13मेको प्रोंइशा यो, गो अर्को इ मपुंइशो यो गेनन। गे मबेक्ङे सम्म इ कली शोंप नु मान ततीके यो गेनन। तेकोइ पिपपुकी गे नु उइक्थ मदुम्नीम। मत्ती ६:३३
14मिनु गे इ आफ दाऊदम खोदेंशो पा, आं लांम गाक्ते हना, आं फुल्लुम मुशा ब्रेक्शो लोव़ नु आं शेंतीके टिप्तीवी हना, गो इ कली शुश ब्रोंइचा गेनन” देंमाक्त।
15मिनु नोले सोलोमन सेंसे बाक्त। मिनु एको दा ङोमु कका बाक्त, दे तुइक्ता बाक्त। मिनु मेको नोले यरूसलेम लेम्माक्त। मिनु परमप्रभु यावे आ कबल पशो सन्दोस आ नेक्था राम्माक्त। मिनु मेकेर चोशा चढ़ेतीक नु दुशा बाक्तीक आ पर्बम चढ़ेतीके चढ़ेवा बाक्त। मिनु मेकोमी आ गेय पाइब नेल्ल आन कली भोज का गेमी बाक्त।
16मिनु नोले तेल्लेम मीश मुर निक्शी पिप आ ङोंइती जाक्शा, राप्सा बाक्त।
17मिनु मेको आस दाते ङा काम “आं प्रभु, एको मीश मुर नु गो खिं कामीन बाक्नस्कु। मिनु गो एको नु बाक्ङानु, आल का थीता।
18मिनु गो आल थिङा आ नाक्त सां नोले एकोमी यो आल का थिप्तु। मेकेर गो निक्शी ला बाक्शो नस्कु। मेको खिंम आंस निक्शी ङा लाक्शा, अर्को सुइ मबाक्म।
19मिनु नाक्दो एको मीश मुरुम आ तौ कली चिप्शा सदा बाक्त।