14“गो मुलाक्ती दुशा बाक्चा आ पर्बम चढ़ेतीके चढ़ेचा माल्शो नङ। मेको आं कसम मुलाक्ती खाप्ता। लेवी ७:१५-१७
15मोपतीके गो इ कली ग्रुम्थ जाक्ती। गो इ कली शुश माल्शा थित्ता।
16गो आं ब्राख्येमी बरखी ब्राता। मेको इजीप्त रागी ङा श्येलेम प्रोव़शो बाक्ब।
17गो आं ब्राख्येमी मूरे, एलोव़ नु सिन्कौलीमी ब्रोव़शो रिना पपाइक्ता।
18पिवो। गो निक्शी इप्स। नेल्ल नाक्दो काथा ग्येरसीशा इप्स।
19मारदे हना आं वोंइश खिंमी मबाक्ब। मेको ङोन लत।
20मेको शुश क्येट कुरसीशा लत। मोपतीके पूर्ने सम्म मजाक्ब” देंत।
21मोपा शुश लेम्शा, मेकोमी वोंइश आल कली लाइक्तु। आ मिलो शिलो लोव़मी मेको कली हेंथे खोइक्पाइक्तु।
22मिनु मेको वोंइश आल मेको मीश मुर आ नोले रीब पा खोइक्तु। क्योरचा कली खुल्शो ब्यफ खोदेंशो पा गाक्त। ब्वारदमी रेत्चा कली प्रेक्शो किश्श खोदेंशो पा मेको आ नोले लत।
हितोपदेस 7
हितोपदेस 7:14-22