³⁶இத​: பூர்வ்வம்ʼ தூ²தா³நாமைகோ ஜந உபஸ்தா²ய ஸ்வம்ʼ கமபி மஹாபுருஷம் அவத³த், தத​: ப்ராயேண சது​:ஸ²தலோகாஸ்தஸ்ய மதக்³ராஹிணோப⁴வந் பஸ்²சாத் ஸ ஹதோப⁴வத் தஸ்யாஜ்ஞாக்³ராஹிணோ யாவந்தோ லோகாஸ்தே ஸர்வ்வே விர்கீர்ணா​: ஸந்தோ (அ)க்ருʼதகார்ய்யா அப⁴வந்|

³⁷தஸ்மாஜ்ஜநாத் பரம்ʼ நாமலேக²நஸமயே கா³லீலீயயிஹூதா³நாமைகோ ஜந உபஸ்தா²ய ப³ஹூல்லோகாந் ஸ்வமதம்ʼ க்³ராஹீதவாந் தத​: ஸோபி வ்யநஸ்²யத் தஸ்யாஜ்ஞாக்³ராஹிணோ யாவந்தோ லோகா ஆஸந் தே ஸர்வ்வே விகீர்ணா அப⁴வந்|

³⁸அது⁴நா வதா³மி, யூயம் ஏதாந் மநுஷ்யாந் ப்ரதி கிமபி ந க்ருʼத்வா க்ஷாந்தா ப⁴வத, யத ஏஷ ஸங்கல்ப ஏதத் கர்ம்ம ச யதி³ மநுஷ்யாத³ப⁴வத் தர்ஹி விப²லம்ʼ ப⁴விஷ்யதி|

³⁹யதீ³ஸ்²வராத³ப⁴வத் தர்ஹி யூயம்ʼ தஸ்யாந்யதா² கர்த்தும்ʼ ந ஸ²க்ஷ்யத², வரம் ஈஸ்²வரரோத⁴கா ப⁴விஷ்யத²|

⁴⁰ததா³ தஸ்ய மந்த்ரணாம்ʼ ஸ்வீக்ருʼத்ய தே ப்ரேரிதாந் ஆஹூய ப்ரஹ்ருʼத்ய யீஸோ² ர்நாம்நா காமபி கதா²ம்ʼ கத²யிதும்ʼ நிஷித்⁴ய வ்யஸர்ஜந்|

⁴¹கிந்து தஸ்ய நாமார்த²ம்ʼ வயம்ʼ லஜ்ஜாபோ⁴க³ஸ்ய யோக்³யத்வேந க³ணிதா இத்யத்ர தே ஸாநந்தா³​: ஸந்த​: ஸபா⁴ஸ்தா²நாம்ʼ ஸாக்ஷாத்³ அக³ச்ச²ந்|