1आं तौ, आं लोव़ टिवो। आं शेंशो लोव़ इ थुंम वोतो।
2गे आं अरेशो मप्रेंताक्वी हना, गे ब्रोंइनेवे। आं शेंशो इ मिक्च खोदेंशो पा होस पा वोतो।
3मेको कली इ ब्रेप्चोम फ्रेंदो। इ थुंमी ब्रेक्शा वोतो।
4गे तुइक्तीक कली “आं समी ननी” देनो। मिनु जोक्तीक तुइक्तीके कली “आं नेल्ल क्येङा गारब वारच बाक्नीनी” दे लोव़ पावो।
5मो पाप्तीवी हना, मेकोमी इ कली हेंथे पाइब ग्युंबे पशो मीश मुर आ ग्रेन्देल लोव़ रे प्रोंइब।
6मिनु गोमी आं खिं ङा झेल रे कोंवता। गोमी लां गे कोंवता।
7मिनु गो मार ताता देंशा हना, मारेइ मजोक्ब नु ठिटा आन दातेमी निप्स मपाइश्शो ठिटा का कली ताता।
8मेको वोंइश आल लां मेर गाक्शो ताता। मेको हेंथे गाक्ब मीश मुर आ खिं गे लना लन पशो ताता।
9गो मेको कली नां रिचावानु, छिङछिङ दुम्ची ना ताता।
10मेको मीश मुर मेको कली ग्रुम्चा कली ग्रूत। तेल्लेम खोदेंशो पा फेक्शा “मेको कली हेंथे खोइक्पाइक्नुङ” दे मिम्शो बाक्त।
11मेको मीश मुर मारेइ महिंब नु मुने मपाइब बाक्ब। मेको गेनायो आ खिंम बाक्चा मदाक्ब।
12मिनु मेको लां एर ओंथ, शुश मुर बाक्तीके मेरे हिरशा, कुना मेर रिम्ना रिम्न बाक्ब।
13मिनु मेको मीश मुरुमी मेको कली ग्याइश्शा, पुक्पु पा मुने मपथु
14“गो मुलाक्ती दुशा बाक्चा आ पर्बम चढ़ेतीके चढ़ेचा माल्शो नङ। मेको आं कसम मुलाक्ती खाप्ता। लेवी ७:१५-१७