Text copied!
CopyCompare
परमप्रभु यावे आ लोव़ - हितोपदेस - हितोपदेस 7

हितोपदेस 7:7-26

Help us?
Click on verse(s) to share them!
7मिनु गो मार ताता देंशा हना, मारेइ मजोक्‍ब नु ठिटा आन दातेमी निप्‍स मपाइश्‍शो ठिटा का कली ताता।
8मेको वोंइश आल लां मेर गाक्‍शो ताता। मेको हेंथे गाक्‍ब मीश मुर आ खिं गे लना लन पशो ताता।
9गो मेको कली नां रिचावानु, छिङछिङ दुम्‍ची ना ताता।
10मेको मीश मुर मेको कली ग्रुम्‍चा कली ग्रूत। तेल्‍लेम खोदेंशो पा फेक्‍शा “मेको कली हेंथे खोइक्‍‍पाइक्‍नुङ” दे मिम्‍शो बाक्‍त।
11मेको मीश मुर मारेइ महिंब नु मुने मपाइब बाक्‍ब। मेको गेनायो आ खिंम बाक्‍चा मदाक्‍ब।
12मिनु मेको लां एर ओंथ, शुश मुर बाक्‍तीके मेरे हिरशा, कुना मेर रिम्‍ना रिम्‍न बाक्‍ब।
13मिनु मेको मीश मुरुमी मेको कली ग्‍याइश्‍शा, पुक्‍पु पा मुने मपथु
14“गो मुलाक्‍ती दुशा बाक्‍चा आ पर्बम चढ़ेतीके चढ़ेचा माल्‍शो नङ। मेको आं कसम मुलाक्‍ती खाप्‍ता। लेवी ७:१५-१७
15मोपतीके गो इ कली ग्रुम्‍थ जाक्‍ती। गो इ कली शुश माल्‍शा थित्‍ता।
16गो आं ब्राख्‍येमी बरखी ब्राता। मेको इजीप्‍त रागी ङा श्‍येलेम प्रोव़शो बाक्‍ब।
17गो आं ब्राख्‍येमी मूरे, एलोव़ नु सिन्‍कौलीमी ब्रोव़शो रिना पपाइक्‍ता।
18पिवो। गो निक्‍शी इप्‍स। नेल्‍ल नाक्‍दो काथा ग्‍येरसीशा इप्‍स।
19मारदे हना आं वोंइश खिंमी मबाक्‍ब। मेको ङोन लत।
20मेको शुश क्‍येट कुरसीशा लत। मोपतीके पूर्ने सम्‍म मजाक्‍ब” देंत।
21मोपा शुश लेम्‍शा, मेकोमी वोंइश आल कली लाइक्‍तु। आ मिलो शिलो लोव़मी मेको कली हेंथे खोइक्‍पाइक्‍तु।
22मिनु मेको वोंइश आल मेको मीश मुर आ नोले रीब पा खोइक्‍तु। क्‍योरचा कली खुल्‍शो ब्‍यफ खोदेंशो पा गाक्‍त। ब्‍वारदमी रेत्‍चा कली प्रेक्‍शो किश्‍श खोदेंशो पा मेको आ नोले लत।
23मिनु ब्राम ख्रशा, बेक्‍चा सम्‍म रिम्‍ब। चिक्‍ब ब्‍वारदम रेत्‍चा चिक्‍शो खोदेंशो पा “बेक्‍नुङ” दे मतुइक्‍ब।
24मुल आं तौपुकी, आं लोव़ नेनीन। इन नोफा दाइश्‍शा, आं लोव़ नेनीन।
25इन थुं मोदेंशो मीश मुर आ लांम लचा मगेने। मेको आ हेंथे लां मलने।
26मेकोमी शुश मुर आन कली खतम सेल्‍तु। आ साइश्‍शो शुश बाक्‍नीम।

Read हितोपदेस 7हितोपदेस 7
Compare हितोपदेस 7:7-26हितोपदेस 7:7-26