ગણના 13:1-15

¹પછી યહોવાહ મૂસા સાથે બોલ્યા. તેમણે કહ્યું કે,

²“કનાન દેશ, જે હું ઇઝરાયલી લોકોને આપવાનો છું તેની જાસૂસી કરવા માટે તું થોડા માણસોને મોકલ. તેઓના પિતાના સર્વ કુળમાંથી એક એક પુરુષને મોકલ. તે દરેક તેઓ મધ્યે આગેવાન હોય.”

³અને યહોવાહની આજ્ઞા અનુસાર પારાનના અરણ્યમાંથી મૂસાએ તેઓને મોકલ્યા. એ સર્વ પુરુષો ઇઝરાયલી લોકોના આગેવાનો હતા.

⁴તેઓનાં નામ આ પ્રમાણે છે; રુબેનના કુળમાંથી, ઝાકુરનો દીકરો શામ્મૂઆ.

⁵શિમયોનના કુળમાંથી હોરીનો દીકરો શાફાટ.

⁶યહૂદાના કુળમાંથી, યફુન્નેનો દીકરો કાલેબ.

⁷ઇસ્સાખારના કુળમાંથી, યૂસફનો દીકરો ઈગાલ.

⁸એફ્રાઇમના કુળમાંથી, નૂનનો દીકરો હોશિયા.

⁹બિન્યામીનના કુળમાંથી, રાફુનો દીકરો પાલ્ટી.

¹⁰ઝબુલોનના કુળમાંથી, સોદીનો દીકરો ગાદીયેલ.

¹¹યૂસફના કુળમાંથી એટલે મનાશ્શા કુળમાંથી, સુસીનો દીકરો ગાદી.

¹²દાન કુળમાંથી, ગમાલીનો દીકરો આમિયેલ.

¹³આશેરના કુળમાંથી, મિખાયેલનો દીકરો સથુર.

¹⁴નફતાલીના કુળમાંથી, વોફસીનો દીકરો નાહબી.

¹⁵ગાદના કુળમાંથી, માખીરનો દીકરો ગુએલ.