7मिनु “गो इन कली थोव़क निक्शी पुंइनुङ। आं बेक्चा क्येङा ङोंइती मेको आं कली गेयीनी।
8हेंथे पतीके नु जोल पतीक आं क्येङा ङोन वोतीन। आं कली प्रुङग मसेल्यीनी नु शुश क्येट थीब यो मसेल्यीनी। आं कली माल्चा ङा जचा थोव़क गेयीनी। तिमोथी ६:६-८
9मारदे हना गो नु मारेइ मारेइ बाक्त हना, गो इन कली प्रेंनुङ। मिनु ‘परमप्रभु यावे सु बाक्बा?’ देंनुङा कों? मिनु गो प्रुङग दुम्ती हना, खुइ पा आं परमप्रभु आ नें आइक्च सेल्शा मुने तोक्नुङा कों?” देंती। प्रस्थान ५:२
10गेय पाइब आ पर्बम आ होव़प नु मरिम्शो लोव़ मपावो। मो पाप्तीवी हना, मेकोमी इ कली सराप पाइब। मिनु गे श्येत जाइनेवे।
11का निक्शी मुरुमी आन आफ कली सराप पाइनीम। मिनु आन आम कली आसीक मगेनीम।
12का निक्शी मुरुमी आंम कली “गो गेना हना यो रिम्शो पाइब मुर नङ” देंनीम। तन्न मेको आन मरिम्शो पशो मक्याम्सीशो बाक्ब। हितोपदेस २०:९
13का निक्शी मुर ठेयब लेश्शो बाक्नीम। मेको शुश बोरशो बाक्नीम।
14का निक्शी मुर आन ख्रुइ तरवार नु छूरी खोदेंशो बाक्ब। मेकोपुकीमी प्रुङग आन कली नाक्शा, श्येत जाइब आन कली ब्वाइनीम।
हितोपदेस 30
हितोपदेस 30:7-14