ରୋମିଣଃ 5:15-21

¹⁵କିନ୍ତୁ ପାପକର୍ମ୍ମଣୋ ଯାଦୃଶୋ ଭାୱସ୍ତାଦୃଗ୍ ଦାନକର୍ମ୍ମଣୋ ଭାୱୋ ନ ଭୱତି ଯତ ଏକସ୍ୟ ଜନସ୍ୟାପରାଧେନ ଯଦି ବହୂନାଂ ମରଣମ୍ ଅଘଟତ ତଥାପୀଶ୍ୱରାନୁଗ୍ରହସ୍ତଦନୁଗ୍ରହମୂଲକଂ ଦାନଞ୍ଚୈକେନ ଜନେନାର୍ଥାଦ୍ ଯୀଶୁନା ଖ୍ରୀଷ୍ଟେନ ବହୁଷୁ ବାହୁଲ୍ୟାତିବାହୁଲ୍ୟେନ ଫଲତି|

¹⁶ଅପରମ୍ ଏକସ୍ୟ ଜନସ୍ୟ ପାପକର୍ମ୍ମ ଯାଦୃକ୍ ଫଲଯୁକ୍ତଂ ଦାନକର୍ମ୍ମ ତାଦୃକ୍ ନ ଭୱତି ଯତୋ ୱିଚାରକର୍ମ୍ମୈକଂ ପାପମ୍ ଆରଭ୍ୟ ଦଣ୍ଡଜନକଂ ବଭୂୱ, କିନ୍ତୁ ଦାନକର୍ମ୍ମ ବହୁପାପାନ୍ୟାରଭ୍ୟ ପୁଣ୍ୟଜନକଂ ବଭୂୱ|

¹⁷ଯତ ଏକସ୍ୟ ଜନସ୍ୟ ପାପକର୍ମ୍ମତସ୍ତେନୈକେନ ଯଦି ମରଣସ୍ୟ ରାଜତ୍ୱଂ ଜାତଂ ତର୍ହି ଯେ ଜନା ଅନୁଗ୍ରହସ୍ୟ ବାହୁଲ୍ୟଂ ପୁଣ୍ୟଦାନଞ୍ଚ ପ୍ରାପ୍ନୁୱନ୍ତି ତ ଏକେନ ଜନେନ, ଅର୍ଥାତ୍ ଯୀଶୁଖ୍ରୀଷ୍ଟେନ, ଜୀୱନେ ରାଜତ୍ୱମ୍ ଅୱଶ୍ୟଂ କରିଷ୍ୟନ୍ତି|

¹⁸ଏକୋଽପରାଧୋ ଯଦ୍ୱତ୍ ସର୍ୱ୍ୱମାନୱାନାଂ ଦଣ୍ଡଗାମୀ ମାର୍ଗୋ ଽଭୱତ୍ ତଦ୍ୱଦ୍ ଏକଂ ପୁଣ୍ୟଦାନଂ ସର୍ୱ୍ୱମାନୱାନାଂ ଜୀୱନଯୁକ୍ତପୁଣ୍ୟଗାମୀ ମାର୍ଗ ଏୱ|

¹⁹ଅପରମ୍ ଏକସ୍ୟ ଜନସ୍ୟାଜ୍ଞାଲଙ୍ଘନାଦ୍ ଯଥା ବହୱୋ ଽପରାଧିନୋ ଜାତାସ୍ତଦ୍ୱଦ୍ ଏକସ୍ୟାଜ୍ଞାଚରଣାଦ୍ ବହୱଃ ସପୁଣ୍ୟୀକୃତା ଭୱନ୍ତି|

²⁰ଅଧିକନ୍ତୁ ୱ୍ୟୱସ୍ଥାଗମନାଦ୍ ଅପରାଧସ୍ୟ ବାହୁଲ୍ୟଂ ଜାତଂ କିନ୍ତୁ ଯତ୍ର ପାପସ୍ୟ ବାହୁଲ୍ୟଂ ତତ୍ରୈୱ ତସ୍ମାଦ୍ ଅନୁଗ୍ରହସ୍ୟ ବାହୁଲ୍ୟମ୍ ଅଭୱତ୍|

²¹ତେନ ମୃତ୍ୟୁନା ଯଦ୍ୱତ୍ ପାପସ୍ୟ ରାଜତ୍ୱମ୍ ଅଭୱତ୍ ତଦ୍ୱଦ୍ ଅସ୍ମାକଂ ପ୍ରଭୁଯୀଶୁଖ୍ରୀଷ୍ଟଦ୍ୱାରାନନ୍ତଜୀୱନଦାଯିପୁଣ୍ୟେନାନୁଗ୍ରହସ୍ୟ ରାଜତ୍ୱଂ ଭୱତି|