1आं तौ, आं अरेशो मप्रेंदो। मिनु आं शेंशो लोव़ इ थुंमी वोतो। लेवी १८:५
2मारदे हना मेकोमी इ कली शुश बर्स ब्रोंइतीक नु थम रिम्शो बाक्चा गेनीस।
3गेना हना यो दाक्शा गेनायो मप्रोंइथु, बाक्को। मेको निक्शी कली माला खोदेंशो पा रेल्शा, इ थुंम ब्रेक्शो खोदेंशो पा वोतो। ब्यवस्था ६:८; येरमीया ३१:३३
4मो पाप्तीवी हना, गे परमप्रभु आ आसीक ताइनेवे। मुर नेल्लेमी इ कली रिम्शो देंनीम।
5गे इ थुं नेल्लेमी परमप्रभु यावे आ देंशो मिम्शा, थमा सुतो। इ आंम जोक्शो तुइश्शो थमा मसुतो।
6इ पतीक नेल्लेमी “परमप्रभु यावेमी मार दाक्बा” दे मिम्तो। मो पाप्तीवी हना, परमप्रभु यावेमी इ कली ठीक लां कोंइब।
7गे “गो जोक्ब तुइक्ब मुर नङ” दे ममिम्तो। तन्न परमप्रभु यावे कली मान पा हिनो। मरिम्शो पतीके रे ङोन बाक्को। यसैया ५:२१