7गे “गो जोक्ब तुइक्ब मुर नङ” दे ममिम्तो। तन्न परमप्रभु यावे कली मान पा हिनो। मरिम्शो पतीके रे ङोन बाक्को। यसैया ५:२१
8मो पाप्तीवी हना, मेको इ रां कली सापाइक्तीके बाक्ब। मिनु इ गुइ खोइल बोल्यो दुम्नीम।
9इ शोंपोमी परमप्रभु यावे कली मान पावो। मिनु इ बाली नाली रे नेल्ल क्येङा ङोंइती सिश्शोमी आ नें ठेयब सेलो। प्रस्थान २३:१९
10मो पाप्तीवी हना, इ कोठो भकारी अन्नमी शुश ब्रीशो बाक्नीम। इ अङगुर ख्राक्तीके अङगुर रसम ब्रीशो बाक्नीम।
11आं तौ, परमप्रभु यावेमी इ कली देंशो रिम्शो पावो। आ हुइश्शो नेंशा, मरिम्शो मसुतो। हिब्रू १२:५-६; अय्युब ५:१७-१९
12मारदे हना परमप्रभु यावेमी आ दाक्शो मुर आन कली ला हुइक्ब। मेकोमी रिम्शो आफोमी आ दाक्शो तौ कली खोदेंशो पा सजाइ गेब। १कोरिन्थी ११:३२; प्रकाश ३:१९
13तुइक्तीके ताइब नु रुप्बपुकी ग्येरसीशो मुर बाक्नीम।
हितोपदेस 3
हितोपदेस 3:7-13